Аллаһ планетимизи горујаҹағына сөз вериб

Иглим дәјишиклији илә бағлы бејнәлхалг тәдгигат групу бу гәнаәтә ҝәлиб. Әҝәр сиз Аллаһын гајғыкеш Јарадан олдуғуна инанырсынызса, бу елми нәтиҹә сизә Аллаһын планетимизи бир чох саһәләрдә өзүнүбәрпа хүсусијјәти илә јаратдығыны хатырладаҹаг.

Бунунла белә, инсанлар јерә о гәдәр зәрәр вурублар ки, планетимизин өзүнү бәрпа етмәси үчүн тәбии просесләр кифајәт етмир, бунун үчүн даһа чох шејә еһтијаҹ вар. Һарадан билирик ки, Аллаһ бу мәсәлә илә бағлы бир тәдбир ҝөрәҹәк?

Ҝөрүн ашағыдакы ајәләр Јер күрәсинин мәһв олмајаҹағына, һәтта даһа да абадлашаҹағына бизи неҹә әмин едир.

• Планетимизи Аллаһ јарадыб. «Башланғыҹда Аллаһ ҝөјү вә јери јаратды» (Јарадылыш 1:1).

• Планетимизин саһиби Аллаһдыр. «Јер, онун үзәриндәки һәр шеј... Јеһованындырa» (Зәбур 24:1).

• Аллаһ планетимизи өзүнүбәрпа хүсусијјәти илә јарадыб. «Јери мөһкәм тәмәлләр үзәриндә гурмусан, һеч вахт јериндән тәрпәнмәз» (Зәбур 104:5).

• Аллаһ вәд едир ки, планетимиздә һәмишә јашајыш олаҹаг. «Вар олан Аллаһ, Јерә гурулуш верән... ону бош јерә дејил, јашајыш үчүн [јарадыб]» (Әшија 45:18).

• Аллаһ вәд едир ки, инсанлар Јер күрәсиндә әбәдијјән јашајаҹаглар. «Салеһләр јерә саһиб олаҹаг, орада әбәди јашајаҹаглар» (Зәбур 37:29).

Аллаһ Јер күрәсини елә јарадыб ки, инсанлар она зәрәр вурмадыглары һалда һәјатдан һәзз ала биләрләр. Мүгәддәс Китабда дејилир ки, Јеһова Аллаһ тәјин етдији вахтда планетимизә зәрәр вуранлары, ону тәләф едәнләри мәһв едәҹәк (Вәһј 11:18).

Мүгәддәс Китабда вәд олунур ки, Аллаһ планетимизи сағлам, ҝөзәл ҹәннәтә чевирәҹәк вә әлини ачыб «һәр бир мәхлугу истәјинә» чатдыраҹаг (Зәбур 145:16).