3. Јахшы инсанлар нәјә ҝөрә әзаб чәкир?

Буну билмәк нәјә ҝөрә ваҹибдир?

Јахшы инсанларын әзаб чәкмәсини әдаләтсизлик кими гәбул едирик. Һәмчинин бәзән инсанда елә фикир јараныр ки, јахшы инсан олмағын һеч бир мәнасы јохдур.

Дүшүнүн

Бәзиләри фаҹиә баш верәндә буну алын јазысы, талејин иши һесаб едир. Онлар дүшүнүр ки, Аллаһ ҝүнаһкарлары пис әмәлләринә ҝөрә ҹәзаландырыр. Бәзи инсанлар да инаныр ки, Аллаһ јахшы инсанларын иманыны сынаға чәкмәк үчүн онлара әзаб верир. Онлар дејирләр ки, «дүнја сынаг дүнјасыдыр» вә Аллаһ севдији бәндәләринә даһа чох әзаб чәкдирир. Ҝәлин дүшүнәк:

• Әҝәр һәјатымыз талејин, гисмәтин әлиндәдирсә, онда нәјә ҝөрә сағламлығымыза фикир вермәлијик, пис әмәлләрдән чәкинмәлијик?

• Неҹә ола биләр ки, Аллаһ һәм инсанлара әзаб чәкдирәрәк онлары сынајыр, һәм дә бир чохларынын дедији кими, хејирхаһ вә мәрһәмәтлидир?

  ӘЛАВӘ МӘЛУМАТ

  jw.org сајтындан «Нә үчүн Аллаһ зүлмә сон гојмур?» адлы видеоја бахын.

Мүгәддәс Китабда дејилир

Әзаблар Аллаһын ҹәзасы дејил.

Чох вахт тәсадүфән, гәза нәтиҹәсиндә инсанын башына бәла ҝәлир.

«Ҝүнәш алтында бир шеј дә ҝөрдүм: гачышы һәмишә бәрк гачанлар удмур, дөјүшдә һәмишә иҝидләр галиб ҝәлмир. Чөрәк һәмишә мүдрикләрә, вар-дөвләт һәмишә ағыллылара нәсиб олмур, уғуру да һәмишә биликли адам газанмыр. Чүнки һамысынын габағына вахт вә тәсадүф чыхыр» (ВАИЗ 9:11).

Ҝүнаһлы тәбиәтимиз әзаблара сәбәб олур.

Чох вахт «ҝүнаһ» сөзү киминсә пис әмәлинә аид ишләнир. Мүгәддәс Китабда бу сөз һәмчинин һамынын, һәм јахшы, һәм дә пис инсанларын ирсән алдығы вәзијјәти билдирир.

«Мән тәгсир ичиндә дүнјаја ҝәлдим, анамын бәтнинә дүшәндән мәндә ҝүнаһ јашајыр» (ЗӘБУР 51:5).

Ҝүнаһ инсанлара бөјүк зәрбә вуруб.

Илк нөвбәдә Јараданла мүнасибәтимизә хәләл ҝәтириб, һәмчинин Аллаһын хәлг етдији диҝәр хилгәтлә арамыздакы аһәнҝи позуб. Бу исә һәм ајры-ајры инсанлара, һәм дә бүтүн бәшәријјәтә бөјүк изтираблар јашадыр.

«Дүзҝүн иш ҝөрмәк истәјәндә пислик артыг јанымда һазыр дурур» (РОМАЛЫЛАРА 7:21).

«Бүтүн хилгәт индијә кими инилдәјиб әзаб чәкир» (РОМАЛЫЛАРА 8:22).