Тәблиғ хидмәтиндә Мәсиһи тәглид ет
1 Иса дүзҝүн хидмәт етмәјә даир бизә нүмунә гојуб. О, Аллаһа вә инсанлара бәсләдији бөјүк мәһәббәти дәфәләрлә вә мүхтәлиф үсулларла нүмајиш етдирмишдир. Иса һәлим адамлара һәгигәти өјрәдир, хәстә вә фағырларын һалына аҹыјыр, онлара мәрһәмәтлә јанашырды (Мат. 9:35).
2 Исанын нүмунәси вә тә’лимләри. Иса сијаси мүнагишәләрә гарышмыр, инсанларын ҝүзаранынын јахшылашмасы үчүн хејријјәчиликлә мәшғул олмурду. О јол вермирди ки, хош нијјәтлә ҝөрдүјү ишләр, диггәтини әсас фәалијјәтиндән јајындырсын (Лука 8:1). Иса ҝүҹүнү Аллаһын Падшаһлығы һаггында хош хәбәрин тәблиғинә чәмләмишди. О билирди ки, бәшәријјәтин чәкдији чәтинликләри һәмишәлик һәлл етмәјә јалныз бу Падшаһлыг гадирдир. Исанын иши олдугҹа ваҹиб, вахты исә чох мәһдуд иди. Кефернаһум сакинләри Исадан орада галмасыны хаһиш едәндә, о, шаҝирдләринә деди: «Башга јахын гәсәбәләрә ҝедәк ки, ораларда да тәблиғ едим, чүнки Мән буна ҝөрә ҝәлмишәм» (Марк 1:38).
3 Иса шаҝирдләрини тәблиғ ишинә һазырлајырды. Хидмәтә јолламаздан әввәл онлара конкрет олараг тапшырмышды: «“Сәмави Сәлтәнәт јахындыр”, — дејә тәблиғ един» (Мат. 10:7). О, давамчыларына өјрәдирди ки, Падшаһлығын мараглары һәјатларында әсас јери тутмалыдыр (Мат. 6:33). Иса ҝөјә ҝедәркән сон сөзләриндә шаҝирдләринә нә едәҹәкләрини ајдын баша салды: «Беләликлә, ҝедин, бүтүн халглары шаҝирдим един» (Мат. 28:19).
4 Падшаһлығын ваҹиблији. Исанын сөһбәтләринин әсас мөвзусу Аллаһын Падшаһлығы иди вә о, шаҝирдләрини дә буна тәшвиг едирди. Инсанларын, бәшәри проблемләри һәлл етмәк ҹәһдләри һеч вахт уғур газанмајыб вә газанмајаҹаг (Јер. 10:23). Јалныз Аллаһын Падшаһлығы Јеһованын адыны тәмизә чыхараҹаг вә бәшәријјәтә даими раһатлыг ҝәтирәҹәк (Мат. 6:9, 10). Падшаһлыг һаггында һәгигәтләри ‘бүтүн ијрәнҹ ишләрдән өтрү аһ-налә едән адамлара’ өјрәдәндә, онлар елә бу ҝүн хошбәхт вә мә’налы һәјата, ҝәләҹәјә даир сарсылмаз үмидә саһиб олурлар (Јез. 9:4).
5 Иса инди дә Аллаһын Падшаһлығы һаггындакы хош хәбәрин тәблиғиндә мүһүм рол ојнајыр вә бизи дәстәкләдијинә әмин едир (Мат. 28:20). Тәблиғ хидмәтимиз, Исанын хидмәтдә гојдуғу нүмунәјә нә гәдәр ујғун ҝәлир? (1 Пет. 2:21). Ҝәлин Исанын хидмәтдә гојдуғу нүмунәјә бу сон ҝүнләрдә там риајәт етмәк үчүн әлимиздән ҝәләни едәк!