‘Бош шејләрә’ вахт итирмәјин
1 Бу ҝүн ҝениш јајылмыш әлагә васитәләриндән бири електрон почтудур. Електрон почту васитәсилә аиләниз вә достларынызла фикирләринизи вә ја баш верән һадисәләри бөлүшмәкдә пис бир шеј олмаса да, бу рабитә васитәсинин мәһдудијјәтсиз истифадә олунмасы ‘бош шејләрә’ итирилмиш вахтла әлагәли ола биләр (Сүл. мәс. 12:11, МКШ).
2 Електрон почтуна даир хәбәрдарлыг. Бә’зиләри дејирләр ки, онларын фикринҹә, електрон почту васитәсилә јени мә’луматлар әлдә етдикдә өзләрини Јеһованын тәшкилатына даһа јахын һисс едирләр. Бураја мүхтәлиф һадисәләрин тәсвири, Бејт-Елдә баш верән һадисәләр һаггындакы гејдләр, тәбии фәлакәтләр вә ја тә’гибләр һаггындакы, ја да Падшаһлыг Хидмәти мәктәбиндә тәгдим олунан мәхфи мә’луматлар дахил ола биләр. Ҝөрүнүр ки, диҝәрләри, достларынын јениликләри мәһз онлардан өјрәнмәләрини арзулајараг, бу ҹүр мә’луматлары јајмаға һәддиндән артыг алүдә олмушлар.
3 Бә’зән мә’луматлар вә һадисәләрин тәсвири тәһриф едилмиш вә ја һәддиндән артыг шиширдилмишдир. Ја да ки, инсанын башгаларыны тәәҹҹүбләндирмәк ҹәһдинә ҝөрә мә’лумат сахта тәәссүрат јаратмышдыр. Тәләсик олараг мә’лумат өтүрән кәсләр, чох вахт бүтүн фактлары билмирләр (Сүл. мәс. 29:20). Бә’зән ағлаҝәлмәјән бир һадисә, мараглы мә’лумат кими верилир. Бу ҹүр јанлыш вә ја алдадыҹы мә’луматлар Аллаһа сых бағлылыға сәбәб олмајан “әфсанәләрә” бәрабәрдир (1 Тим. 4:6, 7).
4 Әҝәр дәгиг олмајан мә’лумат јоллајырсанса, бу мә’луматын сәбәб ола биләҹәји кәдәрә вә гарышыглыға ҝөрә мәс’улијјәт дашыјырсан. Давуда, ҝуја оғулларынын һамысынын өлдүрүлмәси барәдә шиширдилмиш мә’лумат чатанда, о кәдәр ичиндә “ҝејимини јыртды”. Әслиндә исә онун оғулларындан јалныз бири өлмүшдү. Елә бунун өзү артыг бөјүк кәдәрә сәбәб олса да, шиширтмә Давудун кәдәрини даһа да артырды (2 Сам. 13:30-33). Әлбәттә, биз елә давранмаг истәмәздик ки, һансыса иш гардашларымыздан бирини аздырсын вә ја руһдан салсын.
5 Аллаһын тә’јин етдији канал. Јадда сахламаг лазымдыр ки, сәмави Атамыз, әлагә каналы тимсалында “садиг вә ағыллы гулу” истифадә едир. Бу “гула” һәм бүтүн гардашлыға һансы мә’луматы верәҹәји, һәм дә бу мә’луматы нә вахт верәҹәји үзәриндә дә сәлаһијјәт верилмишдир. Руһани гида јалныз теократик тәшкилат тәрәфиндән пајланыр. Е’тибарлы мә’лумат үчүн биз Интернет хәттинин истифадәчиләринә јох, һәмишә Аллаһ тәрәфиндән тә’јин едилмиш канала мүраҹиәт етмәлијик (Мат. 24:45).
6 Интернетдә Wеб-сајтлар. Бизим рәсми Wеб-сајтымыз вар: www.wатҹһтоwер.орг. Инсанлара лазыми мә’луматы чатдырмаг үчүн, бу, бәс едир. Нә фәрди шәхсләрин, нә комитәләрин, нә дә јығынҹагларын Јеһованын Шаһидләри һагда Wеб-сәһифәләр јаратмасына еһтијаҹ дујулмур. Бә’зиләри бизим нәшрләрин мөвзуларыны вә бу мөвзуларда олан бүтүн Мүгәддәс Китаб ајәләрини вә онлара верилән әлавәләри Интернетдә јерләшдирмиш, һәтта көнүллү ианә мүгабилиндә вилајәт конгресләринин материалларыны тәклиф етмишләр. Мәнфәәт ҝүдүлүб-ҝүдүлмәдијиндән асылы олмајараг, Ҝөзәтчи Гүлләси нәшрләрини јенидән истеһсал етмәк вә електрон сәнәдләр формасында јајмаг, мүәллифлик һүгуглары барәдәки гануну позмагдыр. Ким исә бу иши гардашлара гуллуг сајса да, бу иш бәјәнилмир вә буна сон гојулмалыдыр.
7 Електрон әлагә васитәләриндән истифадә едилмәсиндә сағлам дүшүнҹә вә дәрракә әкс етдирәрәк, ағлымызы “дәјәрли, јахшы шејләрлә” долдура биләрик (Сүл. мәс. 24:4, МКШ).