Јусиф һиссләрини ҹиловлајыр

42:5—7, 14—17, 21, 22

Тәсәввүр едирсиниз, Јусиф ҝөзләнилмәдән гардашлары илә үз-үзә ҝәләндә ичиндә неҹә тәлатүм гопду? О, дәрһал өзүнүн ким олдуғуну дејиб, онлары бағрына баса биләрди, ја да онлардан интигам ала биләрди. Амма о һиссләрә гапылмады. Бәс сиз аилә үзвләриниз, јахуд башгалары тәрәфиндән һагсызлыгла гаршылашсаныз, нә едәрсиниз? Јусифин нүмунәсиндән ҝөрүрүк ки, хаин үрәјимизә гулаг асмагданса, гејри-камил һиссләримизә ҝөрә һәрәкәт етмәкдәнсә, јахшы олар ки, өзүмүзә һаким олаг вә тәмкинимизи горујаг.

Үзләшдијиниз вәзијјәтләрдә Јусифдән неҹә нүмунә ҝөтүрә биләрсиниз?