Руһанилик
Әввәлдә дејилдији кими, бир чох инсанлар Мүгәддәс Китаба дини китаб кими һөрмәт едир. Онлар өз тәҹрүбәләриндә ҝөрүрләр ки, Мүгәддәс Китабы охујуб, орадакы мәсләһәтләрә әмәл едәндә өзләрини Аллаһа јахын һисс едирләр вә һәјатын мәнасыны баша дүшүрләр.
Мүгәддәс Китабда «руһанилик» сөзү әһвал-руһијјәни вә ја һәјата јанашманы билдирир (Јәһуда 18, 19). Ҹисмани дүшүнҹәли инсанын фикри-зикри өзүндә олдуғу һалда, руһани дүшүнҹәли инсан Аллаһын ганунларына өнәм верир (Ефеслиләрә 5:1).
ҮМИД
МҮГӘДДӘС КИТАБ МӘСЛӘҺӘТИ: «Дар ҝүндә руһдан дүшсән, ҝүҹүн түкәнәр» (Мәсәлләр 24:10).
МӘҒЗИ: Инсан руһдан дүшсә, һәјатын чәтинликләри илә мүбаризә апармаға ҝүҹү олмајаҹаг. Үмид исә бу мүбаризәдә инсана ҝүҹ верә биләр. Үмидимиз оланда баша дүшүрүк ки, үзләшдијимиз проблемләр мүвәггәтидир. Чәтинликдән сонра јахшы нәсә олаҹаг.
ТӘТБИГИ: Чалышын, ҝәләҹәјә никбин бахасыныз. «Бирдән сабаһ нәсә олар» горхусу илә јашамагданса, јахуд мүкәммәл вәзијјәтин јаранаҹағы вахты ҝөзләмәкдәнсә, гаршыныза мәгсәд гојун вә бу мәгсәдләрә чатмаға чалышын. Дүздүр, тәсадүфән нә исә баш верә биләр (Ваиз 9:11). Лакин һәјатда вәзијјәт, адәтән, дүшүндүјүмүздән јахшы олур. Мүгәддәс Китабда әкинчиликдән нүмунә ҝәтириләрәк дејилир: «Тохумуну сәһәр чағы сәп, ахшама гәдәр гој әлин бош дурмасын, чүнки билмирсән әввәлки ҹүҹәрәҹәк, сонракы ҹүҹәрәҹәк, јохса һәр икиси» (Ваиз 11:6).
ҺӘЈАТЫН ВАҸИБ СУАЛЛАРЫНА ҸАВАБЛАР
МҮГӘДДӘС КИТАБ МӘСЛӘҺӘТИ: «Мәнә дәрракә вер... Сөзүнүн бүнөврәси һәгигәтдир» (Зәбур 119:144, 160).
МӘҒЗИ: Мүгәддәс Китабда, демәк олар ки, һәр кәси нараһат едән суалларын ҹавабы вар. Мәсәлән, бу кими суалларын:
Һәјатын мәнасы нәдир?
Инсанлар нијә әзаб чәкир?
Инсан өләндә нә баш верир?
Һәјат елә будур?
Бүтүн дүнјада милјонларла инсан Мүгәддәс Китабын бу вә диҝәр суаллара вердији ҹавабы арашдырмагла хошбәхтлик әлдә едибләр.
ТӘТБИГИ: Мүгәддәс Китабы арашдырын. Јеһованын Шаһидләри бу китабы баша дүшмәкдә сизә көмәк едә биләр. jw.org сајтына дахил олун, јахуд ибадәт ҝөрүшләримизә ҝәлин. Ҝириш пулсуздур вә гапы һәр кәсин үзүнә ачыгдыр.
ДИҜӘР МӘСЛӘҺӘТЛӘР
jw.org сајтында «Мүгәддәс Китабы өјрәнмәк нәјә ҝөрә ваҹибдир?» адлы видеоја бахын. Видео 880-дән чох дилдә әлчатандыр
РУҺАНИ ТӘЛӘБАТЫНЫЗЫ ДӘРК ЕДИН
«Аллаһа еһтијаҹы олдуғуну дәрк едәнләр хошбәхтдир, чүнки сәмави Падшаһлыг онларындыр» (МӘТТА 5:3).
АЛЛАҺ ҺАГГЫНДА ЕЛМ АЛЫН
«Аллаһы ахтарсынлар,.. тапа билсинләр. Һәрчәнд О, һеч биримиздән узаг дејил» (ҺӘВАРИЛӘРИН ИШЛӘРИ 17:27).
МҮГӘДДӘС КИТАБЫ ОХУЈУБ ДҮШҮНҮН
«О, Јеһованынa ганунундан һәзз алыр, ҝеҹә-ҝүндүз Онун ганунунун дәринлијинә варыр... Һәр ишиндә уғур газанар» (ЗӘБУР 1:2, 3).
a Мүгәддәс Китаба әсасән, «Јеһова» Аллаһын адыдыр.