Базар ҝүнләри хидмәт едә биләрсәнми?
1. Павел вә онун әмәкдашларынын нүмунәсиндән нә өјрәнә биләрик?
1 Шәнбә ҝүнү — адәтән, Филипидәки јәһудиләрин әксәријјәтинин истираһәт етдији ҝүн иди. Павел вә әмәкдашлары биринҹи миссионер хидмәти заманы бу шәһәрә ҝәлмишдиләр. Истираһәт ҝүнү олдуғундан һәмин ҝүн хидмәтә ҝетмәјиб истираһәт етдикләринә ҝөрә онлары мүһакимә едән олмајаҹагды. Анҹаг онлар билирдиләр ки, јәһудиләр шәһәрдән кәнарда дуа етмәк үчүн јығылырлар вә буну тәблиғ етмәк үчүн әла фүрсәт кими дәјәрләндирдиләр. Һәмин ҝүн Лидија адлы гадынын хош хәбәри гәбул едиб аилә үзвләри илә бирликдә вәфтиз олунмасы Павел вә әмәкдашларынын бөјүк севинҹинә сәбәб олду! (Һәв. иш. 16:13—15). Базар ҝүнү чохларынын истираһәт ҝүнү олдуғундан нәјә ҝөрә һәмин ҝүн хидмәтә вахт ајырмајасан?
2. Базар ҝүнләри манеәсиз тәблиғ едилсин дејә Јеһованын халгы һансы манеәләрин өһдәсиндән ҝәлмишдир?
2 Базар ҝүнләри тәблиғ етмәк уғрунда мүбаризә. 1927-ҹи илдә Јеһованын халгы һәр базар ҝүнү хидмәтә вахт ајырмаға тәшвиг олунурду. Тез бир заманда бу, тәгибләрә сәбәб олду. Бирләшмиш Штатларда бир чохларыны Шәнбә ганунуну поздугларына (базар ҝүнү тәблиғ етмәклә), һәмчинин нараһатчылыг јаратдыгларына вә лисензијасыз сатышла мәшғул олдугларына ҝөрә һәбс етмишдиләр. Анҹаг Јеһованын халгы тәслим олмады. Онлар 1930-ҹу илләрдә бир әразини тез бир заманда ишләјиб гуртармаг үчүн әтраф јығынҹаглардан олан тәблиғчиләрдән ибарәт «груп кампанијалары» тәшкил етмәјә башладылар. Тәблиғчиләрин сајы о гәдәр чох иди ки, һәтта бәзиләринин һәбс олунмасына бахмајараг, һаким даирәләри онларын гаршысыны ала билмирди. Сиз бу гардашларын ҝөстәрдикләри фәдакарлығы, һәгигәтән дә, гијмәтләндирирсинизми?
3. Нәјә ҝөрә базар ҝүнү хидмәт үчүн әлверишли ҝүндүр?
3 Тәблиғ етмәк үчүн әла бир ҝүн. Ишләјән инсанларын чоху базар ҝүнләри евдә олур. Онлар, адәтән, даһа сәрбәст олурлар. Базар ҝүнү јығынҹаг ҝөрүшү оланлар артыг хидмәт үчүн мүнасиб ҝејимдә олурлар, бу сәбәбдән нәјә ҝөрә ҝөрүшдән әввәл вә ја сонра хидмәтә ҝетмәји планлашдырмајаг? Еһтијаҹ варса, өзүмүзлә јемәјә јүнҝүлвары нәсә ҝөтүрә биләрик.
4. Базар ҝүнләри хидмәтә вахт сәрф етмәк бизә һансы севинҹи ҝәтирә биләр?
4 Базар ҝүнләри хидмәтдә мүәјјән гәдәр иштирак етсәк дә, јенә дә истираһәтә кифајәт гәдәр вахтымыз галаҹаг. Мүгәддәс хидмәтдән әлдә етдијимиз севинҹ сајәсиндә исә истираһәтимиз бизә даһа чох мәмнунлуг ҝәтирәҹәк (Сүл. мәс. 19:23). Ола билсин, биз Лидија кими, бир нәфәр сәмими инсана раст ҝәләҹәјик вә бу заман севинҹимизин һәдди-һүдуду олмајаҹаг!