Суаллар гутусу

◼ Хидмәти көмәкчиләр мүәјјән шәраитләрдә башга јығынҹагларда ачыг мә’рузә илә чыхыш едә биләрләрми?

Мүгәддәс Јазыларда дејилир ки, јығынҹагда «тә’лим» вермәк мәс’улијјәтини ағсаггаллар дашыјыр (1 Тим. 5:17; 3:2). Имкан дахилиндә ачыг мә’рузәләрлә онлар чыхыш етмәлидирләр. Әҝәр чыхыш етмәк үчүн јығынҹагларын бириндән диҝәринә натигләр ҝөндәрилән һалларда белә ағсаггаллар чатмырса, онда ағсаггаллар шурасы өз јығынҹагларында ачыг мә’рузәләрлә чыхыш етмәји мүәјјән хидмәти көмәкчиләрә тапшыра биләр.

Ади һалларда башга јығынҹагларда мә’рузәләрлә јалныз ағсаггаллар чыхыш едә биләр. Лакин ачыг ҝөрүшләр мүнтәзәм сурәтдә кечирилмәлидир. Буна ҝөрә дә, ағсаггалларын һәгигәтән дә чатышмадығы јерләрдә јығынҹаг хаһиш едә биләр ки, гоншу јығынҹагдан хидмәти көмәкчи ҝәлиб мә’рузә илә чыхыш етсин. Сәдрлик едән нәзарәтчи белә бир хаһиш алыбса вә јығынҹағын ағсаггаллар шурасы һәмин хидмәти көмәкчини башга јығынҹагларда чыхыш етмәк үчүн натиг кими төвсијә едибсә, онда һәмин гардаш сорғуну едән јығынҹагда мә’рузә илә чыхыш едә биләр. Лакин белә бир сорғу олмадан башга јығынҹагларда мә’рузә илә јалныз ағсаггаллар чыхыш едә биләр. Бә’зән натиг тапмаг мүмкүн олмајан әразиләрдә јығынҹаглара мәсләһәт ҝөрүлүр ки, баҹы-гардашларын Мүгәддәс Китаб ајәләрини ачыб мүзакирә етмәләри үчүн садиг вә ағыллы гулун тәгдим етдији материалын әтрафлы нитг планыны охусунлар. Беләликлә, һәтта натигләрин чатышмадығы јерләрдә белә ачыг ҝөрүшләрдә тәгдим олунан руһани гиданы һамы ала биләҹәк.