Е’ланлар

◼ Нојабрын 1-дән 14-дәк пајланаҹаг әдәбијјат: “Ојаг дурун!” брошүрасыны пајламаг үчүн хүсуси кампанија. Нојабрын 15-30-дәк: “Аллаһ тәләб едир” брошүрасы. Декабр, јанвар вә феврал: Јығынҹагда олан һәр һансы 192 сәһифәлик китаб.

◼ Сәдрлик едән нәзарәтчи вә ја онун тә’јин етдији гардаш јығынҹағын һесабатыны декабрын 1-дә вә ја буна јахын тарихләрдән бириндә јохламалыдыр. Әҝәр Падшаһлыг Залынын гајғысына галмаг вә тә’мир етмәк үчүн, јахуд да тикинти иши үчүн јығынҹағын әлавә банк һесабы ачылыбса, ону да јохламаг лазымдыр. Јохламанын нәтиҹәси барәдә, јығынҹагда нөвбәти малијјә һесабаты охундугдан сонра мә’лумат верилир.

◼ Јығынҹаглар нөвбәти әдәбијјат сифариши илә бирликдә 2004-ҹү ил үчүн “Ҝөзәтчи Гүлләси” вә “Ојанын!” журналларынын галын ҹилдли нүсхәләрини сифариш едә биләрләр. Бу нүсхәләри һансы дилләрдә әлдә етмәк мүмкүн олдуғуна даир “Бүтүн јығынҹаглара е’лан” адлы мәктубда сијаһы ҝөндәриләҹәк. Галын ҹилдли нүсхәләр һазыр олана гәдәр ҝөндәрилән сифаришләрин сијаһысында “Сифариш гәбул олунмушдур” графасында ҝөстәриләҹәк. Галын ҹилдли нүсхәләр, хүсуси сифаришлә верилән әшјадыр.

◼ Јығынҹагларда сәдрлик едән нәзарәтчиләрин, катибләрин вә узаг әразиләрдә јерләшән груплара нәзарәт едән гардашларын үнванлары вә телефон нөмрәләри һаггындакы сон мә’лумат филиала чатдырылмалыдыр. Әҝәр һәр һансы бир дәјишиклик баш верирсә, јығынҹағын хидмәти комитәси “Сәдрлик едән нәзарәтчинин/катибин үнванында дәјишиклик” (С-29) бланкыны долдурмалы вә имзалајыб филиала ҝөндәрмәлидир. Һәмчинин, почт индексинин дәјишилмәси барәдә дә хәбәр вермәк лазымдыр.

◼ 2004-ҹү ил октјабрын 25-дән башланан һәфтәдән, мајын 16-дан башланан һәфтәјә гәдәр, јығынҹағын китабөјрәнмәсиндә “Аилә хошбәхтлијинин сирри” китабы өјрәниләҹәк. 2005-ҹи ил мајын 23-дән башланан һәфтәдән исә “Ојаг дурун!” брошүрасы азәрбајҹан, франсыз, ҝүрҹү, инҝилис, гырғыз, осетин, рус вә татар дилләриндә өјрәниләҹәк.