“Үрәјинизи ҝенишләндирин”
1. Һәр биримизин һансы мәс’улијјәти вар?
1 Һәр бир мәсиһчи баҹы-гардашлара гаршы меһрибан вә сәмими һиссләр инкишаф етдирмәк мәс’улијјәти дашыјыр (1 Пет. 1:22; 2:17). Буну онлара гаршы нәҹиб һиссләримизи ‘ҝенишләндирмәклә’ едә биләрик (2 Кор. 6:12, 13, И–93). Һәмиманлыларымызы јахындан танымаг нәјә ҝөрә ваҹибдир?
2. Һәмиманлыларымызла достлуг мүнасибәтләри инкишаф етдирмәк нә үчүн ваҹибдир?
2 Достлуг мөһкәмләнир. Баҹы-гардашларымызы јахындан таныдыгҹа, биз онлары ҝөстәрдикләри иман, тәһәммүл вә диҝәр ҝөзәл хүсусијјәтләринә ҝөрә даһа чох гијмәтләндирмәјә башлајырыг. Онларын сәһвләри бизим үчүн әһәмијјәтсиз ҝөрүнүр вә достлуг телләри мөһкәмләнир. Баҹы-гардашларымызла јахшы таныш олдугда, бир-биримизи инкишаф етдирмәк вә бир-биримизә тәсәлли вермәк асан олур (1 Салон. 5:11). Шејтан дүнјасынын зәрәрли тә’сиринә гаршы дурмагда биз бир-биримизә ‘тәсәлли верә’, јә’ни дајаг ола биләрик (Колос. 4:11). Јашадығымыз ағыр сон ҝүнләрдә Јеһованын халгы арасында јахшы достлара малик олмаг неҹә дә ҝөзәлдир! (Сүл. мәс. 18:24).
3. Башгалары үчүн тәсәлли, јә’ни дајаг олмаг үчүн нә едә биләрик?
3 Ҹидди сынагларла гаршылашдығымыз заман јахын достлар хүсуси ҝүҹ вә тәсәлли мәнбәји ола биләрләр (Сүл. мәс. 17:17). Ҝәрәксизлик һиссләри илә мүбаризә апаран бир мәсиһчи гадын хатырлајыр: “Достларым мәнә дәстәк олурдулар, мәним һаггымда мүсбәт шејләр данышараг, мәнфи фикирләри башымдан атмаға көмәк едирдиләр”. Белә достлар Јеһованын хејир-дуасыдыр (Сүл. мәс. 27:9).
4. Јығынҹагдакы баҹы-гардашларла даһа јахшы неҹә таныш ола биләрик?
4 Башгаларына мараг ҝөстәр. Һәмиманлыларымыза гаршы нәҹиб һиссләримизи неҹә ҝенишләндирә биләрик? Мәсиһчи ҝөрүшләриндә баҹы-гардашларла садәҹә саламлашмагла кифајәтләнмә, һәмчинин онларла фајдалы фикирләри бөлүшмәјә чалыш. Онларын ишләри илә мараглан, анҹаг ејни заманда да шәхси һәјатларына гарышма (Филип. 2:4; 1 Пет. 4:15). Баҹы-гардашларла таныш олмағын даһа бир үсулу — онлары гонаг дә’вәт етмәкдир (Лука 14:12-14). Јахуд онларла хидмәтә даныша биләрсән (Лука 10:1). Әҝәр биз тәшәббүс ҝөстәрир вә башгалары илә јахындан таныш олмаға чалышырыгса, јығынҹағын бирлијинә көмәк етмиш олуруг (Колос. 3:14).
5. Достлуг әлагәләрини неҹә ҝенишләндирә биләрик?
5 Биз јалныз өз јашыдларымызла, јахуд бизимлә һәмфикир олан кәсләрлә достлуг етмәјә мејлли дејиликми? Ҝәлин, бу кими амилләрин јығынҹагда өзүмүзә достлар газанмағымыза мане олмасына јол вермәјәк. Давуд вә Јонатан, Рут вә Наоми араларындакы јаш вә мәншә фәргинә бахмајараг, мөһкәм достлуг телләри илә бағлы идиләр (Рут 4:15; 1 Сам. 18:1). Сән өз достлуг әлагәләрини ҝенишләндирә биләрсәнми? Ола биләр ки, бу сәнә чохлу ҝөзләнилмәз хејир-дуалар ҝәтирсин.
6. Гардашларымыза гаршы нәҹиб һиссләримизи ҝенишләндирмәк нәјә ҝөрә фајдалыдыр?
6 Башгаларына гаршы нәҹиб һиссләримизи ҝенишләндирдикҹә, биз бир-биримизи мөһкәмләндирир вә јығынҹагдакы сүлһә көмәк едирик. Бундан башга, гардашларымыза ҝөстәрдијимиз мәһәббәтә ҝөрә Јеһованын Өзү бизә хејир-дуа верир (Мәз. 41:1, 2; Ибр. 6:10). Нәјә ҝөрә мүмкүн гәдәр чохлары илә даһа јахшы таныш олмағы гаршымыза мәгсәд гојмајаг?