Мүгәддәс јазылара аид суаллара ҹаваб

Иса Мәсиһ ҝәләҹәкдә нәләр едәҹәк?

Ерамызын 33-ҹү илиндә Иса пејғәмбәр едам едилди, дирилди вә ҝөјә гајытды. Хејли мүддәтдән сонра она тахт-таҹ верилди (Даниел 7:13, 14). Ҝәләҹәкдә Иса бир Падшаһ кими јер үзүндә сүлһү бәргәрар едәҹәк вә јохсуллуғу арадан ҝөтүрәҹәк. (Мәзмур 72:7, 8, 13 ајәләрини охујун.)

Бәшәријјәт үзәриндә падшаһлыг етмәк һүгугуну алан бир шәхс кими, Иса Мәсиһ мөһтәшәм ишләри һәјата кечирәҹәк. Аллаһын она вердији ҝүҹ сајәсиндә о, инсанлары камиллијә доғру апараҹаг. Онлар бир даһа гоҹалыб-өлмәјәҹәкләр вә јер үзүндә хошбәхт јашајаҹаглар. (Јәһја 5:26—29; 1 Коринфлиләрә 15:25, 26 ајәләрини охујун.)

Иса Мәсиһ һал-һазырда һансы ишлә мәшғулдур?

О, һал-һазырда һәгиги давамчыларынын һәјата кечирдији үмумдүнја тәблиғ ишинә рәһбәрлик едир. Онун давамчылары адамлара баш чәкир вә Аллаһын Падшаһлығынын ҝөрәҹәји ишләрдән данышырлар. Иса вәд етмишди ки, Аллаһын Падшаһлығы инсан һакимијјәтләринә сон гојана гәдәр о, өз давамчыларына дәстәк олаҹаг. (Матта 24:14; 28:19, 20 ајәләрини охујун.)

Әсил давамчыларындан ибарәт олан јығынҹаглар васитәсилә Иса инсанлара ән јахшы һәјат јолуну ҝөстәрир. О, бу пис системи дағыдыб јер үзүндә Аллаһын вәд етдији Ҹәннәти бәрпа едәнә гәдәр онлара рәһбәрлик едәҹәк. (2 Петер 3:7, 13; Вәһј 7:17 ајәләрини охујун.)