Јеһованы иззәләндирмәкдә инсанлара көмәк едәк
1 Бүтүн јер үзүнүн инсанларына ваҹиб хәбәр чатдырылыр: “Аллаһдан горхун! Она иззәт верин! Чүнки Онун һөкмүнүн вахты ҝәлди. Ҝөјү, јери, дәнизи вә су булагларыны Јарадана сәҹдә един!” (Вәһј 14:6, 7). Бу хәбәрин бәјан едилмәсиндә иштирак етмәк шәрәфинә лајиг ҝөрүлмүшүк. Јеһовадан горхмаг вә Она ибадәт етмәк үчүн инсанлар Онун һаггында нәји билмәлидирләр?
2 Онун ады. Бу ҝүн халгларын ибадәт етдикләри бир чох сахта танрылардан фәргләндирмәк үчүн, инсанлар јеҝанә һәгиги Аллаһын адыны чәкмәк имканына малик олмалыдырлар (Тәс. 4:35; 1 Кор. 8:5, 6). Әслиндә, Мүгәддәс Китабы јазанлар Јеһованын иззәтли адыны 7 000 дәфәдән артыг истифадә етмишләр. Аллаһын адыны башгаларына лајигинҹә танытмаг үчүн фәрасәтли шәкилдә вахт сечмәли олсаг да, бу ады һеч заман ҝизләтмәли вә ја ону истифадә етмәкдән гачынмалы дејилик. Аллаһ истәјир ки, Онун адыны бүтүн инсанлар билсинләр (Мәз. 83:18, ЈД).
3 Онун шәхсијјәти. Јеһованы иззәтләндирмәк үчүн, инсанлар Онун неҹә Аллаһ олдуғуну билмәлидирләр. Биз онлара Аллаһын үстүн мәһәббәтини, мүдриклијини, мүкәммәл әдаләтини, гүдрәтли ҝүҹүнү, һәмчинин мәрһәмәтини, лүтфкарлығыны вә башга ҝөзәл хүсусијјәтләрини танытмалыјыг (Чых. 34:6, 7). Инсанлар һәмчинин фајдалы олан Аллаһ горхусуну, Она еһтирам бәсләмәји өјрәнмәли вә һәјатларынын Јеһованын лүтфүндән асылы олдуғуну дәрк етмәлидирләр (Мәз. 89:7).
4 Аллаһа јахынлашмағын үсулу. Јахын вахтларда, Аллаһ мүһакимә едән заман хилас олмаг үчүн инсанлар Јеһованын адыны иманла чағырмалыдырлар (Ром. 10:13, 14; 2 Салон. 1:8). Бунун үчүн Аллаһын адыны вә хүсусијјәтләрини билмәк кифајәт етмир. Буна ҝөрә дә, Јеһова илә сых мүнасибәтләр инкишаф етдирмәкдә вә бүтүн үрәкләри илә Она ҝүвәнмәкдә инсанлара көмәк етмәлијик (Сүл. мәс. 3:5, 6). Онлар өјрәндикләрини тәтбиг етсәләр, сәмими дуа илә Аллаһа үз тутсалар вә һәјатларында Онун јардымыны һисс етсәләр, иманлары бөјүјәрәк, Јеһоваја јахынлашмагда онлара көмәк едәҹәк (Мәз. 34:8).
5 Ҝәлин, Аллаһын адыны сә’јлә бәјан едәк, һәмчинин Аллаһа ҝүвәнмәкдә вә Ондан горхмагда инсанлара көмәк едәк. Бу ҹүр давранараг, Јеһованы танымагда вә Ону ‘гуртулуш Аллаһы’ кими иззәтләндирмәкдә чох инсанлара көмәк етмиш оларыг (Мәз. 25:5).