Јеһова бөјүкдүр вә чох һәмдә лајигдир
Рәббин Хатирә Ҝеҹәси апрелин 16-да гејд олунаҹаг
1 2003-ҹү ил апрел ајынын 16-сы јахынлашыр. Һәмин ҝүнүн ахшамы бүтүн јер үзүндә Јеһованын адына иззәт ҝәтирән милјонларла гардашларымызла бирликдә Исанын өлүм ҝүнүнү гејд едәҹәјик. Јеһова, уғрумузда вердији баһалы фидијә үчүн, бизим һәмдимизә лајигдир. О, фидијә васитәсилә итаәткар инсанларын һамысына мө’ҹүзәли хејир-дуалар верир. Мәзмурчунун бу сөзләри илә үрәкдән нида етмәјә һазырыг: “Рәбб бөјүкдүр вә чох һәмдә лајигдир” (Мәз. 145:3).
2 Хатирә Ҝеҹәси дөврү Јеһованын хејирхаһлығынын үзәриндә дүшүнмәк вә Оғлуну ҝөндәрдији үчүн, Она миннәтдарлығымызы билдирмәк вахтыдыр. Чүнки Јеһова “Өз јеҝанә Оғлуну дүнјаја ҝөндәрди ки, биз Онун васитәсилә һәјат алаг” (1 Јәһ. 4:9, 10). Рәббин Хатирә Ҝеҹәсини гејд етмәк тапшырығыны јеринә јетирмәклә ‘Рәббин мәрһәмәтли вә рәһмли... вә инајәтинин бөјүк’ олдуғуну анлајырыг (Мәз. 145:8). Һәгигәтән дә фидијә — Јеһованын бәшәријјәтә олан мәһәббәтинин ән бөјүк тәзаһүрүдүр (Јәһ. 3:16). Јеһованын мәһәббәтинин әсл ҝүҹүнү дәрк едәндә вә Исанын өз нөгсансызлығыны сәдагәтлә горумасынын үзәриндә дүшүнәндә Јеһоваја һәмд етмәк арзумуз даһа да ҝүҹләнир. Бизә әбәди јашамаг имканы вермәкдә тәзаһүр етдирдији мәһәббәтинә ҝөрә Аллаһа әбәдијјәт боју һәмд едәҹәјик (Мәз. 145:1, 2).
3 Јеһоваја һәмд етмәкдә башгаларына көмәк ет. Јеһованын тәгдим етдији фидијә ән’амына ҝөрә олан миннәтдарлығымыз бизи тәшвиг едир ки, бизимлә бирликдә Она һәмд етмәк үчүн башгаларыны да дә’вәт едәк. Мәзмурчу илһамланараг бу сөзләри јазмышдыр: “Бөјүк јахшылығынын анылмасыны е’лан едәҹәкләр вә әдаләтини тәрәннүм едәҹәкләр” (Мәз. 145:7). Тәкҹә кечән ил, Јеһованын Шаһидләри бүтүн дүнјада тәблиғ ишинә милјард саатдан артыг вахт сәрф етмишләр. Нәтиҹәләр һагда нә демәк олар? Јеһоваја һәср олунмаларына әламәт олараг, һәр һәфтә 5 100-дән артыг адам вәфтиз олунмушдур. Хатирә Ҝеҹәсиндә 15 597 746 адам иштирак етмишдир. Онлардан 9 милјону Јеһоваја хош хәбәрин тәблиғчиләри кими һәмд етмир. Демәли, ҝәләҹәк артым үчүн бөјүк потенсиал вар! Биз, Падшаһлығын тәблиғчиләри кими хош хәбәрин тәблиғ ишини вә башга инсанларын үрәкләрини Јеһоваја, Онун Оғлуна вә Падшаһлыға тәрәф јөнәлтмәк шәрәфини гијмәтләндиририк.
4 Башгаларыны Јеһоваја иззәт вермәјә тәшвиг етмәјин ән ҝөзәл үсулу, онлары бизимлә бирликдә Рәббин Хатирә Ҝеҹәсини гејд етмәјә дә’вәт етмәкдир. Дә’вәт етмәк, һәмчинин ола биләр ки, ҝүнү вә сааты хатырлатмаг истәдијин шәхсләрин сијаһысыны тутмусанмы? Адлары сијаһыда оланларын һамысына дә’вәтнамә пајламысанмы? Әҝәр етмәмисәнсә, буну инди, һәлә вахт вар икән етмәјә чалыш. Бајрамын дәјәрини онлара баша сал. Бајрам ҝүнү гонаглара јахынлашмаға, онлары меһрибанлыгла саламламаға, баҹы-гардашларла таныш етмәјә вә мәрасимә ҝәлдикләри үчүн тә’рифләмәјә һазыр ол.
5 Ҝеҹәдә иштирак етмәк, јени ҝәләнләри руһән инкишаф етмәјә тәшвиг едә биләр. Мүгәддәс Китабы өјрәнән бир нәфәр зәдәләнмәдән сонракы стрессдән әзијјәт чәкдији үчүн, инсанлар арасына чыхмаға утаныр. Буна бахмајараг, о, Хатирә Ҝеҹәсинә ҝәлмишдир. Гардашлар онун фикри илә мараглананда, о деди: “Бу хүсуси ҝеҹәдир вә мән ҝәлмәјә билмәздим”. О, һәмин вахтдан ҝөрүшләрә ҝәлмәјә башлады.
6 Хатирә Ҝеҹәсиндән сонра. Марагланан инсанларын, Јеһоваја һәмд етмәкдә бизә гошулмаларына неҹә көмәк етмәк олар? Ағсаггаллар Хатирә Ҝеҹәсинә илк дәфә ҝәлән инсанларла таныш олаҹаг вә баҹарыглы тәблиғчиләрдән хаһиш едәҹәкләр ки, бу ҝөрүшдән тезликлә сонра һәмин инсанларла ҝөрүшүб, онларын ҝөрдүкләрини, һәмчинин өјрәндикләрини бирликдә мүзакирә етсинләр. Еһтимал ки, онлардан бә’зиләри Мүгәддәс Китабы өјрәнмәк истәјәҹәкләр. Марагланан инсанлары һәр һәфтә кечирилән ҝөрүшләрә дә дә’вәт етмәк лазымдыр, чүнки бу ҝөрүшләрдә мүнтәзәм иштирак етмәклә онлар Мүгәддәс Китабын тә’лимләрини даһа јахшы биләҹәкләр.
7 Һал-һазырда, гејри-фәал тәблиғчиләри мүнтәзәм олараг ҝөрүшләрә ҝәлмәјә тәшвиг етмәк үчүн хүсуси јардым програмы фәалијјәт ҝөстәрир. Ағсаггаллар сәндән, хидмәтдә фәалијјәтини бәрпа етмәкдә гејри-фәаллардан биринә көмәк ҝөстәрмәји хаһиш етсәләр, көмәк әлини узатмаға һазыр ол. Гардашларын гајғысына галмаг, һәвари Павелин чағырышына мүвафиг ҝәлир. О демишдир: “Нә гәдәр фүрсәтимиз варса, һамыја, хүсусән иманлылар аиләсинә јахшылыг едәк” (Галат. 6:10).
8 Ҝәлин, 2003-ҹү ил апрелин 16-да кечириләҹәк Хатирә Ҝеҹәсиндә олмаг үчүн әлимиздән ҝәләни едәк. Јеһоваја һәмд етмәк кими ҝөзәл имканы әлдән бурахмаг истәмәздик. Беләликлә, ҝәлин инди вә әбәди олараг бөјүк ишләринә ҝөрә Јеһоваја һәмд едәк! (Мәз. 145:21).