Инсан әбәди јашаја биләрми?

Бу мәгалә, ола билсин, сизи марагландыран суаллара тохунур вә онларын ҹавабыны Мүгәддәс Китабынызда тапмаға көмәк едир. Јеһованын Шаһидләри сизинлә бу суаллары мәмнунијјәтлә мүзакирә едәҹәкләр.

1. Нәјә ҝөрә өмүр бизә гыса ҝәлир?

Елә тысбағалар вар ки, 150 ил јашајыр, бәзи ағаҹларын өмрү 3000 илдир. Анҹаг онлардан фәргли олараг, инсан һәјаты олдугҹа гысадыр. Бунунла белә, биз тысбаға вә ја ағаҹла мүгајисәдә гат-гат мәналы өмүр сүрә биләрик. Јараданымыз Јеһова Аллаһ бизи мусигидән, идмандан, јемәк јемәкдән, өјрәнмәкдән, сәјаһәт етмәкдән вә јени достлуглар гурмагдан зөвг алмаг баҹарығы илә хәлг едиб. Аллаһ үрәјимизә әбәди јашамаг арзусуну гојуб. (Ваиз 3:11 ајәсини оху.)

2. Инсанын әбәди јашамасы мүмкүндүрмү?

Јеһова әбәдијјән вар олан Аллаһдыр. О, һәјат Мәнбәји олдуғу үчүн башгаларына да әбәди һәјат верә биләр (Мәзмур 36:9; Һабаггуг 1:12). Үстәлик, Аллаһ вәд едиб ки, Она итаәт едәнләрә әбәди һәјат бәхш едәҹәк вә артыг инсанлар гоҹалыға доғру јох, ҹаванлашмаға доғру ҝедәҹәкләр. (Әјјуб 33:24, 25; Јешаја 25:8; 33:24 ајәләрини оху.)

Иса пејғәмбәр өз мөһтәшәм ишләри илә сүбут етди ки, Аллаһын әбәди һәјат вә мүкәммәл сағламлыгла бағлы вердији вәд етибара лајигдир. О, хәстә инсанлары сағалдыр, һәтта өлүләри дирилдирди. (Лука 7:11—15, 18, 19, 22 ајәләрини оху.)

3. Инсанлар нә заман әбәди јашајаҹаглар?

Аллаһ истәјир ки, биз зүлм вә зоракылыгла долу дүнјада јох, Ҹәннәтә чеврилмиш јер үзүндә әбәди вә тәһлүкәсиз шәраитдә јашајаг (Мәзмур 37:9, 29; Јешаја 65:21, 22). Јер күрәси Ҹәннәтә чевриләндә милјонларла инсанлар дириләҹәк. Дириләнләрин арасындан Аллаһа итаәт вә ибадәт етмәји сечәнләр әбәди јашајаҹаглар. (Лука 23:42, 43; Јәһја 5:28, 29 ајәләрини оху.)

4. Әбәди һәјаты неҹә әлдә едә биләрик?

Әбәди һәјаты бизә јалныз Аллаһ верә биләр. Буна ҝөрә дә биз Јарадан һаггында өјрәнмәклә Она јахынлашмалыјыг. Мүгәддәс Китабда Аллаһ һаггында билик әлдә етмәк гидаланмаға бәнзәдилир (Матта 4:4). Јемәк јемәк бизә зөвг верир, лакин ону бишириб әрсәјә ҝәтирмәк үчүн зәһмәт чәкмәк лазымдыр. Ејнилә, руһани гида гәбул етмәк үчүн дә сәј тәләб олунур. Мәҝәр Аллаһа јахынлашмагдан вә әбәди һәјат мүкафатыны алмагдан даһа дәјәрли нә ола биләр? (Лука 13:23, 24; Јәһја 6:27; 17:3 ајәләрини оху.)

[23–ҹү сәһифәдәки шәкил]

Јеһованын Шаһидләри тәрәфиндән дәрҹ олунан «Мүгәддәс Китаб әслиндә нә өјрәдир?» китабынын 3-ҹү фәслинә бахын.

[23–ҹү сәһифәдәки шәкил]

Аллаһ һаггында өјрәнмәк үчүн сәј ҝөстәрмәјә дәјәр