ҮЗ ГАБЫҒЫНДАКЫ МӨВЗУ | ТӨВРАТ, ЗӘБУР, ИНҸЫЛЫ ОХУМАҒА ДӘЈӘР?

Һамы үчүн Мүгәддәс Китаб дәрсләри

Һамы билир ки, Јеһованын Шаһидләри мүждәчилик иши илә мәшғулдурлар. Биз һәмчинин дүнјанын һәр јериндә инсанларла Мүгәддәс Китаб дәрсләри кечирик.

Бир кишијә иш јериндә Мүгәддәс Китаб дәрси кечирилир

2014-ҹү илдә 8 000 000-дан Јеһованын Шаһиди 240 өлкә вә әразидә һәр ај 9 500 000-ә јахын инсанла Мүгәддәс Китаб дәрсләри кечирибa. Мүгәддәс Китаб дәрсләри кечирдијимиз инсанларын сајы тәхминән 140 өлкәнин әһалисинин сајындан чохдур.

Бу дәрсләрин кечирилмәси үчүн Јеһованын Шаһидләри һәр ил тәхминән 700 дилдә милјард јарыма јахын Мүгәддәс Китаб, журналлар, мүхтәлиф китаблар вә диҝәр нәшрләр дәрҹ едирләр! Бу мисилсиз ишин сајәсиндә һәр кәс Аллаһын Кәламыны өз доғма дилиндә өјрәнир.

«Мәктәбдә охумағы һеч хошламырдым, амма бу дәрсләр чох мараглы кечирди. Үстәлик, өјрәндикләрим гәлбими охшајырды» (Катлего, Ҹәнуби Африка).

«Бу дәрсләрдә бүтүн суалларыма артыгламасы илә ҹаваб тапдым» (Берта, Мексика).

«Дәрсләр евимдә кечирилирди. Нә вахт ҝәләҹәкләрини өзүм тәјин едирдим. Адама бундан артыг нә лазымдыр?!» (Језекиел, Бразилија).

«Дәрсләр 15—30 дәгигә, һәрдән исә даһа чох чәкирди. Бир сөзлә, мәним истәјимдән асылы иди» (Винеана, Австралија).

«Дәрсләр пулсуз кечирилирди. Бу, әла иди!» (Еми, Бенин).

«Мәнимлә дәрс кечән баҹы чох сәбирли вә хејирхаһ иди. Биз һәтта достлашдыг да» (Карен, Шимали Ирландија).

«Мүгәддәс Китабы чохлары өјрәнир. Амма шәрт дејил ки, онлар Јеһованын Шаһиди олсунлар» (Дентон, Инҝилтәрә).

МҮГӘДДӘС КИТАБ ДӘРСЛӘРИ ҺАГДА ТЕЗ-ТЕЗ ВЕРИЛӘН СУАЛЛАРА ҸАВАБ

Дәрсләрын кечырылмә тәрзы

Биз мүхтәлиф мөвзулары ҝөтүрүб онлара даир ајәләри нәзәрдән кечиририк. Мисал үчүн, Аллаһын Кәламы бу кими суаллары ҹавабландырыр: Өлән инсанла нә баш верир? Өлүләр бизимлә даныша биләрми? Өлүләр үчүн һансы үмид вар? Әсас мәсәлә һансы ајәләрин бу суаллары ҹавабландырдығыны билмәкдир.

Бу суалларын ҹавабыны тапмаг үчүн биз адәтән, 32 сәһифәлик «Илаһи мүждә» китабчасындан истифадә едирик. Бу көмәкчи вәсаит хүсуси олараг инсанлара Аллаһын Кәламыны баша дүшмәјә јардым етмәк үчүн тәртиб олунуб. Бу китабчада Аллаһы даһа јахшы танымаг, аилә сәадәти, инсанларын чәкдији әзаб-әзијјәтләрин сәбәбләри, Аллаһа неҹә дуа етмәли олдуғумуз вә диҝәр мөвзулар барәдә дәрсләр вар.

Дәрсләр һарада вә нә вахт кечирилир?

Дәрсләр истәдијиниз вахт, истәдијиниз јердә кечирилир.

Дәрсләр нә гәдәр чәкир?

Дәрсләрә кимиси һәфтәдә бир саат, кимиси исә ҹәми-ҹүмләтаны 10—15 дәгигә ајырыр. Јәни дәрсин нә гәдәр чәкәҹәји сиздән асылыдыр.

Дәрсләрин гијмәти нечәјәдир?

Дәрс вә дәрсликләр пулсуздур. Чүнки Аллаһын Кәламында дејилир ки, «тәмәннасыз алмысыныз, тәмәннасыз да верин» (Мәтта 10:8).

Дәрсләрин мүддәти нә гәдәрдир?

Курс нә гәдәр истәсәниз, о гәдәр дә давам едәҹәк. «Илаһи мүждә» китабчасы 14 дәрсдән ибарәтдир. Орада олан мөвзуларын ја бәзисини, ја да һамысыны кечә биләрсиниз. Еләҹә дә бир дәфәјә нә гәдәр материал кечәҹәјинизи сиз өзүнүз гәрарлашдырырсыныз.

Јеһованын Шаһиди олмағым мүтләгдир?

Хејр. Бу, һәр кәсин өз ишидир. Биз һамынын сечиминә һөрмәтлә јанашырыг. Амма ону да дејә биләрик ки, әсаслы гәрар гәбул етмәк үчүн инсан ҝәрәк Мүгәддәс Китабдан мүәјјән билик алсын.

Әтрафлы мәлуматы һарадан ала биләрәм?

Јеһованын Шаһидләринин фәалијјәти вә дини етигадлары барәдә дәгиг мәлуматы jw.org сајтындан өјрәнмәк олар.

Мүгәддәс Китабы өјрәнмәк үчүн һара мүраҹиәт едә биләрәм?

Мүраҹиәтинизи www.jw.org/az-cyrl сајты васитәсилә бизә ҝөндәрин.
Бу журналын 2-ҹи сәһифәсиндәки үнванларын биринә јазын.
Әразиниздә јашајан Јеһованын Шаһидләринин биринә мүраҹиәт един.

a Мүгәддәс Китаб дәрсләри фәрди вә ја груп шәклиндә кечирилир.

АИЛӘЛӘРӘ КӨМӘК

«Арвадым Јеһованын Шаһидләри илә Мүгәддәс Китаб дәрсләринә башлајандан бәри чох дәјишиб. Аиләмиз меһрибан олуб. Буна ҝөрә дә мәнә мараглы иди, ҝөрәсән, о, нә өјрәнир белә? Беләҹә, мән дә өјрәнмәјә башладым. Бу дәрсләр мәнә јахшы инсан олмағы өјрәтди. Мүгәддәс Китабы өјрәнмәк аилә бағларымызы хејли мөһкәмләндирди» (Језекиел).

«Мүгәддәс Китабы өјрәнмәјә башлајанда ичкинин вә наркотикин дашыны атдым, һирсими ҹиловламағы өјрәндим. Инди евими тәр-тәмиз, ҝүл кими сахлајырам. Аиләмин дә гәдрини билмәјә башламышам. Онлары хошбәхт етмәк мәни дә хошбәхт едир» (Карен).

«Мүгәддәс Китабы өјрәндијим үчүн бәзиләри мәни ҝөзүмчыхдыја салмаға башлады. Амма әрим мәним тәрәфими тутурду. О дејирди: “Башгаларынын фикри мәни марагландырмыр. Јахшылыға доғру дәјишдијин ҝөз габағындадыр. Мәнә дә әсас бу лазымдыр! Ишиндә ол!” Индијә кими аиләмиз бу гәдәр хошбәхт олмамышды!» (Винеана).