Хидмәтдә даима тәрәгги един
1. Биринҹи әсрдәки һансы нүмунәләрдән ҝөрүнүр ки, биз хидмәтдә пүхтәләшмәлијик?
1 Мәсиһиләр хидмәтдә өзләрини пүхтәләшдирмәлидирләр. Буна ҝөрә дә Иса Мәсиһ шаҝирдләринә јахшы тәблиғ етмәк үчүн тәлим верирди (Лука 9:1—5; 10:1—11). Аквилас вә Прискилла да Аполлосу јанларына алыб она «Аллаһын јолуну даһа дәгигликлә» изаһ етмишдиләр (Һәв. 18:24—26). Елә бу сәбәбдән дә Булус сәриштәли мүждәчи олан Тимутини тәшвиг едирди ки, өзүнү тәлим вермәјә һәср етсин. Бунун сајәсиндә һамы ондакы инкишафы ајдын ҝөрә биләрди (1 Тим. 4:13—15). Ағаја мүждәнин тәблиғчиләри кими нә гәдәр мүддәт хидмәт етмәјимиздән асылы олмајараг, биз јеримиздә сајмамалы, ирәли ҝетмәлијик.
2. Башгаларындан неҹә өјрәнмәк олар?
2 Башгаларындан өјрәнин. Пүхтәләшмәјин үсулларындан бири башгаларына бахыб өјрәнмәкдир (Мәс. 27:17). Она ҝөрә дә һәмиманлыларынызын неҹә сөһбәт апардыгларына фикир верин. Мәһарәтли тәблиғчиләрдән мәсләһәт алын вә онларын дедикләринә диггәтлә гулаг асын (Мәс. 1:5). Әҝәр тәкрар баш чәкмәкдә, Мүгәддәс Китаб дәрсинә башламагда вә ја хидмәтин башга нөвүндә чәтинлик чәкирсинизсә, өзүнүз груп нәзарәтчисинә вә ја тәҹрүбәли тәблиғчијә јахынлашыб көмәк истәјин. Һәм дә унутмајын ки, Јеһова Аллаһын мүгәддәс руһу бизә пүхтәләшмәјә көмәк едә биләр. Одур ки, һәмишә дуада мүгәддәс руһ диләјин (Лука 11:13).
3. Кимсә бизә, һәтта хаһиш етмәдијиниз һалда, мәсләһәт верәндә нә етмәлијик?
3 Әҝәр кимсә сизә, һәтта хаһиш етмәдијиниз һалда, мәсләһәт верирсә, бундан инҹимәјин (Ваиз 7:9). Аполлос кими, тәвазөкарлыгла вә миннәтдарлыгла көмәји гәбул един. Бу, ағыллы һәрәкәт олар (Мәс. 12:15).
4. Мүждәчи кими пүхтәләшмәјә һансы тутарлы сәбәбимиз вар?
4 Тәрәгги Аллаһы уҹалдыр. Иса Мәсиһ мәсәлләр чәкәрәк шаҝирдләрини пүхтәләшмәјә тәшвиг едирди. О, өзүнү мејнәјә, мәсһ олунмуш давамчыларыны исә будаглара бәнзәтмишди вә демишди ки, Атасы бар верән будаглары даһа чох бар ҝәтирсинләр дејә будајыр (Јәһ. 15:2). Неҹә ки бағ саһиби мејнәләринин будагларынын мәһсулдар олмасыны истәјир, Јеһова да бизим дилимизин бәһрәсини тәгдим етмәкдә һәмишә пүхтәләшмәјимизи истәјир (Ибр. 13:15). Бәс биз бир мүждәчи кими тәрәгги едәндә бунун һансы фајдасы олур? Иса Мәсиһ демишди: «Сиз чохлу бар верәндә... Атам шәрәфләнир» (Јәһ. 15:8).