Мүгәддәс Китабы өјрәнәнләрә руһән бөјүмәкдә көмәк едирик. ВЫ һиссә.
Өјрәнән адам суаллар верәндә нә етмәк лазымдыр?
1 Мүнтәзәм олараг Мүгәддәс Китаб өјрәнмәси кечирилирсә, бир мөвзудан о бири мөвзуја кечмәк әвәзинә, Мүгәддәс Китабын тә’лимләрини ардыҹыл сурәтдә мүзакирә етмәк даһа јахшы оларды. Бунун сајәсиндә, өјрәнән инсан дәгиг билијин тәмәлини гојаҹаг вә руһән инкишаф едәҹәк (Колос. 1:9, 10). Лакин өјрәнәнләр чох вахт мәшғәлә заманы мүхтәлиф суаллар верирләр. Белә һалда нә етмәли?
2 Дәрракәли ол. Өјрәнилән материалын мүзакирәсинә аид олан суаллара дәрһал ҹаваб вермәк олар. Лакин әҝәр верилән суал нөвбәти дәрсләрдә мүзакирә едиләҹәксә, буну садәҹә гејд етмәк кифајәт едәр. Амма верилән суал өјрәнилән материала аид дејилсә, јахуд дүзҝүн ҹаваб вермәк үчүн тәдгигат апармаг лазым ҝәлирсә, һәмин суалы өјрәнмәдән сонра вә ја башга вахт мүзакирә етмәк даһа јахшы олар. Бә’зи тәблиғчиләр ашкар етмишләр ки, өјрәнәнин вердији суаллары јазанда, о әмин олур ки, онун суалларына ҹидди јанашылыр вә бу, өјрәнилән мөвзудан кәнара чыхмамаға көмәк едир.
3 Мүгәддәс Китабын бир чох тә’лимләри өјрәнмә үчүн әсас ҝөтүрүлән нәшрләрдә гысаҹа мүзакирә едилир. Бәс әҝәр өјрәнән мүәјјән тә’лими гәбул етмәкдә чәтинлик чәкирсә вә ја јалан е’тигада тәрәфдардырса, онда нә етмәк олар? Бу заман Мүгәддәс Китабын һәмин мөвзуја даир дедикләрини мүзакирә етмәк үчүн өјрәнәнлә әлавә мә’луматы нәзәрдән кечирмәк фајдалы ола биләр. Әҝәр өјрәнән адам јенә дә өз фикриндә галарса, мөвзунун мүзакирәсини башга вахта кечир вә онунла өјрәнмәни давам етдир (Јәһ. 16:12). О, Мүгәддәс Китабдан даһа чох билик әлдә етмәклә вә руһани ҹәһәтдән инкишаф етмәклә, һәмин тә’лими өзү баша дүшә биләр.
4 Тәвазөкар ол. Әҝәр сән өјрәнән адамын вердији суалын ҹавабыны дәгиг билмирсәнсә, шәхси фикрини демәкдән гачын (1 Пет. 4:11; 2 Тим. 2:15). Баша сал ки, сән бу суалы арашдыраҹагсан, ҹавабыны исә ҝәлән дәфә верәҹәксән. Һәтта фүрсәтдән истифадә едәрәк, она неҹә тәдгигат апармағы да өјрәдә биләрсән. Јеһованын тәшкилатынын тәгдим етдији мүхтәлиф арашдырма вәсаитләриндән неҹә истифадә етмәји тәдриҹән ҝөстәр. Бу үсул, вахтилә өз суалларына сәрбәст ҹаваб тапмагда она көмәк едәҹәк (Һәв. иш. 17:11).