ДӘРС 59

Тәгибләр гаршысында мәтин олун

Чап версијасы

Ҝеҹ-тез бүтүн мәсиһиләр тәгибләрлә үзләширләр. Бәс бу бизи тәшвишә салмалыдыр?

1. Тәгибләрин олаҹағыны һарадан билирик?

Мүгәддәс Китабда ачыг-ајдын јазылыб: «Мәсиһ Исанын шаҝирди кими мөмин һәјат сүрмәк истәјәнләрин һамысы тәгиб олунаҹаг» (2 Тимутијә 3:12). Иса Мәсиһ Шејтан дүнјасына мәхсус олмадығы үчүн тәгибләрә мәруз галырды. Биз дә бу дүнјаја мәхсус дејилик. Она ҝөрә дә һөкумәтләр вә дини тәшкилатлар бизи тәгиб едәндә тәәҹҹүбләнмирик (Јәһја 15:18, 19).

2. Тәгибләрә неҹә һазырлаша биләрик?

Биз артыг индидән Јеһоваја етибарымызы мөһкәмләндирмәлијик. Бунун үчүн һәр ҝүн дуа етмәјә вә Онун Кәламыны охумаға вахт ајырын. Јығынҹаг ҝөрүшләриндә мүнтәзәм иштирак един. Бүтүн бунлар сизә ҝүҹ верәҹәк ки, һәр бир тәгибә, һәтта аилә үзвләриниз тәрәфиндән олан тәгибә дә ҹәсарәтлә синә ҝәрәсиниз. Тез-тез тәгибә мәруз галан һәвари Булус јазмышды: «Јеһова дајағымдыр, әсла горхмарам» (Ибраниләрә 13:6).

Биз һәмчинин мүнтәзәм тәблиғ етмәклә даһа да ҹәсарәтли ола биләрик. Тәблиғ иши бизә Јеһоваја етибар етмәји вә инсан горхусуна үстүн ҝәлмәји өјрәдир (Мәсәлләр 29:25). Әҝәр индидән ҹәсарәтлә тәблиғ етсәниз, фәалијјәтимиз гадаған олунанда белә, горхмадан тәблиғ едәҹәксиниз (1 Салоникилиләрә 2:2).

3. Тәгибләрә дөзмәјин һансы фајдасы вар?

Сөзсүз ки, тәгиб олунмаг бизә хош дејил, амма тәгибләрә сәдагәтлә таб ҝәтирәндә иманымыз мөһкәмләнир. Јеһоваја јахынлашырыг. Чүнки ҝүҹүмүз түкәнәндә Онун бизә неҹә көмәк етдијини ҝөрүрүк. (Јагуб 1:2—4 ајәләрини охујун.) Биз әзаб чәкәндә Јеһова кәдәрләнир, амма тәслим олмадығымызы ҝөрәндә севинир. Мүгәддәс Китабда дејилир: «Јахшы иш ҝөрдүјүнүз үчүн әзаб чәкирсинизсә вә буна дөзүрсүнүзсә, бу, Аллаһа мәгбулдур» (1 Бутрус 2:20). Ахыра кими дөзән инсанлара Јеһова әбәди һәјат бәхш едәҹәк. Һәмин вахт бүтүн инсанлар Јеһоваја хидмәт едәҹәк вә һеч кәс онлара мане олмајаҹаг (Мәтта 24:13).

Д Ә Р И Н Л И Ј Ә В А Р Ы Н

Ҝөрүн тәгибләрә бахмајараг, нәјә ҝөрә Јеһоваја садиг галмаг мүмкүндүр вә О бизә һансы мүкафаты верәҹәк.

Гыз валидејнләринин етиразына бахмајараг, Мүгәддәс Китаб дәрсинә ҝедир.

4. Аилә үзвләриниз тәгиб едәндә мөһкәм галын

Иса билдирмишди ки, аилә үзвләримиз Јеһоваја ибадәт етмәјимизә гаршы чыха биләр. Мәтта 10:34—36 ајәләрини охујун вә нөвбәти суалы мүзакирә един:

Кимсә Јеһоваја хидмәт етмәк гәрарына ҝәләндә нә баш верә биләр?

ВИДЕОЈА бахын вә нөвбәти суалы мүзакирә един:

ВИДЕО: «Јеһова бизи гәбул етди» (5:13)

Гоһумунуз вә ја достунуз сизи Јеһоваја хидмәт етмәк фикриндән дашындырмаға чалышса, нә едәрсиниз?

Зәбур 27:10 вә Марк 10:29, 30 ајәләрини охујун. Һәр ајәни охујандан сонра нөвбәти суалы мүзакирә един:

Аиләниз вә ја достунуз ибадәтинизә мане олурса, бу вәд сизә неҹә көмәк едә биләр?

5. Тәгибләрә бахмајараг, Јеһоваја ибадәт един

Тәгибләр вахты Јеһоваја ибадәт етмәк үчүн ҹәсарәт лазымдыр. ВИДЕОЈА бахын вә нөвбәти суалы мүзакирә един:

ВИДЕО: «Тәгибләрә бахмајараг, ҹәсур олун» (6:27)

Видеодакы нүмунәләр сизи неҹә ҹәсарәтләндирир?

Һәвариләрин ишләри 5:27—29 вә Ибраниләрә 10:24, 25 ајәләрини охујун. Һәр ајәни охујандан сонра нөвбәти суалы мүзакирә един:

Тәблиғ ишимиз вә јығынҹаг ҝөрүшләримиз гадаған олунса да, нәјә ҝөрә Јеһоваја ибадәт етмәјә давам етмәлијик?

6. Јеһова сизә дөзмәјә көмәк едәҹәк

Дүнјанын һәр јериндә јашајан Јеһованын Шаһидләри тәгибләр заманы сәдагәтлә хидмәтләрини давам етдирибләр. Онларын ичиндә һәм јашлысы олуб, һәм дә ҹаваны. Ҝөрүн онлара нә көмәк едиб. ВИДЕОЈА бахын вә нөвбәти суалы мүзакирә един: