Бир-биримизи сәмими гәлбдән севәк

1. Мәһәббәт гәлбдә доғулар,

О, әмәлдә изһар олар,

Диндашынын дәрдин дујар,

Өз хејрини ҝүдмәз.

Ахтараг фүрсәт биз ҝәрәк,

Пис ҝүнләрдә олаг дајаг.

Гој севҝимиз олсун ҝерчәк,

Әсил севҝи битмәз.

Дәрдләрә олар мәлһәм,

Бу севҝи алар Рәббдән илһам.

Сөз-әмәл илә баһәм,

Исидәр о, үрәји.

Даима севҝи бәсләјәк,

Биз һәр кәсә һөрмәт едәк,

Гејри-камилдир, ҝөз јумаг,

Әфв едәк гардашлары,

Горујаг пак бирлији.

2. Сафдырса севҝи, мәһәббәт,

Әсла олмаз гәлбдә нифрәт,

Даим тәмиз олар нијјәт,

Севҝи шүбһә етмәз.

Сарсылмаз достлуг телләри,

Әҝәр билсәк гардаш гәдри,

Чох дәјәрлидир һәр бири,

Гој олмасын гәрәз.

Сәһв едирик биз һәр ҝүн,

Сөзлә гәлб јараламаг мүмкүн.

Аллаһын гулу олсун

Шириндил, нәзакәтли.

Һамы гој бизи танысын,

Севҝи нишанымыз олсун,

Рәббин адын уҹа етсин

Мәсиһи әламәти —

Гардашлыг мәһәббәти.