Пионер руһу илә аловланын!
1. Сизҹә пионер руһу нәдир?
1 Пионер олуб-олмамаларындан асылы олмајараг, Падшаһлығын бүтүн тәблиғчиләри пионер руһу әкс етдирә биләрләр. Онлар тәблиғ етмәк вә шаҝирдләр һазырламаг тапшырығыны сә’јлә јеринә јетирирләр (Мат. 28:19, 20; Һәв. иш. 18:5). Онлар инсанлары севир вә хидмәтләрини фәдакарлыгла јеринә јетирирләр (Мат. 9:36; Һәв. иш. 20:24). Јеһованын хидмәтчиләри вар-ҝүҹләри илә сә’ј ҝөстәрирләр ки, башгаларынын һәгигәти өјрәнмәләринә көмәк етсинләр (1 Кор. 9:19-23). Ҝәлин бу ҹүр руһ әкс етдирән Мүждәнин тәблиғчиси Филипин нүмунәсини нәзәрдән кечирәк.
2. Ағсаггаллар вә хидмәти көмәкчиләр Филипин хидмәтдә ҝөстәрдији сә’ји неҹә тәглид едирләр?
2 Тәблиғ вә тә’лим заманы. Биринҹи әсрин јығынҹағында Филипин ҹидди мәс’улијјәтләри вар иди (Һәв. иш. 6:1-6). Лакин о, илк нөвбәдә хош хәбәрин чалышган тәблиғчиси иди (Һәв. иш. 8:40). Онун кими бу ҝүн ағсаггал вә хидмәти көмәкчиләр дә јығынҹагдакы мәс’улијјәтләринин гајғысына галараг, пионер руһу әкс етдирә биләрләр. Онларын хидмәтдә ҝөстәрдикләри сә’јләри башгаларыны да һәвәсләндирә биләр. Бу, јығынҹағын руһуна неҹә дә мүсбәт тә’сир ҝөстәрир! (Ром. 12:11).
3. Тә’гибләр заманы пионер руһуну неҹә әкс етдирә биләрик?
3 Стефанын өлүмүндән сонра мәсиһчиләр ҝүҹлү тә’гибләрә мә’руз галдылар вә онларын һәјаты кәскин сурәтдә дәјишди. Буна бахмајараг Филип тәблиғ етмәјә давам едирди вә о, хош хәбәрин самаријалылар арасында јајылмасы үчүн чох иш ҝөрмүшдүр (Һәв. иш. 8:1, 4-6, 12, 14-17). Биз дә, һәтта тә’гибләр заманы белә хош хәбәри данышараг вә үзҝөрәнлик етмәдән растлашдығымыз инсанларын һамысына тәблиғ едәрәк онун нүмунәсини тәглид едә биләрик (Јәһ. 4:9).
4. Филип мүәллим кими һансы нүмунәни вермишдир?
4 Филипин Аллаһын Кәламыны өјрәтмәк ишиндә нә дәрәҹәдә баҹарыглы олдуғу һәбәшистанлы хәдимлә етдији сөһбәтдән ҝөрүнүр (Һәв. иш. 8:26-38). Мүгәддәс Китабдан даһа баҹарыгла истифадә етмәк вә Мүгәддәс Јазыларын әсасында фикирләшмәк — пионер руһу әкс етдирмәјин даһа бир үсулудур (Һәв. иш. 17:2, 3). Филип кими, биз дә һәр бир фүрсәтдән истифадә едәрәк инсанлар олан һәр бир јердә тәблиғ етмәјә чалышырыг.
5. Мәсиһчи валидејнләр ушагларына пионер руһуну неҹә ашылаја биләрләр?
5 Аиләдә вә јығынҹагда. Филипин әһвал-руһијјәси вә нүмунәси, шүбһәсиз ки, онун гызларына јахшы тә’сир ҝөстәрмишдир (Һәв. иш. 21:9). Ејни тәрздә бу ҝүн дә, әҝәр мәсиһчи валидејнләр Падшаһлығын марагларыны һәјатларында биринҹи јерә гојурларса, онда онларын ушаглары да ејни шеји етмәјә чалышаҹаглар. Һәфтәнин сонунда валидејнләр јорғун олмаларына бахмајараг, башгаларына сә’јлә тәблиғ едирләрсә, бу, ушаглара унудулмаз тә’сир бағышлајыр (Сүл. мәс. 22:6).
6. Пионерләри гијмәтләндирдијимизи онлара неҹә ҝөстәрә биләрик?
6 Филип өзләрини тамамилә Јеһоваја тәгдим едән чох сә’јли мәсиһчиләр олан Павел вә Лукаја меһрибанлыгла гонагпәрвәрлик ҝөстәрди (Һәв. иш. 21:8, 10). Бәс биз сә’јли тәблиғчиләрә өз көмәјимизи вә онлары гијмәтләндирдијимизи неҹә ҝөстәрә биләрик? Мисал үчүн, биз, пионерләр тәблиғә ҝетмәк үчүн јолдаш тапмаға чәтинлик чәкдикләри ҝүнләрдә онларла әмәкдашлыг едә биләрик (Филип. 2:4). Биз һәмчинин онлары гонаг дә’вәт едә биләрик. Шәраитимиз һәр неҹә олса да, ҝәлин һамымыз пионер руһу илә аловланаг!