Мәһәббәтин ән нәҹиб нөвү

ЈУНАНҸА Мүгәддәс Јазыларда, јә’ни Әһди Ҹәдиддә “мәһәббәт” сөзүнә, демәк олар ки, һәмишә јунанҹа агáпе сөзү мүвафиг ҝәлир.

Бу терминин мә’насы “Мүгәддәс Јазыларын дәрк едилмәси”a (инҝ.) адлы арајыш әсәриндә изаһ едиләрәк дејилир: “[Агáпе] — ҝениш јајылмыш фикрин әксинә олараг, садәҹә шәхси бағлылыгдан ирәли ҝәлән һәссаслыг дејил, мөһкәм ирадә тәләб едән, вәзифә вә әхлаг принсипләрини рәһбәр тутараг сәмимиликлә вә дүзҝүнлүклә башгаларынын рифаһына хидмәт етмәјә чалышан мә’нәви вә иҹтимаи мәһәббәтдир. Агáпе (мәһәббәт) шәхси әдавәтдән јүксәкдир вә инсанын дүзҝүн принсипләри позмасына вә пислијә писликлә ҹаваб вермәсинә һеч вахт јол вермир”.

Агáпе — дәрин мәһәббәти дә нәзәрдә тута биләр. Һәвари Петер: “Һәр шејдән әввәл бир-биринизә ҹошғун мәһәббәтиниз [агáпе] олсун” дејә тәшвиг едирди (1 Петер 4:8). Буну нәзәрә алдыгда демәк олар ки, агáпе-ни тәзаһүр етдирмәкдә неҹә ки, үрәк, еләҹә дә дәрракә иштирак едир. Нәјә ҝөрә мәһәббәтин бу нәҹиб нөвүнүн нә дәрәҹәдә ҝүҹлү олдуғуну вә нә дәрәҹәдә ҝениш јајылдығыны ҝөстәрән бир нечә ајәни нәзәрдән кечирмәјәк? Нөвбәти Мүгәддәс Китаб ајәләри фајдалы ола биләр: Матта 5:43-47; Јәһја 15:12, 13; 1 Јәһја 3:15-18; 4:16-21; Ромалылара 13:8-10; Ефеслиләрә 5:2, 25, 28.

[Һашијә]