Һизгијалын Пејғәмбәрликләри

ПЕЈҒӘМБӘРЛИК НӘ ДЕМӘКДИР?

Мүгәддәс Китабда «пејғәмбәрлик етмәк» кими тәрҹүмә олунан ибрани фели нава, әсас етибарилә, Аллаһдан ҝәлән хәбәри, һөкмү, нәсиһәти, јахуд әмри бәјан етмәк мәнасыны дашыјыр. Бу сөз, һәмчинин баш верәҹәк һадисә һаггында Илаһидән назил олан хәбәри чатдырмаг мәнасыны верир. Һизгијалын пејғәмбәрликләри илаһи вәһјләрин бүтүн бу нөвләрини өзүнә дахил едир (Һизг. 3:10, 11; 11:4—8; 14:6, 7; 37:9, 10; 38:1—4).

ВӘҺЈЛӘРИН ЧАТДЫРЫЛМАСЫ

• 

  ҜӨРҮНТҮЛӘР

• 

  НҮМУНӘЛӘР

• 

  СӘҺНӘЛӘР

Һизгијал китабында ҝөрүнтүләр, нүмунәләр, мәсәлләр, баш верәҹәк һадисәләрин сәһнәләшдирилмәси јер алыб.

ЈЕРИНӘ ЈЕТМӘСИ

Һизгијалын сөјләдији пејғәмбәрликләр бәзән бир нечә дәфә јеринә јетир. Мәсәлән, пак ибадәтин дирчәлишилә бағлы пејғәмбәрликләр Аллаһын халгы Вәд олунмуш дијара гајыданда гисмән јеринә јетди. Анҹаг бу нәшрин 9-ҹу фәслиндә мүзакирә олундуғу кими бу пејғәмбәрликләрин чоху һәм бу ҝүн јеринә јетир, һәм дә ҝәләҹәкдә јеринә јетәҹәк.

Әввәлләр Һизгијалын пејғәмбәрликләриндәки елементләри тимсал кими гәбул едирдик. Бу нәшрдә исә, Мүгәддәс Китаб әсас вермирсә, һеч бир инсан, әшја, мәкан вә ја һадисә мүасир дөврлә бағлы нәләринсә тимсалы кими тәсвир олунмурa. Әсас диггәт Һизгијалын бир чох пејғәмбәрликләринин даһа ҝениш мигјасда неҹә јеринә јетдијинә јөнәлдилиб. Һәмчинин бу нәшрдә ҝөрәҹәјик ки, Һизгијалын чатдырдығы хәбәрләрдән, һаггында данышдығы инсанлардан, мәканлардан вә әһвалатлардан өзүмүзә һансы дәрси ҝөтүрә биләрик.