Охуҹуларын суаллары

Иллик һесабатдакы мәлуматлары неҹә баша дүшмәлијик?

Биз һәр ил «Иллик мәҹмуә»дә дәрҹ едилән хидмәт һесабатыны бөјүк сәбирсизликлә ҝөзләјирик. Јеһованын халгынын үмумдүнја тәблиғ вә тәлим ишиндә әлдә етдији наилијјәтләр барәдә охумаг бизим үчүн чох севиндириҹидир. Анҹаг һесабаты даһа јахшы баша дүшмәк үчүн биз рәгәмләрин вә башлыгларын мәнасыны билмәлијик. Ҝәлин бир нечә нүмунәјә нәзәр салаг.

Хидмәт или. Хидмәт или сентјабрдан башлајыб нөвбәти тәгвим илинин август ајында битир. «Иллик мәҹмуә»дә өтән хидмәт или үчүн һесабат дәрҹ олунур. Мәсәлән, 2011-ҹи ил үчүн олан «Иллик мәҹмуә»дәки һесабат 2009-ҹу ил сентјабрын 1-дән 2010-ҹу ил августун 31-дәк давам едән 2010-ҹу хидмәт или үчүн олан һесабатдыр.

Тәблиғчиләрин јүксәк вә орта сајы. Тәблиғчиләрин сајына һәм вәфтиз олунмуш, һәм дә вәфтиз олунмамыш тәблиғчиләр дахилдир. Тәблиғчиләрин јүксәк сајы ән чох тәблиғчиләрин һесабат вердији ајдан ҝөтүрүлүр. Һәмин саја вахтында верилмәјән вә бу сәбәбдән нөвбәти аја кечирилән һесабатлар да дахил ола биләр. Буна ҝөрә дә бәзи тәблиғчиләр ики дәфә һесабланыр. Лакин тәблиғчиләрин јүксәк сајына тәблиғдә иштирак едән, анҹаг тәблиғ һагда һесабат вермәји унудан тәблиғчиләр дахил дејил. Бу, тәблиғчиләрин һәр ај тәблиғ һагда һесабаты вермәләринин ваҹиблијини ҝөстәрир. Тәблиғчиләрин орта сајы дејилдикдә исә һәр ај тәблиғ һагда һесабатларыны верән тәблиғчиләр нәзәрдә тутулур.

Үмуми саат. 2011-ҹи илин «Иллик мәҹмуә»синә әсасән, Јеһованын Шаһидләри тәблиғ хидмәтинә бир милјард алты јүз милјондан чох саат сәрф етмишләр. Лакин бу саја үмумиликдә вә мүнтәзәм олараг ибадәтә, мәсәлән, ағсаггалларын јығынҹагдакы ишләринә, јығынҹаг ҝөрүшләриндә иштирак етмәјимизә, еләҹә дә Мүгәддәс Китабы шәхсән өјрәнмәк вә үзәриндә дүшүнмәк үчүн сәрф олунан саатлар дахил дејил.

Хәрҹләр. Јеһованын Шаһидләри 2010-ҹу хидмәт или әрзиндә хүсуси пионерләри, миссионерләри вә сәјјар нәзарәтчиләри тәблиғ хидмәти тәјинатларында тәмин етмәк үчүн 155 милјондан чох АБШ доллары хәрҹләмишдир. Лакин бу мәбләғә Мүгәддәс Китаб вә она әсасланан нәшрләр чап етмәк, һәмчинин көнүллү олараг бүтүн дүнјадакы филиалларда хидмәт едән 20 000-дән чох бет-еллинин еһтијаҹларыны өдәмәк үчүн сәрф олунан вәсаит дахил дејил.

Символлардан гәбул едәнләрин сајы. Бура Хатирә Ҝеҹәсиндә символлардан гәбул едән бүтүн вәфтиз олунмуш Јеһованын Шаһидләри дахилдир. Бәс бу, јер үзүндә јашајан бүтүн мәсһ едилмишләрин сајыны билдирирми? Јох. Мүәјјән амилләр, мәсәлән, инсанын кечмиш етигадлары, һәтта психи вә ја емосионал проблемләри сәһв олараг онда мәсһ едилмиш олмасы фикринин јаранмасына сәбәб ола биләр. Буна ҝөрә дә јер үзүндә јашајан мәсһ едилмишләрин дәгиг сајы бизә мәлум дејил вә үмумијјәтлә, буну билмәјимизә еһтијаҹ јохдур. Рәһбәрлик Шурасы символлардан гәбул едәнләрин сијаһысыны тәртиб етмирa.

Биз билирик ки, бөјүк мүсибәт башлајанда Аллаһымызын гуллары олан мәсһ едилмишләрин бәзиләри јер үзүндә олаҹаг (Вәһј 7:1—3). Нә гәдәр ки мәләкләр бөјүк мүсибәтин дағыдыҹы күләкләрини бурахмајыб, мәсһ едилмиш мәсиһчиләр тәблиғ вә тәлим ишини сәјлә ҝөрмәјә давам едәҹәкләр. Бәли, иллик һесабат бәшәр тарихиндә ән ваҹиб иш олан тәблиғ ишиндә Јеһованын халгынын әлдә етдији наилијјәтләрдән хәбәрдар олмағымыза көмәк едир.

[Һашијә]