Инсанларын гаршысында олан борҹумуз
1 Һәвари Павел инсанлара тәблиғ етмәји өзүнә борҹ билирди. О дәрк едирди ки, Јеһова Өз Оғлунун гијмәтли ганы сајәсиндә бүтүн милләтләрдән олан инсанлара хилас олмаг имканы јарадыб (1 Тим. 2:3-6). Буна ҝөрә дә, Павел јазмышды: «Мән јунанлара вә јунан олмајанлара, мүдрикләрә вә ҹаһилләрә борҹлујам». О, өз борҹуну јеринә јетирмәк үчүн, башга инсанларла хош хәбәри бөлүшәрәк, јорулмадан чалышырды (Ром. 1:14, 15).
2 Павел кими, бу ҝүн јашајан мәсиһчиләр дә өз јахынлары илә хош хәбәри бөлүшмәк үчүн һәр бир имкандан истифадә едирләр. «Бөјүк мәшәггәт» чох сүр’әтлә јахынлашмагдадыр вә биз дајанмадан сәмими инсанлары ахтармалыјыг. Ҝәлин инсанлара олан сәмими мәһәббәтдән ирәли ҝәләрәк, бу ишдә даһа чох сә’ј ҝөстәрәк, чүнки бундан онларын һәјаты асылыдыр! (Мат. 24:21; Јез. 33:8).
3 Борҹумузу јеринә јетиририк. Инсанларла хош хәбәри әксәр һалларда евдән-евә тәблиғ едәркән болүшүрүк. Һәрдән онлары евдә тапмаг асан олмур. Лакин әҝәр биз сәлигәли гејдләр едир вә тәблиғ саһәсинә мүхтәлиф вахтларда ҝәлириксә, онда даһа чох инсанларла даныша биләрик (1 Кор. 10:33). Бундан әлавә биз ишҝүзар саһәдә, күчәдә, паркларда, автомобил дајанаҹагларында вә телефонла тәблиғ едирик. Јахшы оларды ки, гаршымыза белә бир суал гојаг: «Доғруданмы мән хош хәбәри бәјан етмәк үчүн бүтүн имканлардан истифадә едирәм?» (Мат. 10:11).
4 Бир пионер баҹымыз јашадығы әразидәки инсанларын гаршысында олан борҹуну дәриндән дәрк едирди. Евләрин бириндә пәнҹәрәләрдәки пәрдәләр һәмишә бағлы иди вә орада һеч кәси тапмаг олмурду. Бир дәфә пионер һәмин евин габағында дајанмыш бир машын ҝөрүр. Баҹымыз хидмәтдә олмаса да, јаранмыш фүрсәти әлдән вермәк истәмәјиб гапынын зәнҝини басыр. Бајыра бир киши чыхыр вә баҹы онунла сөһбәтә башлајыр. Сонра баҹымыз әри илә һәмән кишијә даһа бир нечә дәфә дә баш чәкир. Сон нәтиҹәдә о, Мүгәддәс Китабы өјрәнмәјә разылашыр, һазырда исә вәфтиз олунмуш гардашымыздыр. Баҹынын тәблиғ етмәк борҹуну дәриндән дәрк етдијинә ҝөрә, һәмин киши чох миннәтдар иди.
5 Сон чох сүр’әтлә јахынлашмагдадыр вә јахынларымызын гаршысында борҹумузу јеринә јетирмәјин ән мүнасиб вахтыдыр. Ҝәлин гүввәмизи әсирҝәмәдән тәблиғ ишиндә иштирак едәк! (2 Кор. 6:1, 2).