Хатирә Ҝеҹәси илә әлагәдар хатырлатма

Хатирә Ҝеҹәсинин гејд едилмәси бу ил мартын 28–нә, ҹүмә ахшамына дүшүр. Ағсаггаллар ашағыдакы мәсәләләрә диггәт јетирмәлидирләр:

◼ Ҝөрүш вахтыны тә’јин едәркән әмин олун ки, символлар ҝүнәш батмаздан габаг верилмәјәҹәк.

◼ Һамыны, о ҹүмләдән мә’рузәчини, Ҝеҹәнин кечириләҹәји дәгиг јер вә вахт һаггында хәбәрдар етмәк лазымдыр.

◼ Бу мәрасим үчүн мүнасиб чөрәк вә шәрабы әлдә едиб, һазырламаг лазымдыр. (“Ҝөзәтчи Гүлләси”нин 1985–ҹи ил, 15 феврал сајына, сәһ. 17–јә бахын, рус.)

◼ Зала әввәлҹәдән мүнасиб стол ҝәтирмәк, үстүнә сүфрә салыб бошгаблар вә гәдәһләр дүзмәк лазымдыр.

◼ Бу ҝөрүшүн кечириләҹәји Падшаһлыг Залыны вә ја диҝәр јери әввәлҹәдән јахшы јығышдырмаг лазымдыр.

◼ Хидмәтчи гардашлары вә символлары верәҹәк кәсләри тә’јин етмәк вә ҝөрүшүн неҹә кечәҹәјини, һәмчинин онларын вәзифәләринин нәдән ибарәт олдуғуну габагҹадан изаһ етмәк лазымдыр. Бундан әлавә, лајигли ҝејимин вә хариҹи ҝөрүнүшүн ваҹиблијини дә вурғуламаг лазымдыр.

◼ Гајғы ҝөстәрмәк лазымдыр ки, зәиф сағламлыглары үҹбатындан бајрамда иштирак едә билмәјән мәсһ едилмиш мәсиһчиләрә гуллуг ҝөстәрилсин.

◼ Әҝәр ејни Падшаһлыг Залындан бир нечә јығынҹаг истифадә етмәк истәјирсә, онда онлар тәдбир ҝөрмәлидирләр ки, адамлар дәһлиздә, ҝиришдә вә пилләкәндә топлашмасынлар, автомобил дајанаҹагда гарышыглыг олмасын.