МӘСИҺИ ҺӘЈАТЫ
Јеһованын халгынын рифаһы үчүн чалышан ағсаггаллар
Инсанларын чоху сәлаһијјәт саһибләри һагда мәнфи дүшүнҹәдәдир. Сәбәб ајдындыр. Тарих боју инсанлар сәлаһијјәтләриндән өз мәнфәәтләри үчүн истифадә едибләр (Ми 7:3). Нә јахшы ки ағсаггаллар өз сәлаһијјәтләриндән Јеһованын халгынын рифаһы үчүн истифадә етмәјә даир тәлим алырлар (Әс 10:3; Мт 20:25, 26).
Бу дүнја һөкмдарларындан фәргли олараг, ағсаггаллар Јеһоваја вә Онун халгына мәһәббәтдән ирәли ҝәләрәк бу мәсулијјәтә ҹан атырлар (Јһ 21:16; 1Бт 5:1—3). Иса Мәсиһин рәһбәрлији алтында олан бу ағсаггаллар чалышырлар ки, һәр бир тәблиғчи өзүнү Јеһованын хидмәтчиләриндән ибарәт аиләдә доғма һисс етсин вә Јеһоваја бағлы галсын. Онлар Јеһованын халгына һәм руһани јардым ҝөстәрир, һәм дә тәҹили тибби вәзијјәт јарананда вә ја фәлакәт баш верәндә дәрһал көмәк әли узадыр. Әҝәр сизин дә көмәјә еһтијаҹыныз олса, јығынҹагдакы ағсаггалларын бириндән көмәк истәмәјә чәкинмәјин (Јг 5:14).
«ГАЈҒЫКЕШ АҒСАГГАЛЛАР» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:
Ағсаггалларын көмәјинин Марианаја һансы фајдасы олду?
Ағсаггалларын көмәјинин Елиаса һансы фајдасы олду?
Бу видеоја бахандан сонра ағсаггалларын ҝөрдүјү ишләр барәдә нә дүшүнүрсүнүз?