Јадыныздадырмы?
«Ҝөзәтчи гүлләси»нин сон сајларыны диггәтлә охумусунуз? Елә исә ашағыдакы суаллара ҹаваб вермәјә чалышын.
Сүлејман һансы мәнада бизим үчүн хәбәрдарлыг нүмунәсидир?
Аллаһ Сүлејман падшаһы хејир-дуаландырырды вә Өз нијјәтини һәјата кечирмәк үчүн ондан истифадә едирди. Лакин һөкмранлығы заманы Сүлејман Аллаһын бир мәсләһәтини гулагардына вурду! О, бүтләрә ибадәт едән фирон гызы илә евләнди, өзүнә бир чох арвад алды вә јол верди ки, јаделли арвадлары тәдриҹән ону һәгиги ибадәтдән узаглашдырыб бүтпәрәст етсинләр. Биз диггәтли олмалыјыг ки, үрәјимиздә јаваш-јаваш дүзҝүн олмајан мејилләр вә әһвал-руһијјә инкишаф етмәсин (Ганун. т. 7:1—4; 17:17; 1 Пад. 11:4—8) (15.12, сәһифәләр 10—12).
Нәјә ҝөрә демәк олар ки, Сара Аллаһдан горхан гадын вә ҝөзәл һәјат јолдашы иди?
Аллаһ Ибраһимә Ур шәһәрини тәрк етмәји әмр едәндә бу, онлар үчүн габагда нә ҝөзләдијини билмәдән аиләләрини, достларыны вә өјрәшдикләри һәјат тәрзини ҝеридә гојмаг демәк иди. Бунунла белә, Сара Аллаһын ону хејир-дуаландыраҹағына иман етди вә бир сөзүнү ики етмәди. Сара ҝөзәл хүсусијјәтләр тәзаһүр етдирмәклә Ибраһимә һөрмәт бәсләдијини ҝөстәрди (јан.—март, сәһифә 8).
Нәјә ҝөрә Јеһова Ибраһимдән севимли оғлуну гурбан ҝәтирмәји хаһиш етди?
Биз унутмамалыјыг ки, Аллаһ Ибраһимә Исһагы гурбан ҝәтирмәјә гојмады. Бунунла Јеһова ҝөстәрди ки, ҝәләҹәкдә — Онун үчүн нә гәдәр ағыр олса да — Оғлу Исаны гурбан верәҹәк (јан.—март, сәһифә 18).
Нәдән бәллидир ки, биринҹи әсрдән бәри јер үзүндә һәмишә әсил мәсһ олунмуш мәсиһчиләр олуб?
Исанын буғда вә алаг оту мәсәлиндә «јахшы тохум» «падшаһлығын оғуллары»ны тәмсил едир (Мат. 13:24—30, 38). Алаг оту бичин вахтына гәдәр буғда илә бирҝә битәҹәкди. Беләликлә, кимләрин буғда синфиндән олдуғуну дәгиг дејә билмәсәк дә, та бизим ҝүнләрәдәк белә инсанлар вар иди (15.1, сәһифә 7).
Пахыллыг етмәк мејлимизин өһдәсиндән неҹә ҝәлә биләрик?
Бизә көмәк едә биләҹәк аддымлар бунлардыр: биз мәһәббәт вә гардашлыг севҝиси инкишаф етдирмәјә чалышмалы, Аллаһдан горхан инсанларла үнсијјәт етмәли, јахшылыг етмәли вә севинәнләрлә севинмәлијик (Ром. 12:15) (15.2, сәһифәләр 16, 17).
Мәсләһәт верәркән һансы принсипләри јадда сахламалыјыг?
Реал вәзијјәти ҝөрмәјә чалышмалыјыг. Тез-тәләсик ҹаваб вермәкдән гачмалыјыг. Тәвазөкарлыгла Аллаһын Кәламындакы мәсләһәтләри тәтбиг етмәлијик. Әҝәр мүмкүнсә, теократик китабханадан истифадә етмәлијик. Башгаларынын јеринә гәрар вермәкдән гачмалыјыг (15.3, сәһифәләр 7—9).