Ҝөзәтчи гүлләсинин ОНЛАЈН КИТАБХАНАСЫ
Ҝөзәтчи гүлләсинин
ОНЛАЈН КИТАБХАНАСЫ
Aзәрбајҹан (кирил әлифбасы)
Ә
  • Ғ
  • ғ
  • Ә
  • ә
  • Ј
  • ј
  • Ҝ
  • ҝ
  • Ө
  • ө
  • Ү
  • ү
  • Һ
  • һ
  • Ҹ
  • ҹ
  • МҮГӘДДӘС КИТАБ
  • НӘШРЛӘР
  • ИБАДӘТ ҜӨРҮШЛӘРИ
  • w08 15/11 с. 3—5
  • Сән неҹә инсан олмаг истәјирсән?

Бу сечим үчүн видео мөвҹуд дејил.

Тәәссүф едирик, видеону јүкләмәк мүмкүн олмады.

  • Сән неҹә инсан олмаг истәјирсән?
  • Ҝөзәтчи гүлләси 2008
  • Јарымбашлыг
  • Охшар материал
  • Мәндә һансы истәк вар?
  • Сән неҹә инсан олмаг истәјирсән?
  • Шәхсијјәтимизи јахшылашдырмагда мүвәффәгијјәтли ола биләрик
  • Көһнә шәхсијјәтдән гуртулмаг мүмкүндүр
    Ҝөзәтчи гүлләси 2022
  • Вәфтиздән сонра да «јени шәхсијјәти» ҝејинин
    Ҝөзәтчи гүлләси 2022
  • Јени шәхсијјәти ҝејинәк
    Ҝөзәтчи гүлләси 2017
  • «Дүшүнҹәнизи јениләшдирәрәк бүсбүтүн дәјишин»
    Ҝөзәтчи гүлләси 2023
Әлавә
Ҝөзәтчи гүлләси 2008
w08 15/11 с. 3—5

Сән неҹә инсан олмаг истәјирсән?

ФИЛИППИНДӘ бир полис рәиси пионер баҹымыздан сорушду: «Бу инсанын дәјишилмәсинә неҹә мүвәффәг олдунуз?» О, масасынын үстүндәки кағыз галағыны ҝөстәриб әлавә етди: «Бахын, бүтүн бунлар вахтилә она гаршы галдырылмыш ишләрдир. Сиз бизи бу шәһәрдә бир башағрысындан гуртардыныз». Һаггында данышылан киши әввәлләр бир чох проблемләр јарадан әјјаш вә давакар адам иди. Бәс һәјатында бөјүк дәјишикликләр етмәјә ону нә тәшвиг етди? Аллаһын илһамланмыш Кәламы олан Мүгәддәс Китабдан өјрәндикләри.

Бир чохлары һәвари Павелин ‘әввәлки јашајышларына мәхсус олан көһнә мәнлији кәнара атыб, Аллаһын бәнзәјишинә ҝөрә јарадылмыш јени мәнлији ҝејинин’ мәсләһәтинә әмәл едибләр (Ефес. 4:22-24). Етмәли олдуғумуз дәјишикликләрин кичиклијинә, бөјүклүјүнә бахмајараг, һәгиги мәсиһчи олмаг үчүн јени мәнлији ҝејинмәлијик.

Амма етдијимиз дәјишикликләр вә вәфтизә јарарлы олмаг үчүн атдығымыз аддымлар һәлә јолун башланғыҹыдыр. Биз вәфтиз олунанда, демәк олар ки, үмуми форма верилмиш тахта парчасына бәнзәјирик. Фигурун әсас ҹизҝиләри ҝөрүнсә дә, едиләси ишләр һәлә чохдур. Онун ҝөзәл олмасы үчүн ојуҹу хырда деталларын үзәриндә чалышмалыдыр. Вәфтиз олунаркән Аллаһын хидмәтчиси олмаг үчүн тәләб олунан әсас кејфијјәтләрә малик олсаг да, һәлә ‘јени мәнлијимизин’ үзәриндә ишләмәлијик. Бунун үчүн даима дәјишикликләр етмәлијик.

Һәтта Павел дә буна еһтијаҹ дујдуғуну дәрк едирди. О етираф етмишди: «Јахшылыг етмәк истәркән, мәндә пислик һазыр олур» (Ром. 7:21). Павел неҹә инсан олдуғуну вә неҹә инсан олмаг истәдијини јахшы билирди. Бәс өзүмүз барәдә нә дејә биләрик? Биз дә өзүмүздән сорушмалыјыг: «Мәндә һансы истәк вар? Мән неҹә инсанам вә неҹә инсан олмаг истәјирәм?»

Мәндә һансы истәк вар?

Көһнә еви тәмир едәндә, әҝәр тирләри чүрүкдүрсә, ону үздән бојамаг кифајәт дејил. Бу гүсура мәһәл гојмасаг, ҝәләҹәкдә проблемләр јаранаҹаг. Ејнилә, салеһ инсан кими ҝөрүнмәк аздыр. Биз дахили варлығымызы арашдырмалы вә һәлл етмәли олдуғумуз проблемләри мүәјјән етмәлијик. Әкс һалда, көһнә мәнлијин кејфијјәтләри үзә чыхаҹаг. Буна ҝөрә дә өзүмүзү диггәтлә јохламалыјыг (2 Кор. 13:5). Бизә хошаҝәлмәз хүсусијјәтләри мүәјјән етмәк вә онлары дүзәлтмәк лазымдыр. Бунун үчүн Јеһованын көмәјиндән јарарлана биләрик.

Павел јазмышды: «Аллаһын кәламы ҹанлы вә тәсирли, һәр ҹүр икиағызлы гылынҹдан итидир; о, ҹанла руһу, ојнагларла илији бир-бириндән ајыраҹаг гәдәр дәлиб кечир вә үрәјин дүшүнҹә вә нијјәтләрини ајырд едир» (Ибр. 4:12). Аллаһын Кәламы олан Мүгәддәс Китаб һәјатымыза бөјүк тәсир ҝөстәрә биләр. О, дахилимизин дәринликләринә чатыр, мәҹази мәнада десәк, илијимизә ишләјир. Инсан өзү барәдә нә дүшүнсә дә вә өзүнү әтрафдакылара неҹә танытса да, Аллаһын Кәламы онун фикир вә мотивләрини үзә чыхарыр. Һәгигәтән дә, Мүгәддәс Китаб проблемләримизи ҝөрмәјә көмәк едир!

Көһнә еви тәмир едәркән јарарсыз һала дүшмүш материаллары дәјишмәк кифајәт дејил. Проблемин сәбәбини мүәјјәнләшдирсәк, онун тәкрар баш вермәсинин гаршысыны ала биләҹәјик. Ејнилә, мәнфи ҹәһәтләримизи мүәјјәнләшдирмәклә јанашы, онлара сәбәб олан вә ја ҝүҹләндирән шејләрдән кәнар дурмаг зәифликләримизи ҹиловламаға көмәк едәҹәк. Шәхсијјәтимизин формалашмасында бир чох амилләр рол ојнајыр. Мәсәлән, ҹәмијјәтдә тутдуғумуз јер, мадди вәзијјәтимиз, әтрафымыздакы инсанлар, бөјүдүјүмүз мәдәнијјәт, валидејнләримиз, дост-танышларымыз вә динимиз. Һәтта бахдығымыз верилишләр, филмләр вә мүхтәлиф әјләнҹә нөвләри бу ишдә өз изини бурахыр. Шәхсијјәтимизә нәјин мәнфи тәсир ҝөстәрдијини мүәјјән етсәк, бу тәсири мүмкүн гәдәр азалда биләрик.

Ола билсин, өзүмүзү јохладыгдан сонра: «Нә едим, мән беләјәм», — демәјә мејллијик. Лакин бу, сәһв дүшүнҹәдир. Павел Коринф јығынҹағынын әввәлләр әхлагсызлыг, һомосексуализм, сәрхошлуг вә саирә ишләрлә мәшғул олан үзвләринә истинад едәрәк јазмышды: «Сизләрдән бәзиләри дә бу ҹүр идиләр; лакин сиз тәмизләндиниз... Аллаһымызын Руһу илә бәраәт газандыныз» (1 Кор. 6:9-11). Јеһованын мүгәддәс руһунун көмәји илә лазыми дәјишикликләри биз дә едә биләрик.

Филиппиндә јашајан Маркосa адлы кишинин нүмунәсинә нәзәр салаг. О, кечмишини хатырлајараг дејир: «Валидејнләрим бир-бирләри илә јола ҝетмирдиләр. Буна ҝөрә 19 јашында пис һәјат тәрзи сүрмәјә башладым». Маркос мәшһур гумарбаз, оғру вә силаһлы гарәтчи олду. О, бир нечә јолдашы илә бирҝә һәтта тәјјарә гачырмаға ҹәһд ҝөстәрди, амма бу план баш тутмады. Маркос евләнәндән сонра да пис әмәлләриндән әл чәкмәди. Нәтиҹәдә һәр шејини гумарда удузду. Бундан бир гәдәр сонра Маркос Јеһованын Шаһидләри илә Мүгәддәс Китабы өјрәнән арвадына гошулду. Илк вахтлар о өзүнү Јеһованын Шаһиди олмаға лајиг билмирди. Амма өјрәндикләрини тәтбиг етмәјин вә јығынҹаг ҝөрүшләринә ҝәлмәјин сајәсиндә Маркос һәјат тәрзини дәјишә билди. О, һал-һазырда вәфтиз олунмуш мәсиһчидир вә хидмәтдә мүнтәзәм иштирак едәрәк башгаларына дәјишилмәјә көмәк едир.

Сән неҹә инсан олмаг истәјирсән?

Мәсиһчи кејфијјәтләримизи јахшылашдырмаг үчүн һансы дәјишикликләри етмәјимиз лазым ҝәлә биләр? Павел мәсиһчиләрә мәсләһәт верир: «Гәзәб, һиддәт, кин, ифтира, ағзыныздан чыхан әдәбсиз сөзләр кими шејләрин һамысыны бир јана гојун. Бир-биринизә јалан данышмајын, чүнки көһнә мәнлијиниздән вә онун әмәлләриндән сојундунуз вә јени мәнлији ҝејдиниз». Павел давам едир: «Јени мәнлијиниз ону Јараданын сурәтинә бәнзәр тәрздә тәзәләнир ки, дәрракәниз там олсун» (Колос. 3:8-10).

Бизим әсас мәгсәдимиз, бу ајәләрдә дејилдији кими, көһнә мәнлијимизи сојунуб, јени мәнлији ҝејинмәкдир. Буна наил олмаг үчүн һансы кејфијјәтләри инкишаф етдирмәлијик? Павел дејир: «Шәфгәт, хејирхаһлыг, тәвазөкарлыг, һәлимлик вә сәбирлилик ҝејин; бир-биринизә тәһәммүл един вә биринизин диҝәриндән шикајәти варса, бағышласын. Мәсиһ [«Јеһова», ЈД] сизи бағышладығы кими, сиз дә бир-биринизи бағышлајын. Бүтүн бунларла јанашы, камил бирлијин бағы олан мәһәббәти ҝејин» (Колос. 3:12-14). Әҝәр бу кејфијјәтләри сәјлә вә виҹданла өзүмүздә јетишдирсәк, ‘[Јеһованын] вә инсанларын ҝөзүндә һөрмәт газанаҹағыг’ (1 Шам. 2:26). Иса јер үзүндә оларкән Аллаһын кејфијјәтләрини мүкәммәл шәкилдә тәзаһүр етдирирди. Онун нүмунәсини өјрәниб тәглид етмәклә ‘Аллаһы тәглид едән’ Мәсиһә даһа чох бәнзәјәҹәјик (Ефес. 5:1, 2).

Шәхсијјәтимиздә һансы дәјишикликләр етмәк лазым олдуғуну мүәјјән етмәјин диҝәр үсулу Мүгәддәс Китаб персонажларынын характерини, јәни онларын ҹәлбедиҹи вә хошаҝәлмәз хүсусијјәтләрини өјрәнмәкдир. Мисал үчүн гәбилә башчысы Јагубун оғлу Јусифин нүмунәсини нәзәрдән кечирәк. О, әдаләтсизлијин гурбаны олса да, мүсбәт әһвал-руһијјәсини вә дахили ҝөзәллијини итирмәди (Јар. 45:1-15). Падшаһ Давудун оғлу Авшалом исә өзүнү халгын гејдинә галан бир инсан кими гәләмә верирди вә онун заһири ҝөзәллији дилләр әзбәри иди. Әслиндә о, сатгын вә гатил иди (2 Шам. 13:28, 29; 14:25; 15:1-12). Сахта хејирхаһлыг вә физики ҝөзәллик инсаны сөзүн әсл мәнасында ҹазибәли етмир.

Шәхсијјәтимизи јахшылашдырмагда мүвәффәгијјәтли ола биләрик

Јахшылыға доғру дәјишилмәк вә Аллаһын ҝөзүндә ҝөзәл олмаг үчүн дахили варлығымыза фикир вермәлијик (1 Пет. 3:3, 4). Шәхсијјәтимиздә дәјишиклик етмәк үчүн пис хүсусијјәтләрә сәбәб олан вә ја онлары ҝүҹләндирән шејләри мүәјјән етмәли, еләҹә дә Аллаһа хош олан кејфијјәтләри инкишаф етдирмәлијик. Сәјләримизин мүвәффәгијјәтли олаҹағына әмин ола биләрикми?

Бәли, Јеһованын көмәји илә лазыми дәјишикликләри етмәк мүмкүндүр. Биз дә мәзмурчу кими дуа едә биләрик: «Еј Аллаһ, мәндә тәмиз үрәк јарат, дахилимә јенидән сәдагәт руһуну вер» (Мәз. 51:10). Дахилимиздә фәалијјәт ҝөстәрсин вә һәјатымызы тамамилә Онун ирадәсинә ујғунлашдырмаг арзумузу мөһкәмләндирсин дејә Јеһовадан мүгәддәс руһ диләјә биләрик. Доғрудан да, Јеһованын ҝөзүндә даһа ҹәлбедиҹи ола биләрик!

[Һашијә]

a Ад дәјишдирилиб.

[4-ҹү сәһифәдәки шәкил]

Гасырға нәтиҹәсиндә јарарсыз һала дүшмүш бу еви үздән бојамаг кифајәт едәрми?

[5-ҹи сәһифәдәки шәкил]

Сәнин мәнлијин Мәсиһинкинә бәнзәјирми?

    Азәрбајҹан (кирил) нәшрләри (2000—2025)
    Чыхыш
    Дахил ол
    • Aзәрбајҹан (кирил әлифбасы)
    • Пајлаш
    • Параметрләр
    • Copyright © 2025 Watch Tower Bible and Tract Society of Pennsylvania
    • Истифадә шәртләри
    • Мәхфилик гајдалары
    • Настройки конфиденциальности
    • JW.ORG
    • Дахил ол
    Пајлаш