Иман саһибисиниз?

Јеһованы разы салмаг үчүн иманымыз олмалыдыр. Бунунла белә, Мүгәддәс Китабда јазылыб ки, «һамы иман саһиби дејил» (2 Салон. 3:2). Һәвари Булус бу сөзләри јазанда ону тәгиб едән «пис вә јарамаз адамлары» нәзәрдә тутурду. Лакин онун иман барәдә дедикләри даһа ҝениш күтләјә аиддир. Бәзи инсанлар Јараданын — Аллаһын вар олдуғуну ҝөстәрән ајдын сүбутлары данырлар (Ром. 1:20). Бир башгалары исә һансыса үстүн гүввәнин олдуғуна инандыгларыны дејирләр. Амма садәҹә буна инанмаг Јеһованын биздән ҝөзләдији әсл иман дејил.

Бизим Јеһованын вар олдуғуна вә мөһкәм иман саһибләринә мүкафат верәҹәјинә там әминлијимиз олмалыдыр (Ибр. 11:6). Иман мүгәддәс руһун бәһрәсидир. Мүгәддәс руһу алмаг үчүн Јеһоваја дуа етмәк лазымдыр (Лука 11:9, 10, 13). Ону алмағын диҝәр ваҹиб јолу Аллаһын илһамы илә јазылмыш Мүгәддәс Китабы охумагдыр. Онда биз охудуғумуз барәдә дүшүнә вә өјрәндикләримизә әмәл етмәјә чалыша биләрик. Беләҹә, Аллаһын руһу һәјатымызда өз тәсирини ҝөстәрәҹәк вә Онун бәјәндији имана саһиб олмаға көмәк едәҹәк.