Мүждәни бөлүшмәјин үсуллары

Мүгәддәс Китабдакы һәгигәтләри өјрәндикҹә, ола билсин, үрәјиниздә дејирсиниз: «Буну һәр кәс билмәлидир!» Дүздүр, бунлары билмәјә һамынын еһтијаҹы вар! Амма бәлкә дә, өјрәндикләринизи башгаларына данышмаг барәдә фикирләшәндә һәјәҹанланырсыныз. Ҝәлин ҝөрәк һәјәҹанын өһдәсиндән неҹә ҝәлә биләрсиниз вә мүждәни севинҹлә бөлүшмәјә сизә нә көмәк едә биләр.

1. Өјрәндикләринизи таныдығыныз инсанлара неҹә даныша биләрсиниз?

Исанын шаҝирдләри демишди: «Биз ҝөрдүјүмүз вә ешитдијимиз шејләр барәсиндә данышмаја билмәрик» (Һәвариләрин ишләри 4:20). Бәли, һәгигәт онлар үчүн чох дәјәрли иди. Буна ҝөрә дә ону мүмкүн гәдәр чох инсана данышмаг истәјирдиләр. Сиз дә һәгигәтә бу ҹүр јанашырсыныз? Әҝәр еләдирсә, һәр фүрсәтдән истифадә едиб, өјрәндикләринизи гоһумларыныза вә достларыныза һөрмәтҹил шәкилдә данышын. (Колослулара 4:6 ајәсини охујун.)

2. Нә үчүн јығынҹагла бирҝә тәблиғ етмәк ҝөзәл мәгсәддир?

Исанын шаҝирдләри мүждәни тәкҹә таныдыглары инсанлара чатдырмырдылар. Иса «онлары ҝедәҹәји һәр шәһәрә, һәр јерә өзүндән габаг ики-ики ҝөндәрди» (Лука 10:1). Бунунла да тәблиғ ишини низамлы шәкилдә тәшкил етди. Бунун сајәсиндә мүждә даһа чох инсана чатды. Бирҝә тәблиғ етмәк һәмчинин шаҝирдләрә бөјүк севинҹ ҝәтирди (Лука 10:17). Сиз дә јығынҹагла бирҝә тәблиғ етмәји гаршыныза мәгсәд гоја биләрсиниз?

Д Ә Р И Н Л И Ј Ә  В А Р Ы Н

3. Јеһова сизинлә олаҹаг

Бәзән инсан нараһат олур ки, бирдән тәблиғ етсә, гаршы тәрәф мәнфи мүнасибәт ҝөстәрәр.

• Өјрәндикләринизи башгаларына данышмаға чәкинирсиниз? Нәјә ҝөрә чәкинирсиниз, јахуд нәјә ҝөрә чәкинмирсиниз?

ВИДЕОЈА бахын вә нөвбәти суалы мүзакирә един:

ВИДЕО: «Јеһоваја дуа едиб ҹәсарәт истәдим» (4:05)

• Видеодакы ҝәнҹләр горхуларына неҹә үстүн ҝәлдиләр?

Әшија 41:10 ајәсини охујун вә нөвбәти суалы мүзакирә един:

• Тәблиғ етмәјә горханда дуа сизә неҹә көмәк едә биләр?

Билирсиниз?

Јеһованын Шаһидләриндән бир чоху әввәлләр дүшүнүб ки, мүждәни һеч вахт тәблиғ едә билмәз. Мисал үчүн, бир вахтлар Серҝејин өзүнә инамы јох иди. Инсанларла сөһбәт етмәк она чәтин ҝәлирди. Сонралар о, Мүгәддәс Китабы өјрәнмәјә башлады. Серҝеј дејир: «Горхсам да, өјрәндикләрими инсанлара данышырдым. Мүгәддәс Китаб барәдә данышдыгҹа мәәттәл галырдым ки, өзүмә инамым неҹә артыр. Һәмчинин бунун сајәсиндә иманым да мөһкәмләнирди».

4. Һөрмәтлә данышын

Хош хәбәри киминләсә бөлүшмәк истәјәндә тәкҹә нә дејәҹәјинизи јох, неҹә дејәҹәјинизи дә дүшүнүн. 2 Тимутијә 2:24 вә 1 Бутрус 3:15 ајәләрини охујун. Сонра нөвбәти суаллары мүзакирә един:

• Мүгәддәс Китаб барәдә сөһбәт едәркән бу ајәләрдәки мәсләһәтләрә неҹә әмәл едә биләрсиниз?

• Аилә үзвләриниз вә ја достларыныз сизинлә разылашмаја биләр. Бу заман нә етсәниз јахшы олар? Бәс нә етмәк олмаз?

• Нә үчүн јахшы олар ки, гәти данышмајасыныз, әксинә, нәзакәтлә суаллар верәсиниз?

5. Хош хәбәри бөлүшмәк севинҹ бәхш едир

Јеһова Иса Мәсиһә хош хәбәри тәблиғ етмәк ишини һәвалә етмишди. Иса бу ишә неҹә јанашырды? Јәһја 4:34 ајәсини охујун вә нөвбәти суаллары мүзакирә един:

• Јахшы јемәк јејәндә һәм ҹанымыз сағлам олур, һәм дә кефимиз ачылыр. Нәјә ҝөрә Иса Аллаһын ирадәсини јеринә јетирмәји, еләҹә дә тәблиғ етмәји јемәк јемәјә бәнзәтмишди?

• Сизҹә, мүждәни тәблиғ етмәк инсана нә үчүн севинҹ ҝәтирир?

ИҸМАЛ

Мүждәни башгаларына данышмаг инсана севинҹ ҝәтирир. Сөһбәтә башламаг елә дә чәтин дејил.

Тәкрар

• Нәјә ҝөрә инсанлара мүждәни тәблиғ едирик?

• Буну һөрмәтҹил тәрздә неҹә едә биләрсиниз?

• Тәблиғ етмәк горхусуну неҹә аша биләрсиниз?

Ә Л А В Ә  М Ә Л У М А Т

jw.org визит карты васитәсилә мүждәни тәблиғ етмәјин дөрд асан үсулу илә таныш олун.

«Хидмәтдә JW.ORG сајтынын визит картларындан истифадә едирсиниз?» (1:43)

Мүждәни тәблиғ етмәјә көмәк едән дөрд хүсусијјәт барәдә өјрәнин.

«Мүждәчи олмаға һазырсыныз?» («Ҝөзәтчи гүлләси», сентјабр 2020)

Мүгәддәс Китабдакы бир һадисәнин көмәји илә һәтта ушаглар да мүждәни ҹәсарәтлә бөлүшә биләр.

«Јеһова сәнә ҹәсарәт верәҹәк» (11:59)

Ҝөрүн гоһумларыныза Мүгәддәс Китаб барәдә неҹә даныша биләрсиниз.

«Иманымыза шәрик олмајан гоһумларын үрәјинә јол тапын» («Ҝөзәтчи гүлләси», 15 март 2014)