Сәккиз нәфәр сағ галыр

Нуһ, аиләси вә һејванлар ҝәмијә ҝирирләр. Јеһова гапыны бағлајыр вә јағыш јағмаға башлајыр. Јағыш о гәдәр ҝүҹлү јағыр ки, ҝәми үзмәјә башлајыр. Ҝетдикҹә бүтүн јер үзү сујун алтында галыр. Ҝәмијә ҝирмәјән бүтүн пис инсанлар өлүр. Тәкҹә Нуһ вә аиләси сағ галыр. Тәсәввүр едирсән, онлар Јеһоваја гулаг асдыглары үчүн неҹә севинирләр?

Гырх ҝүн, гырх ҝеҹә јағыш јағыр. Сонра јағыш кәсилир. Ҝетдикҹә сулар чәкилмәјә башлајыр. Ахырда ҝәми бир дағын башында дајаныр. Анҹаг сулар һәлә дә там чәкилмәјиб. Буна ҝөрә дә Нуһ вә аиләси ҝәмидән чыха билмәзләр.

Јаваш-јаваш сулар чәкилмәјә башлајыр. Нуһ вә аиләси бир илдән чох ҝәмидә галыр. Сонра Јеһова онлара бујурур ки, ҝәмидән чыхсынлар. Онлар сағ галдыглары үчүн Јеһоваја шүкр едирләр. Миннәтдар олдугларыны ҝөстәрмәк үчүн Она гурбан ҝәтирирләр.

Јеһова бу гурбана ҝөрә чох шад олур. О сөз верир ки, бир даһа јер үзүнү дашгынла мәһв етмәјәҹәк. Бунун нишанәси олараг ҝөјдә ҝөј гуршағы јарадыр. Сән һеч ҝөј гуршағы ҝөрмүсән?

Сонра Јеһова Нуһа вә аиләсинә дејир ки, дүнјаја ушаг ҝәтириб јер үзүнү долдурсунлар.