«Бу, алдығым ән јахшы һәдијјәдир»

Бу сөзләри 13 јашлы гыз она ит һәдијјә олунанда дејиб. Бир гадын дејир ки, орта мәктәбдә охујанда атасынын һәдијјә етдији компүтер онун ҝәләҹәкдә уғурлу карјера гурмасында ваҹиб рол ојнамышды. Тәзә аилә гуран бир киши исә арвадынын дүзәлтдији илк илдөнүмү ачыгҹасыны ән ҝөзәл һәдијјә һесаб едир.

Инсанлар хүсуси ҝүнләрдә достларына вә доғмаларына ән јахшы һәдијјәни сечмәк үчүн һәр ил хејли вахт сәрф едирләр. Сөзсүз ки, онларын әксәријјәти һәдијјәни верәркән «бу, алдығым ән јахшы һәдијјәдир» сөзләрини ешитмәк истәјәрди. Бәс сиз неҹә? Истәјәрдинизми, вердијиниз һәдијјә, һәгигәтән дә, бәјәнилсин?

Ким истәмәз?! Ахы һәдијјә тәкҹә ону алана јох, һәм дә верәнә севинҹ бәхш едир. Аллаһын Кәламында да јазылыб ки, «вермәк алмагдан даһа чох хошбәхтлик ҝәтирир» (Һәвариләрин ишләри 20:35). Вердијимиз һәдијјәнин бәјәнилдијини ҝөрмәк севинҹимизә севинҹ гатыр.

Нә едә биләрик ки, һәдијјә һәм бизә, һәм дә вердијимиз шәхсә хош олсун? Бәс, әҝәр инсана ән јахшы һесаб етдијимиз һәдијјәни верә билмириксә, бу заман нә едә биләрик?