Дәрс 13

Һәгиги дини неҹә тапмаг олар?

Динләрин һамысымы Аллаһы разы салыр, јохса јалныз бири? (1)

Нәјә ҝөрә мәсиһчи олдуғуну иддиа едән бу гәдәр чох динләр мөвҹуддур? (2)

Мәсиһин һәгиги давамчыларыны неҹә мүәјјән етмәк олар? (3-7)

1. Иса јалныз бир мәсиһчи дини тә’сис етди. Буна ҝөрә дә бу ҝүн Јеһова Аллаһын һәгиги ибадәтчиләринин јалныз бир голу, бир групу олмалыдыр (Јәһја 4:23, 24; Ефеслиләрә 4:4, 5). Мүгәддәс Китаб өјрәдир ки, һәјата апаран енсиз јол илә јалныз аз сајлы инсанлар ҝедәҹәк (Матта 7:13, 14).

2. Мүгәддәс Китабда габагҹадан хәбәр верилмишдир ки, һәвариләрин өлүмүндән сонра мәсиһчи јығынҹағына јалан тә’лимләр вә мәсиһчиләрә аид олмајан адәтләр дахил олаҹагдыр. Һәмчинин јазылмышдыр ки, сөзүкечән адамлар иман ҝәтирән кәсләрин Исанын дејил, онларын ардынҹа ҝетмәләринә наил олаҹаглар (Матта 7:15, 21-23; Һәвариләрин ишләри 20:29, 30). Бу ҝүн өзүнү мәсиһчи адландыран бу гәдәр чох динләрин мөвҹуд олмасынын сәбәби дә будур. Бәс Мәсиһин һәгиги давамчыларыны неҹә танымаг олар?

3. Мәсиһин һәгиги давамчыларынын ән сәҹијјәви әламәти бир-бирләринә сәмими мәһәббәт ҝөстәрмәләридир (Јәһја 13:34, 35). Мәсиһин һәгиги давамчылары арасында, бир иргә мәхсус олан вә ја дәрисинин рәнҝи илә фәргләнән инсанларын диҝәрләриндән үстүн олдуғуну өјрәтмирләр. Онлар арасында, һәмчинин башга өлкәнин вәтәндашларына нифрәт бәсләмәји дә өјрәтмирләр (Һәвариләрин ишләри 10:34, 35). Буна ҝөрә дә, бу мәсиһчиләр мүһарибәләрдә иштирак етмирләр. Онлар бир-бирләри илә баҹы-гардаш кими давранырлар (1 Јәһја 4:20, 21).

4. Һәгиги динин башга бир әламәти дә одур ки, онун үзвләри Мүгәддәс Китаба дәрин һөрмәт бәсләјирләр. Онлар бу китабы Аллаһын Кәламы кими гәбул едир вә онда јазыланлара иман ҝәтирирләр (Јәһја 17:17; 2 Тимотејә 3:16, 17). Аллаһын Кәламы онлар үчүн инсан идејаларындан вә адәтләриндән даһа үстүндүр (Матта 15:1-3, 7-9). Онлар ҝүндәлик һәјатларында Мүгәддәс Китаба әсасән јашамаға ҹан атырлар. Буна ҝөрә дә онларын тәблиғ етдикләри сөзләр әмәлләриндән фәргләнмир (Титуса 1:15, 16).

5. Һәгиги динин тәрәфдарлары һәмчинин Аллаһын адына һөрмәт бәсләмәлидирләр (Матта 6:9). Иса, Аллаһын адынын Јеһова олдуғуну башгаларына билдирирди. Мәсиһин һәгиги давамчылары да мәһз бу ҹүр давранмалыдырлар (Јәһја 17:6, 26; Ромалылара 10:13, 14). Сизин јашадығыныз әразидә башгаларына Аллаһын ады барәдә данышан кимләрдир?

6. Мәсиһин һәгиги давамчылары Аллаһын Падшаһлығы барәдә тәблиғ етмәлидирләр. Иса бу ишлә мәшғул олурду. О, һәмишә Падшаһлыг һаггында данышырды (Лука 8:1, И–93). Шаҝирдләринә һәмин хәбәри бүтүн јер үзүндә тәблиғ етмәји тапшырды (Матта 24:14; 28:19, 20). Мәсиһчиләр әминдирләр ки, јалныз Аллаһын Падшаһлығы Јер үзүнә сүлһ вә тәһлүкәсизлик ҝәтирәҹәкдир (Мәзмур 146:3-5).

7. Исанын шаҝирдләри бу позғун дүнјанын ишләриндә иштирак етмирләр (Јәһја 17:16). Онлар дүнјанын сијаси ишләринә вә иҹтимаи мүбаһисәләринә гарышмырлар. Онлар бу дүнјаја хас олан зәрәрли давранышлардан, адәтләрдән вә налајиг мүнасибәтләрдән чәкинирләр (Јагуб 1:27; 4:4). Сиз Исанын һәгиги давамчыларына хас олан бу әламәтләри тәзаһүр етдирән дини групун адыны чәкә биләрсинизми?

[27-ҹи сәһифәдә олан шәкилләр]

Мәсиһин һәгиги давамчылары бир-бирләрини севир, Мүгәддәс Китаба һөрмәт бәсләјир вә Аллаһын Падшаһлығы һаггында тәблиғ едирләр.