Дәрд-сәр нә вахтса битәҹәк?

МҮГӘДДӘС КИТАБДА НӘ ДЕЈИЛИР?

«Аллаһ инсанларын ҝөзләриндән бүтүн јашлары силәҹәк. Артыг өлүм олмајаҹаг. Нә дәрд, нә фәрјад, нә дә ағры олмајаҹаг» (Инҹил, Вәһј 21:3, 4).

БУ СИЗИН ҮЧҮН НӘ МӘНА КӘСБ ЕДИР?

Проблемләринизин сәбәбкарынын Аллаһ олмадығына әмин олаҹагсыныз (Инҹил, Јагуб 1:13).

Әзабларымызы ҝөрән Аллаһын дәрдимизә јандығыны билмәк үрәјинизә тохтаглыг верәҹәк (Пејғәмбәрләрин китабы, Зәкәријјә 2:8).

Һәјатдакы изтирабларын битәҹәјинә үмидиниз јаранаҹаг (Зәбур 37:9—11).

МҮГӘДДӘС КИТАБДА ДЕЈИЛӘНЛӘРӘ ИНАНМАГ ОЛАРМЫ?

Бәли, олар, ән азы ики сәбәбә ҝөрә:

• Аллаһ-Таала әзаблара вә әдаләтсизлијә нифрәт едир. Гәдимдә Аллаһын халгына зүлм едиләндә О, буна биҝанә галмырды. Мүгәддәс Китабда дејилир ки, халгынын залым ганичәнләрин әлиндән фәрјад етдијини ҝөрмәк Аллаһа ағыр иди (Пејғәмбәрләрин китабы, Һакимләр 2:18).

  Аллаһ башгаларына әзаб верәнләри мүһакимә едир. Мәсәлән, Кәламда дејилир ки, «ҝүнаһсыз ган төкән әлләр»ә Аллаһ-Таала нифрәт едир (Пејғәмбәрләрин китабы, Мәсәлләр 6:16, 17).

• Јарадан һәр бир бәндәси илә марагланыр. Нә чәкдијимизи, дәрд-гәмимизи тәкҹә өзүмүз јох, Аллаһ да билир (Пејғәмбәрләрин китабы, 2 Салнамәләр 6:29, 30).

  Аллаһ тезликлә сәмави һөкумәти васитәсилә һәр бир инсанын дәрд-сәринә сон гојаҹаг (Инҹил, Мәтта 6:9, 10). Һәлә ки о вахт ҝәлмәјиб, Худавәнд Јеһова сәмими-гәлбдән Она үз тутанлара нәвазишлә тәскинлик верир (Инҹил, Һәвариләрин ишләри 17:27; 2 Коринфлиләрә 1:3, 4).