Ҝилеадын 125-ҹи бурахылышы

Миссионерләр Јеремја кими олмаға тәшвиг олунурлар

РӘҺБӘРЛИК ШУРАСЫНЫН үзвү Ҹефри Ҹексон «Ҝилеад Мәктәбинин бу синфинин тарихи бир һадисә» олдуғуну бәјан етди. О бу сөзләри 2008-ҹи ил 13 сентјабр тарихиндә кечирилән Ҝөзәтчи Гүлләсинин Мүгәддәс Китаб Мәктәби Ҝилеадын 125-ҹи бурахылышында иштирак едән 6 156 нәфәрә үнванламышды. Ҝилеад Мәктәби, бу синфин 56 мәзуну да дахил олмагла, «дүнјанын ән узаг јерләринә гәдәр» 8 000-дән чох миссионер ҝөндәрмишдир! (Һәв. иш. 1:8).

Програмын сәдри Ҹексон гардаш сорушду: «Етибарлы олмағыныз хидмәтинизи даһа да кејфијјәтли едәҹәкми?» Сонра о, етибар газанмағын дөрд үсулуну садалады: дүзҝүн әһвал-руһијјәјә малик олмаг, јахшы нүмунә вермәк, јалныз Аллаһын Кәламына әсасән өјрәтмәк вә диггәтләрини Јеһованын адыны бәјан етмәјә ҹәмләмәк.

Тәлим комитәсиндә хидмәт едән Девид Шафер «Һәр шеји анлајаҹагсанмы?» адлы мөвзуну мүзакирә етди. Гардаш Ҝилеадын мәзунларыны әмин етди ки, әҝәр онлар Јеһованы ахтармаға давам едиб ‘садиг вә ағыллы гулу’ һәлимликлә гәбул етсәләр, миссионер хидмәтләриндә еһтијаҹлары олан «һәр шеји анлаја» биләҹәкләр, јәни јахшы миссионер олмаг үчүн һәр шејләри олаҹаг (Сүл. мәс. 28:5; Мат. 24:45).

Сонра Рәһбәрлик Шурасынын үзвү Ҹон Барр «Гој сәни Аллаһын мәһәббәтиндән һеч нә ајырмасын» мөвзусу илә чыхыш етди. Барр гардаш ата нәвазиши илә мәзунлары вә онларын валидејнләрини руһландырды вә јени миссионерләрин тәјинатларында үзләшә биләҹәкләри чәтинликләрә даир бүтүн горху вә һәјәҹанларыны арадан галдырды. О изаһ етди ки, «Аллаһын мәһәббәти һәјатда ола биләҹәјимиз ән тәһлүкәсиз, ән раһат јердир». Миссионерләрин өзләриндән башга, онлары һеч нә Аллаһын мәһәббәтиндән ајыра билмәз.

Теократик Мәктәбләр Шөбәсиндә хидмәт едән Сем Роберсон динләјиҹиләри ‘ән ҝөзәл либасы ҝејинмәјә’ тәшвиг етди. Исанын етдикләрини арашдырмагла вә өјрәндикләрини өзләринә тәтбиг етмәклә, мәзунлар ‘Иса Мәсиһи ҝејинә’ биләрләр (Ром. 13:14, И–93). Даһа сонра Теократик Мәктәбләр Шөбәсинин нәзарәтчиси Уилјам Семјуелсон инсаны шәрәфли едән шејин нә олдуғуну вурғулады. Инсаны шәрәфли едән инсанларын јох, Аллаһын фикридир.

Мәктәбин мүәллимләриндән бири Мајкл Бернетт мәзунлардан тәлим заманы хидмәтдә баш верән мараглы һадисәләр һагда мүсаһибә ҝөтүрдү. Патерсонда (Нју-Јорк) кечирилән Ҝилеад Мәктәбиндә тәлим алдыглары мүддәтдә тәләбәләрин әксәријјәти әсаслы сурәтдә вә тез-тез ишләнилмиш әразиләрдә хидмәт етмәләринә бахмајараг, јенә дә һәгигәтә мараг ҝөстәрән инсанлара раст ҝәлмишләр. Конгресләр Шөбәсиндә хидмәт едән Ҹералд Гриззл Филиал Комитәләринин үзвләри үчүн Мәктәбдә тәлим алмыш үч гардашдан мүсаһибә ҝөтүрдү. Онларын сөзләри Ҝилеадын мәзунларына хариҹи тәјинатларында үзләшәҹәкләри чәтинликләрә һазыр олмаға көмәк етди.

«Јеремја кими олун» адлы мәрузә илә Рәһбәрлик Шурасынын үзвү, 42-ҹи синфин мәзуну Девид Сплејн чыхыш етди. Јеремја тәјинат аланда горху ичиндә олса да, Јеһова ону мөһкәмләндирди (Јер. 1:7, 8). Алдыглары тәјинатда Аллаһ јени миссионерләри дә мөһкәмләндирәҹәк. Сплејн гардаш деди: «Әҝәр киминләсә аранда проблемин варса, отуруб һәмин адамда һәгигәтән дә гијмәтләндирдијин он хүсусијјәти јаз. Әҝәр сән онда он хүсусијјәт садалаја билмирсәнсә, демәли, һәмин адамы кифајәт гәдәр јахшы танымырсан».

Јеремја фәдакар иди. Һәр шеји атыб гачмаг истәјәндә о дуа едирди вә Јеһова һеч заман ону дарда гојмурду (Јер. 20:11). Сплејн гардаш деди: «Тагәтдән дүшдүјүнү һисс едәндә бу һагда Јеһоваја даныш. Јеһованын сәнә неҹә көмәк едәҹәјинә өзүн тәәҹҹүбләнәҹәксән».

Бурахылышын сонунда програмын сәдри динләјиҹиләрә хатырлатды ки, мәзунлар бу мәктәбдә етибар газанмағын мүхтәлиф үсулларыны өјрәндиләр. Миссионерләрин етибарлы олмасы сајәсиндә, чатдырдыглары хәбәр даһа да тәсирли олаҹаг (Јешаја 43:8-12).

[22-ҹи сәһифәдәки чәрчивә]

СИНФИН СТАТИСТИК МӘЛУМАТЛАРЫ

Тәмсил едилән өлкәләрин сајы: 6

Тәјинат верилән өлкәләрин сајы: 21

Тәләбәләрин сајы: 56

Орта јаш һәдди: 32,9

Һәгигәтдә олмаларынын орта ил һәдди: 17,4

Таммүддәтли хидмәтләринин орта ил һәдди: 13

[23-ҹү сәһифәдәки шәкил]

Ҝөзәтчи Гүлләсинин Мүгәддәс Китаб Мәктәби Ҝилеадын 125-ҹи синфинин бурахылышы

Ашағыдакы сијаһыда ҹәрҝәләр габагдан архаја доғру нөмрәләниб, адлар исә һәр ҹәрҝәдә солдан саға садаланыб.

1) Һоҹсон А.; Уолл А.; Биренс К.; Һортелано М.; Нјуман Л.; Де Касо А. 2) Ҹенкинс Ҹ.; Ҹарземски Т.; Мендес Н.; Корона В.; Каналита Л. 3) Фрајер Һ.; Савиҹ М.; Тидвелл К.; Ериксон Н.; Дик Е.; Макбет Р. 4) Перес Л.; Пјуз Л.; Скидмор А.; Јанг Б.; Макбрајд Н.; Рондон П.; Гудман Е. 5) Биренс М.; Фергусон Ҹ.; Пирсон Н.; Чапман Л.; Вордел Ҹ.; Каналита М. 6) Перес П.; Де Касо Д.; Јанг Т.; Рондон Д.; Гудман Г.; Ҹенкинс М.; Дик Г. 7) Корона М.; Уолл Р.; Пјуз С.; Мендес Ф.; Ҹарземски С.; Савиҹ Т. 8) Нјуман К.; Фергусон Д.; Скидмор Д.; Ериксон Т.; Макбрајд Ҹ.; Пирсон М.; Чапман М. 9) Һоҹсон К.; Вордел А.; Макбет А.; Тидвелл Т.; Фрајер Ҹ.; Һортелано Ҹ.