Аилә һәјатындан һәзз алын
Аиләләр һәгигәтән дә хошбәхт ола биләрми?
Бу неҹә мүмкүндүр?
Бу трактатда тәсвир олундуғу кими меһрибан вә хошбәхт аиләләр таныјырсынызмы? Һәр јердә аиләләр дағылыр. Бошанмалар, иш јеринин гејри-сабитлији, тәнһа валидејнләрин ушагларынын тәрбијәсиндә гаршылашдыглары проблемләр, үмидсизлик — бүтүн бунлар бөһрана сәбәб олур. Аилә һәјаты үзрә бир мүтәхәссис шикајәтләнир: “Аиләнин тәнәззүлә уғрамасы артыг һамыја мәлумдур”.
Нәјә ҝөрә аиләләр бу ҝүн белә ҹидди проблемләрлә гаршылашырлар? Аилә һәјатындан неҹә һәзз ала биләрик?
Аилә неҹә јараныб?
Бу суаллара ҹаваб вермәк үчүн биз никаһ вә аиләнин неҹә јаранмасыны билмәлијик. Әҝәр никаһ вә аиләнин Баниси — Јараданы варса, аилә үзвләри рәһбәрлик үчүн Она мүраҹиәт етмәлидирләр, чүнки аилә һәјатындан неҹә там севинҹ әлдә едәҹәјимизи әлбәттә О, јахшы билир.
Мараглыдыр ки, чохлары никаһын Банисинин олмадығына инанырлар. Бир енсиклопедијада дејилир: “Бәзи алимләр никаһын јаранмасыны инсандан ашағы сәвијјәдә дуран һејванларын ҹүтләшмәси илә әлагәләндирмәјә мејллидирләр” (“Тһе Енҹјҹлопедиа Америҹана”). Лакин Иса Мәсиһ киши вә гадынын јарадылмасындан данышырды. О, нүфузлу бир мәнбә олан Мүгәддәс Китабын әввәлләр јазылмыш сөзләрини ситат ҝәтириб деди: “Аллаһын бирләшдирдијини инсан ајырмамалыдыр” (Матта 19:4-6).
Бәли, Иса Мәсиһ һаглыдыр. Мүдрик Аллаһ илк инсанлары јаратды вә онларын хошбәхт аилә һәјатына малик олмалары үчүн гајғы ҝөстәрди. Аллаһ илк инсан ҹүтүнү никаһда бирләшдирәрәк кишијә: “Арвадына јапышаҹагдыр вә бир бәдән олаҹаглар” — деди (Тәквин 2:22-24). Бу ҝүн аиләдә проблемләрин јаранмасы, Јараданын Өз Кәламында тәјин етдији нормалары позараг һәјат тәрзи сүрмәләри уҹбатындан ола билмәзми?
Мүвәффәгијјәтә апаран јол һансыдыр?
Шүбһәсиз, билдијиниз кими, мүасир дүнја егоизмә вә өз имканларыны һәјата кечирмәјә тәһрик едир. Бирләшмиш Штатларда бир малијјәчи коллеҹин бурахылыш синфинә белә демишдир: “Тамаһкарлыг јахшыдыр. Сән тамаһкар ола-ола өзүн һагда јахшы фикирдә ола биләрсән”. Лакин вар-дөвләт һәриси олмаг мүвәффәгијјәтә доғру апармыр. Әслиндә вар-дөвләтә алудә олмаг аилә үчүн ән бөјүк тәһлүкәләрдән бири сајылыр, чүнки инсани мүнасибәтләрә мане олур вә инсанларын вахтынын вә пулунун түкәнмәсинә сәбәб олур. Бунун әксинә олараг, Мүгәддәс Китабдан јалныз ики мәсәлин хошбәхтлик үчүн нәјин ваҹиб олдуғуну анламағымыза неҹә көмәк етдијинә диггәт јетирин.
“Севҝи олан јердә сәбзә јемәји, дүшмәнлилә јејилән бәсләнмиш өкүздән јахшыдыр”.
“Барышыглыгла гуру бир лоғма, мүнагишә илә зијафәт долу евдән јахшыдыр”.
Сүлејманын мәсәлләри 15:17; 17:1.
Неҹә дә тәсирли мәсәлләрдир, елә дејилми? Јалныз дүшүнүн, әҝәр һәр бир аилә верилән бу мәсләһәтләрә әмәл етсәјди, дүнја неҹә дә дәјишәрди! Мүгәддәс Китаб һәмчинин аилә үзвләринин бир-бири илә неҹә давранмаларына даир дәјәрли рәһбәрлик тәгдим едир. Онун вердији бир нечә ҝөстәришә диггәт јетирин.
Әрләрә: ‘арвадынызы өз бәдәнләриниз гәдәр севин (Ефеслиләрә 5:28—30).
Садә, амма чох практикидир! Мүгәддәс Китаб һәмчинин әрләрә “арвадларынызла илтифатлы давранын” — дејә бујурур (1 Петер 3:7). Әр буну арвадына хүсуси диггәт ајырмагла едир, бу исә өзүнә гајғыкешлији, анлајышы вә дајаг олмағы дахил едир. О, һәмчинин арвадынын фикирләрини гијмәтләндирир вә ону динләјир (Тәквин 21:12 ајәси илә мүгајисә един). Мәҝәр разы дејилсинизми ки, әр өзүнә гаршы неҹә мүнасибәт ҝөстәрилмәсини истәдији кими арвадына да бу ҹүр гајғыкеш мүнасибәт ҝөстәрәрсә, белә давраныш тәрзи һәр бир аиләјә фајда ҝәтирәр? (Матта 7:12).
Арвадлара: ‘Әринизә еһтирам един (Ефеслиләрә 5:33).
Гадын әринә аиләјә даир вәзифәләрини јеринә јетирмәкдә көмәк етмәклә аиләнин хошбәхтлијинә сәбәб олур. Бу, Аллаһ гадыны әрә “мүнасиб олан бир көмәкчи” кими вердији вахтдан етибарән нәзәрдә тутулмушдур (Јарадылыш 2:18, МКШ). Гадын әринин гәрарларыны дәстәкләјәрәк вә аиләнин мәгсәдләринә чатмагда әри илә әмәкдашлыг едәрәк она һөрмәт ҝөстәрдији заман аиләнин газандығы хејир-дуалары тәсәввүр едә биләрсинизми?
Әр-арвадлараа: ‘Никаһа һөрмәт един вә кәбин јатағынызы ләкәсиз сахлајын (Ибраниләрә 13:4).
Әҝәр онлар бир-бирләринә сәдагәтлидирләрсә, аилә һәјаты мүтләг онлара хејир ҝәтирәҹәк. Зина чох вахт аиләни дағыдыр (Сүлејманын мәсәлләри 6:27-29, 32). Буна ҝөрә дә Мүгәддәс Китаб мүдрикҹәсинә тәшвиг едир: “Ҝәнҹикән евләндијин арвадынла хошбәхт јаша... Оғул, ахы нијә әхлагсыз гадынла мәст олмалысан?” (Сүлејманын мәсәлләри 5:18-20, МКШ).
Валидејнләрә: ‘Ушағы ҝедәҹәји јола ҝөрә јетишдирин (Сүлејманын мәсәлләри 22:6).
Валидејнләр ушаглара вахт вә диггәт ајыранда аилә һәјаты мүтләг јахшылашыр. Буна ҝөрә дә Мүгәддәс Китаб валидејнләри, ‘евләриндә отурдуглары вә јолда јеридикләри заман, јатдыглары вә галхдыглары заман өвладларына дүзҝүн принсипләри өјрәтмәјә тәшвиг едир (Тәснијә 11:19). Мүгәддәс Китаб һәмчинин дејир ки, валидејнләр ушагларыны тәрбијә етмәклә онлара мәһәббәтләрини ҝөстәрмәлидирләр (Ефеслиләрә 6:4).
Ушаглара: “Еј ушаглар, Рәбб јолунда валидејнләринизә итаәт един” (Ефеслиләрә 6:1).
Дүздүр, бу ганунсуз дүнјада валидејнләринизә итаәт етмәк һәмишә асан олмур. Лакин сиз бунунла разы дејилсинизми ки, аиләнин Банисинин сөзүнә әмәл етмәк мүдрикликдир? Аиләмизи даһа да хошбәхт етмәк үчүн нәјин јахшы олдуғуну О билир. Буна ҝөрә дә валидејнләринизә табе олмаға сәјлә чалышын. Дүнјанын пис ишләрә тәшвиг едән бир чох ширникләндириҹи шејләриндән гачынмаға там гәрарлы олун (Сүлејманын мәсәлләри 1:10-19).
Аиләнин хејир-дуасы аиләнин һәр бир үзвүнүн Мүгәддәс Китаб мәсләһәтинә нә дәрәҹәдә әмәл етмәјиндән асылыдыр. Аилә јахшы һәјатдан нәинки инди һәзз алаҹаг, еләҹә дә Аллаһын вәд етдији јени дүнјада мөһтәшәм ҝәләҹәјә үмид әлдә едәҹәк (2 Петер 3:13; Вәһј 21:3, 4). Бу сәбәбә ҝөрә, Мүгәддәс Китабы бирликдә өјрәнмәји аиләнизин вәрдишинә чевирин! Бүтүн дүнјада милјонларла аиләләр “Аилә хошбәхтлијинин сирри” китабында тәгдим едилән рәһбәрликдән әсл фајда әлдә етмишләр.
[Иҹазә илә]
Шәкилләр: Шир балалары: Ҹоуртесј Һартебееспоортдам Снаке анд Анимал Парк иҹазәси илә.