2. Мүгәссир өзүмүзүк?
Буну билмәк нәјә ҝөрә ваҹибдир?
Әҝәр өзүмүзүксә, демәли, әзаблары азалтмаг бизим ҝүҹүмүз дахилиндә олмалыдыр.
Дүшүнүн
Әзаблара сәбәб олан ашағыдакы һаллара ҝөрә мәҝәр инсанлар мәсулијјәт дашымыр?
Зоракылыг.
Үмумдүнја Сәһијјә Тәшкилатынын (ҮСТ) һесабламаларына әсасән, һәр дөрд нәфәрдән бири ушаг вахты физики зоракылыға, һәр үч гадындан бири исә физики вә ја ҹинси зоракылыға (јахуд һәр икисинә) мәруз галыр.
Доғма инсанын өлүмү.
Үмумдүнја Сәһијјә Тәшкилатынын дәрҹ етдији «Үмумдүнја Сәһијјә Статистикасы 2018»дә дејилир ки, «һесабламалара ҝөрә, 2016-ҹы илдә бүтүн дүнјада 477 000 гәтл һадисәси баш вериб». Бундан әлавә, һәмин ил мүһарибәләрдә вә иғтишашларда 180 000 инсан һәјатыны итирдији тәхмин едилир.
Сағламлыг проблемләри.
Јазычы Фран Смисин «Нешнл Ҹеографик» журналында дәрҹ едилмиш мәгаләсиндә гејд олунур: «Бир милјарддан чох инсан сигарет чәкир. Түтүн исә өлүмә сәбәб олан беш әсас хәстәлијин — үрәк хәстәлијинин, инсултун, тәнәффүс јоллары инфексијаларынын, ағ ҹијәрләрин хроники обструктив хәстәлијинин вә ағ ҹијәр хәрчәнҝинин јаранмасы үчүн башлыҹа риск факторудур».
Сосиал бәрабәрсизлик.
Психолог Ҹеј Ватсын сөзләринә ҝөрә «јохсуллуг, гејри-бәрабәрлик, ирги вә ҹинси ајры-сечкилик, мәҹбури көчкүнлүк вә рәгабәт әгли изтирабларын артмасына сәбәб олур».
ӘЛАВӘ МӘЛУМАТ
jw.org сајтында «Аллаһ Јер күрәсини нәјә ҝөрә јарадыб?» адлы видеоја бахын.
Мүгәддәс Китабда дејилир
Бир чох әзабларын ҝүнаһкары инсанлар өзләридир.
Әзабларын чохунун сәбәбкары халга хидмәт етдијини иддиа едән һөкумәтләрин әһалинин һәјатыны ағырлашдырмасыдыр.
«Бүтүн дөврләрдә инсанын инсана ағалыг етмәси инсанын зәрәринә олуб» (ВАИЗ 8:9).
Әзаблары азалтмаг мүмкүндүр.
Мүгәддәс Китабдакы мәсләһәтләрә әмәл етмәк һәм инсанын сағламлығына, һәм дә башгалары илә мүнасибәтинә мүсбәт тәсир ҝөстәрир.
«Сакит үрәк ҹаны сағлам едәр, гысганҹлыг сүмүкләри чүрүдәр» (МӘСӘЛЛӘР 14:30 ).
«Һәр ҹүр кини, һирси, гәзәби, гышгырығы, тәһгири, һабелә зәрәр ҝәтирән һәр шеји кәнара гојун» (ЕФЕСЛИЛӘРӘ 4:31).