Инсан өз динини нә үчүн јохламалыдыр?

Тәсәввүр един ки, ағыр хәстәсиниз вә әмәлијјат олунмалысыныз. Тәбии ки, сизи әмәлијјат едәҹәк ҹәрраһа там етибар етмәк истәјәрдиниз, чүнки һәјатыныз онун әлиндә олаҹаг. Бу һалда јахшы олмаздымы ки, ҹәрраһын индијә гәдәр етдији әмәлијјатларла марагланасыныз?

Ејнилә дә, дининизи диггәтлә тәһлил етмәјиниз мүдрик һәрәкәт оларды. Әҝәр һансыса динә мәнсубсунузса, маһијјәт етибарилә, руһани һәјатыныз онун әлиндәдир вә сизин ҝәләҹәјиниз бундан асылыдыр.

Аллаһын Кәламында гојулан мејар бизә динә објектив јанашмаға көмәк едир. Орада дејилир: «Һәр ағаҹ ҝәтирдији мејвәсиндән танынар» (Лука 6:44). Сиз мүәјјән бир динә вә ја мәзһәбә нәзәр салдыгда онун ҝәтирдији бәһрәләр һагда нә дејә биләрсиниз? Һәмин динин башчылары пула һәддән артыг өнәм вермирләр ки? Динин үзвләри мүһарибә вә әхлагла бағлы Аллаһын Кәламында гојулан гајда-ганунлара ујғун јашајырлар? Үмумијјәтлә, һансыса дин етибарымыза лајигдирми? Биз сизә нөвбәти мәгаләләри охумағы тәклиф едирик.