Суаллар гутусу

◼ Јығынҹагларын вә ајры-ајры шәхсләрин Јеһованын Шаһидләринин истифадә етдији һүгуг корпорасијаларынын нишанларындан истифадә етмәси мүнасибдирми?

Нишан асан вә дәгиг танынмасы үчүн нәзәрдә тутулан ад, символ вә ја маркадыр. Ҝөзәтчи Гүлләсинин нишаны тәшкилатын истифадә етдији Ҝөзәтчи Гүлләси, Мүгәддәс Китаб вә Трактатлар Ҹәмијјәти (Пенсилванија) вә башга корпорасијалары тәмсил едир. Јеһованын Шаһидләринин Мәсиһчи Јығынҹағы баш һәрфләрлә ад вә үнван јазылмыш башлыгда ачыг Мүгәддәс Китаб нишанындан истифадә едир. Јеһованын Шаһидләринин истифадә етдији диҝәр корпорасијалар башга нишанлардан истифадә едирләр.

Јығынҹаглар вә ја ајры-ајры адамлар өзләринин Падшаһлыг Заллары, бланклары, шәхси објектләри вә саирә шејләр үчүн тәшкилатын һүгуги корпорасијаларынын ад вә нишанларындан, јахуд онлара чох охшар олан ад вә нишанлардан истифадә етмәмәлидирләр. Тәшкилатын нишанларындан бу ҹүр истифадә етмәк рәсми даирәләрдә, тәблиғчиләрдә вә башгаларында јығынҹағын тәшкилатын һүгуг корпорасијалары илә һүгуги әлагәси барәдә чашгынлыг јарада биләр. Ејни тәрздә, јазылы мәктублашма јанлыш олараг үмумдүнја мәркәзи идарә вә ја филиаллар тәрәфиндән тәсдигләнмиш, јахуд ҝөндәрилмиш кими баша дүшүлә биләр.

Ҝөзәтчи Гүлләси нишаны, јахуд онун мүхтәлиф вариантлары «Ҝөзәтчи Гүлләси» корпорасијасына мәнсуб олдугда белә, ҝәләҹәк Падшаһлыг Заллары лајиһәләриндә истифадә едилмәмәлидир. Падшаһлыг Залында нишаны олан јығынҹаглардан нишанлары вә ја лајиһәни дәрһал дәјишдирмәк тәләб олунмур, чүнки бунун үчүн көклү сурәтдә дәјишиклик етмәк, вахт, ҝүҹ вә вәсаит сәрф етмәк лазым ҝәлә биләр. Анҹаг әҝәр хырда дәјишиклик едилә вә чох иш ҝөрмәк лазым ҝәләрсә, онда дәјишиклик һагда дүшүнмәк ҝәрәкдир. Әҝәр бөјүк дәјишиклик етмәк лазым ҝәләҹәксә, бина, јахуд ишарәнин јениләшдирилмәси заманы буну етмәк олар.