Вахтыны мүдрикликлә истифадә ет
1 Јеһованы разы салмаг истәјимиз бизи һәјатда руһани ишләрә үстүнлүк вермәјә тәшвиг едир. Онун Кәламы «әввәлҹә Аллаһын Сәлтәнәтини [Падшаһлығыны] ахтарын» вә ‘ән үстүн дәјәрләри ајырд един’ дејә бизә нәсиһәт верир (Мат. 6:33; Филип. 1:10). Падшаһлығын мараглары үчүн вахты неҹә сатын ала биләрик вә чох ваҹиб олмајан ишләри икинҹи јерә неҹә гоја биләрик? (Ефес. 5:15-17).
2 Падшаһлығын ишләринә үстүнлүк вер. Вахтын әһәмијјәтсиз ишләрә сәрф олунмасын дејә, график тәртиб ет. Бә’зи мәсиһчиләр һәр ајын әввәлиндә хидмәт едәҹәкләри вахты тәгвимләриндә гејд едирләр. Сонра ај әрзиндә чалышырлар ки, диҝәр ишләр планларыны позмасын. Јығынҹаг ҝөрүшләри, шәхси өјрәнмә вә конгресләр үчүн дә вахты бу ҹүр сатын алмаг олар. Бир чохлары Мүгәддәс Китабы ја сәһәр, ја да ахшам охудугларыны да гејд едирләр. Һәр бир ваҹиб иш үчүн габагҹадан конкрет вахт ајыр вә башга ишләрин лазымсыз јерә сәнин планыны позмасына јол вермә (Ваиз 3:1; 1 Кор. 14:40).
3 Дүнјадан там истифадә етмәмәк. Бә’зи өлкәләрдә идман, әјләнҹә, истираһәт, һобби вә башга мәшғулијјәтләр чохлары үчүн әлчатандыр. Бир чохлары телевизор вә ја компүтер архасында һәддиндән артыг вахт кечирирләр. Лакин әјләнҹәләрә вә бу дүнјанын тәклиф етдији һәр бир јени техникаја алудә олмаг, сөзсүз ки, мә’јуслуға ҝәтириб чыхараҹаг (1 Јәһ. 2:15-17). Буна ҝөрә дә, Мүгәддәс Китаб бизи бу дүнјадан там истифадә етмәмәјә тәшвиг едир (1 Кор. 7:31). Бу мүдрик мәсләһәтә риајәт етмәклә, Јеһоваја руһани ишләрин сәнин үчүн биринҹи јердә дурдуғуну ҝөстәрәҹәксән (Мат. 6:19-21).
4 Бу дүнјанын мөвҹуд олмасы үчүн верилән вахт түкәнмәк үзрәдир. Падшаһлығын марагларына һәјатларында үстүнлүк верән инсанлар хошбәхт олаҹаг вә Јеһованын лүтфүнү газанаҹаглар (Сүл. мәс. 8:32-35; Јаг. 1:25). Ҝәлин чох гијмәтли олан вахтымыздан мүдрикҹәсинә истифадә едәк.