ҮЗ ГАБЫҒЫНДА: МУСА ПЕЈҒӘМБӘРДӘН ИБРӘТ ҜӨТҮРӘК
Муса пејғәмбәр ким олуб?
Мусанын ады ҝәләндә хәјалынызда ким ҹанланыр?
Анасынын сәбәтә гојуб, Нил чајында ҝизләтдији көрпә оғлан ушағы?
Фирон гызынын Мисирин ҹаһ-ҹалалы ичиндә бөјүтдүјү, лакин һеч вахт исраилли олдуғуну унутмајан ҝәнҹ?
40 ил Мидјанда јашајыб, чобанлыг едән бир киши?
Јеһоваa Аллаһла јанар колун габағында данышан бәндә?
Дәфәләрлә Мисир падшаһынын һүзуруна ҝәләрәк исраиллиләри көләликдән азад етмәсини тәләб едән мәрд инсан?
Худавәндин әмри илә дикбаш фирону Мисирин үзәринә ҝәләҹәк он бәладан хәбәрдар едән елчи?
Исраиллиләри Мисирдән тәмтәрагла чыхаран шәхс?
Күлли-ихтијарын бујруғу илә Гырмызы дәнизи аралајан адам?
Аллаһын он әмрини исраиллиләрә чатдыран пејғәмбәр?
БҮТҮН бунлар Муса пејғәмбәрин һәјатында баш верән һадисәләрдән јалныз бир нечәсидир. Она ҝөрә дә Аллаһын бу садиг бәндәсинә мүсәлманларын, христианларын вә јәһудиләрин дәрин еһтирам бәсләмәси тәәҹҹүблү дејил!
Шәксиз, Муса «бөјүк вә зәһмли» әмәлләри олан пејғәмбәр олуб (Ганунун тәкрары 34:10—12). Аллаһ онун үзәриндә там ихтијар саһиби иди вә онун васитәсилә Өз мөҹүзәли ишләрини һәјат кечирирди. Һалбуки Муса пејғәмбәр башга пејғәмбәрләр кими ади бир инсан иди (Јагуб 5:17). Бизим кими, Муса да һәјатда чохлу чәтинликләрлә гаршылашырды, амма о, бунларын өһдәсиндән мәһарәтлә ҝәлди.
Буну неҹә етдијини билмәк истәјәрдинизми? Ҝәлин Муса пејғәмбәрин тәзаһүр етдирдији үч хүсусијјәтә нәзәр салаг вә ҝөрәк онун нүмунәсиндән һансы ибрәт дәрси ҝөтүрә биләрик.
a «Јеһова» Аллаһын Мүгәддәс Китабда ачыгланан адыдыр.