Вилајәт конгреси илә бағлы хатырлатмалар

◼ Конгресин вахты. Програм һәр үч ҝүндә саат 9:20-дә башланаҹаг. Гапылар саат 8:00-дан ачыг олаҹаг. Падшаһлыг мелодијалары сәсләнмәјә башлајанда һәр биримиз јерләримизи тутмалыјыг ки, програм лајигли тәрздә башлансын. Програм ҹүмә вә шәнбә ҝүнү 16:55-дә, базар ҝүнү исә саат 16:00-да гуртараҹаг. Бејнәлхалг конгресләрдә програм ҹүмә ахшамы 13:20-дә башлајаҹаг, 16:45-дә гуртараҹаг.

◼ Машын дајанаҹағы. Нәглијјат васитәсини дајанаҹагда сахлајаркән ашағыдакы нөвбәти мәгамлары нәзәрә алын: 1) Хидмәтчиләрин ҝөстәришләринә риајәт един; 2) Конгрес Залына ҝедән јолда ҝедиш-ҝәлишә манеә олмамаг үчүн гој сәрнишинләр нәглијјат васитәсинә дајаҹагда миниб дүшсүнләр. Дајанаҹагда јер адәтән мәһдуд олдуғундан, автомобилдән мүмкүн гәдәр мүштәрәк истифадә етмәк лазымдыр.

◼ Јерләр. Әлавә јерләри анҹаг бир машында ҝәлдијиниз вә ја бир мәнзилдә галдығыныз адамлар үчүн тутмаг олар.

◼ Наһар. Фасилә заманы наһар етмәк үчүн башга јерә ҝетмәк әвәзинә, хаһиш олунур ки, өзүнүзлә јемәк ҝәтирәсиниз. Өзүнүзлә отураҹағынызын алтына гоја биләҹәјиниз кичик сојудуҹу чанта ҝәтирмәк олар. Конгресә бөјүк аиләви сојудуҹу чанталар, шүшә габлар вә спиртли ичкиләр ҝәтирмәк олмаз.

◼ Көнүллү ианәләр. Вилајәт конгресләринин тәшкил едилмәсинә ҝөрә миннәтдарлығымызы Падшаһлыг Залында вә ја конгресдә үмумдүнја ишинә көнүллү ианә етмәклә ҝөстәрә биләрик.

◼ Бәдбәхт вә фөвгәладә һадисәләр. Әҝәр конгресин кечирилдији јердә тәҹили јардыма еһтијаҹ дујуларса, јахында олан хидмәтчи илә әлагә сахлајын. О, дәрһал илк јардым шөбәсинә мәлумат верәҹәк. Конгресин кечирилдији јердә олан ихтисаслы тибби һејәт јаранан вәзијјәтин нә дәрәҹәдә ҹидди олдуғуну мүәјјәнләшдирәҹәк вә јардым ҝөстәрәҹәк. Лазым ҝәлсә тәҹили јардым чағырылаҹаг.

◼ Ајаггабы. Һәр ил ајаггабыја ҝөрә чохлу сајда адам зәдә алыр. Пилләкәнләрдә, торлу дәмир дөшәмәләрдә вә башга јерләрдә раһат јеримәјә көмәк едән садә ајаггабы ҝејмәк јахшы оларды.

◼ Програмын јазылмасы. Конгресин електрик вә ја сәс системинә програмы јазмаг үчүн һеч бир ҹиһаз гошулмамалыдыр. Бундан башга, белә ҹиһазлардан истифадә едәркән башгаларынын диггәтини јајындырмаг олмаз.

◼ Ушаг вә әлил арабасы. Конгресин кечирилдији јерә ушаг вә әлил арабасы ҝәтирмәк олмаз. Анҹаг валидејнин отурдуғу јерин јанындакы јерә ушаг отураҹағыны јерләшдирмәк олар.

◼ Әтирләр. Тәнәффүс јоллары вә бу кими хәстәликләрдән әзијјәт чәкән баҹы-гардашлары нәзәрә алараг кәскин гохусу олан әтир вә одеколонларын истифадәсини мәһдудлашдырмаг бизим тәрәфимиздән хејирхаһлыг оларды (1 Кор. 10:24).

◼ «Бу адама баш чәк» бланкы. Конгрес заманы гејри-рәсми шаһидлик верәркән мараг ҝөстәрән һәр бир адам һаггында мәлумат вермәк үчүн «Зәһмәт олмаса, бу адама баш чәк» (С-43) бланкындан истифадә един. Тәблиғчиләр һәмин бланкдан бир-ики әдәд өзләри илә конгресә ҝәтирә биләрләр. Бланклары әдәбијјат шөбәсиндән дә ҝөтүрмәк олар. Долдурулмуш бланклары ја бу шөбәјә, ја да конгресдән гајыдандан сонра јығынҹағын катибинә вермәк олар. (2005-ҹи ил феврал сајынын «Бизим Падшаһлыг Хидмәтимиз»ин 6-ҹы сәһифәсинә бахын.)

◼ Галмаг үчүн јерләр. Шәхси евләрдә (мәнзилләрдә) јерләшдирилмәк үчүн әризә верәркән ашағыдакы бәндләри нәзәрә алын: 1) Хаһиш олунур әризә үчүн бүтүн һалларда «Хүсуси тәләбатлы шәхсләр үчүн мәнзил сорғусу» бланкындан истифадә един (ҸО-5); 2) Сизә тәклиф едилән јер һаггында мәлумат јерләшән «Мәнзил» бланкыны (ҸО-4) аландан сонра ону башга тәблиғчијә вермәјин; 3) Хаһиш олунур, јадда сахлајын ки, галмаг үчүн јер јалныз конгрес вахты үчүн верилир; 4) Өз ушагларыныза диггәт јетирмәк лазымдыр, онлары нәзарәтсиз бурахмајын; 5) Һәмиманлынын гонагпәрвәрлијинә ҝөрә миннәтдар олун вә Һәвариләрин ишләри 20:35 ајәсиндәки принсипи унутмајын; 6) Әҝәр сиз галмаг үчүн вердијиниз әризәни ләғв етмәк мәҹбуријјәтиндәсинизсә, мүтләг, бу һагда јерләшдирмә шөбәсинә мүмкүн гәдәр тез мәлумат верин.