Ушаглара Аллаһ һаггында нәји өјрәтмәк лазымдыр?
«Мүгәддәс Јазылардакы һәр кәлмә Аллаһ тәрәфиндән илһамланмышдыр вә тәлим, тәнбеһ, ислаһ вә салеһлик јолунда тәрбијә үчүн фајдалыдыр» (2 ТИМОТЕЈӘ 3:16).
УШАГЛАР Аллаһ һаггында һәгигәти билмәлидирләр. Бәс онлар һәгигәти һарадан өјрәнә биләрләр? Дүнјада дини китаблар арасында ән чох һөрмәт едилән Мүгәддәс Китабдан.
Мүгәддәс Китаб Аллаһдан ҝәлән мәктубдур. Бу мәктубда Аллаһ бизә Өзү һаггында биликләр тәгдим едир, еләҹә дә бүтүн бәндәләринә — һәм ҝәнҹләрә, һәм дә јашлылара әхлаги мәсәләләрә даир рәһбәрлик верир. Ҝәлин Мүгәддәс Китабын бәзи тәлимләринә вә ҝәнҹләрин онлардан нә өјрәнә биләҹәкләринә нәзәр салаг.
Бу нүмунәләрдән ҝөрдүјүмүз кими, Мүгәддәс Китабдакы ибрәт дәрсләри ушагларын миннәтдар олмағы баҹаран, һөрмәтҹил, башгаларынын һалына јанан бир инсан кими бөјүмәләринә көмәк едә биләр. Бәс бүтүн бунлары ушаглара ким өјрәтмәлидир?
Мүгәддәс Китабын Аллаһ һаггында өјрәтдикләри
◼ Мүгәддәс Китаб өјрәдир: «Мән Јеһовајам, исмим одур; вә иззәтими бир башгасына вә һәмдими ојма бүтләрә вермәјәҹәјәм» (Јешаја 42:8, Китабы Мукаддес).
Дәрс: Аллаһ садәҹә гүввә дејил. О, реал Варлыгдыр вә Онун шәхси ады вар.
◼ Мүгәддәс Китаб өјрәдир: «Рәбб бүтүн үрәкләри сынајыр вә ағылларын бүтүн истәкләрини билир. Әҝәр Ону ахтарсан, сән Ону тапаҹагсан. Әҝәр Ону тәрк етсән, О да сәни әбәди олараг атаҹаг» (1 Салнамәләр 28:9).
Дәрс: Јеһова Аллаһ балаҹа ушаглардан тутмуш һамынын гајғысына галыр (Мәзмур 10:14; 146:9). Аллаһ бизим Онун һаггында өјрәнмәјимизи истәјир.
◼ Мүгәддәс Китаб өјрәдир: «Һеч бир... јетимә әзијјәт вермәјин. Әҝәр бунлардан биринә әзијјәт версәниз вә о Мәнә фәрјад етсә, Мән һөкмән фәрјадыны ешидәҹәјәм» (Чыхыш 22:22—24).
Дәрс: Јеһова Аллаһ һәтта балаҹа ушагларын белә дуасыны ешидир. Биз мүнтәзәм олараг дуада Аллаһа мүраҹиәт едәрәк ән дәрин дүшүнҹәләримизи вә һиссләримизи Онунла бөлүшә биләрик.
◼ Мүгәддәс Китаб өјрәдир: «Аллаһы дөнә-дөнә сынадылар, Исраилин Мүгәддәсинин хатиринә дәјдиләр» (Мәзмур 78:41).
Дәрс: данышыг тәрзимиз вә һәрәкәтләримиз Јеһова Аллаһа тәсир едир, буна ҝөрә дә данышмаздан вә нәјисә етмәздән әввәл, инсан ҝәрәк јахшы-јахшы дүшүнсүн.
Биздән фәргли ҝөрүнән инсанларла неҹә давранмалыјыг?
◼ Мүгәддәс Китаб өјрәдир: «Аллаһымыз ајры-сечкилик етмәјән Аллаһдыр, һәр халгын ичиндә Ондан горхан вә салеһ һәјат сүрән адамы хошлајыр» (Һәвариләрин ишләри 10:34, 35).
Дәрс: әҝәр мәншәјиндән асылы олмајараг, Аллаһ бүтүн инсанлары гәбул едирсә, онда биз дә дәрисинин рәнҝинә вә үз ҹизҝиләринә ҝөрә биздән сечилән инсанлара фәрг гојмамалыјыг.
◼ Мүгәддәс Китаб өјрәдир: «Сиздән изаһат тәләб едән һәр кәсин гаршысында үмидинизи мүдафиә етмәјә һәмишә һазыр олун, анҹаг буну һәлимликлә вә дәрин һөрмәтлә един» (1 Петер 3:15).
Дәрс: дин һагда сөһбәт едәркән фикирләримизи гәзәбә вә һиддәтә јол вермәдән әминликлә вә нәзакәтлә данышмалыјыг. Биз һәмчинин дини етигадлары бизимкиндән фәргләнән инсанлара да һөрмәт ҝөстәрмәлијик.
Аилә үзвләримизлә неҹә рәфтар етмәлијик?
◼ Мүгәддәс Китаб өјрәдир: «Еј ушаглар, валидејнләринизин сөзүнә гулаг асын, чүнки бу, Ағаја хош ҝедир» (Колослулара 3:20).
Дәрс: ушаглар итаәтли олмагла тәкҹә валидејнләрини севдикләрини јох, һәм дә Аллаһы разы салмаг истәдикләрини ҝөстәрирләр.
◼ Мүгәддәс Китаб өјрәдир: «Бир-биринизә гаршы һәмишә сәбирли олун, биринизин диҝәриндән шикајәти оларса, бир-биринизи үрәкдән бағышлајын. Јеһова сизи үрәкдән бағышладығы кими, сиз дә бир-биринизи үрәкдән бағышлајын» (Колослулара 3:13).
Дәрс: башгалары, о ҹүмләдән аилә үзвләримиз вахташыры бизи руһдан сала биләрләр. Амма әҝәр биз истәјириксә, Аллаһ бизи бағышласын, биз дә башгаларыны бағышламағы өјрәнмәлијик (Матта 6:14, 15).
Нәјә ҝөрә дүрүст вә хејирхаһ олмаг лазымдыр?
◼ Мүгәддәс Китаб өјрәдир: «Артыг јаланы кәнара гојдуғунуз үчүн гој һәр кәс јахынына һәгигәти сөјләсин» (Ефеслиләрә 4:25).
Дәрс: биз дүз данышанда Аллаһа бәнзәмәјә чалышыр вә Ону севиндирмиш олуруг. Әҝәр јалан данышмаға вәрдиш етсәк, онда биз Аллаһын дүшмәни, јаланын атасы олан Иблисә бәнзәјәҹәјик (Јәһја 8:44; Титуса 1:2).
◼ Мүгәддәс Китаб өјрәдир: «Инсанларын сизинлә неҹә рәфтар етмәсини истәјирсинизсә, сиз дә онларла еләҹә рәфтар един» (Матта 7:12).
Дәрс: биз аилә үзвләримизин вә үнсијјәтдә олдуғумуз инсанларын һиссләринә, фикирләринә вә тәләбатларына гаршы диггәтли олмалыјыг. Биз башгаларынын «дәрдинә шәрик» оланда, чох еһтимал ки, онлар да бизә гаршы хејирхаһ олурлар (1 Петер 3:8; Лука 6:38).