Мүгәддәс Китабы өјрәнәнләрә руһән бөјүмәкдә көмәк едирик. ЫЫ һиссә.
Өјрәнмәјә һазырлыг.
1 Баҹарыгла Мүгәддәс Китаб өјрәнмәси кечирмәк өзүнә тәк материалын мүзакирәсини вә ҝәтирилән Мүгәддәс Китаб ајәләринин ачыб охунулмасыны дахил етмир. Мә’луматы елә тәгдим етмәлијик ки, өјрәнәнин үрәјинә јол ачсын. Бунун үчүн исә, јахшы һазырлашмаг вә өјрәнәнләрин һәр биринә хүсуси јанашмаг тәләб олунур (Сүл. мәс. 15:28).
2 Һазырлыға дахил олан аддымлар. Әввәлҹә һәмин адам һаггында вә она неҹә көмәк едә биләҹәјин барәдә Јеһоваја дуа ет. Јеһовадан хаһиш ет ки, өјрәнәнин үрәјинә јол тапмагда сәнә көмәк етсин (Колос. 1:9, 10). Мөвзуну ајдын баша дүшмәк үчүн фәслин вә ја дәрсин башлығы үзәриндә, һәмчинин јарымсәрлөвһәләрин вә шәкилләрин үзәриндә дүшүн. Өзүндән соруш: “Материалын мәгсәди нәдир?” Бу өјрәнмә заманы әсас фикирләри вурғуламагда сәнә көмәк едәҹәк.
3 Материалы абзас-абзас диггәтлә тәһлил ет. Чап едилмиш суалларын ҹавабыны тап вә јалныз әсас сөз вә ја ифадәләри гејд ет. Ҝәтирилән ајәләрин абзасдакы әсас фикрә һансы аидијјаты олдуғунун үзәриндә дүшүн вә өјрәнмә заманы онлардан һансыны охумаг лазым ҝәлдијини мүәјјән ет. Лазым гәләрсә, өјрәнилән нәшрин вәрәгләринин кәнарында гыса гејдләр едә биләрсән. Өјрәнән ајдын ҝөрмәлидир ки, һәмин материал Аллаһын Кәламына әсасланыр (1 Салон. 2:13).
4 Өјрәнәнин тәләбатларыны нәзәрә алмаг. Сонра өјрәнәнин тәләбатларыны нәзәрә алараг мәтни нәзәрдән кечир. Онун һансы суаллары јарана биләҹәјини вә она нәјин чәтин ола биләҹәјини вә ја нә илә разылашмагда чәтинлик чәкә биләҹәјини габагҹадан ҝөрмәјә чалыш. Өзүндән соруш: “Руһән бөјүмәк үчүн о нәји дәрк етмәлидир вә ја нәјин үзәриндә ишләмәлидир? Мән онун үрәјинә неҹә јол тапа биләрәм?” Чыхардығын нәтиҹәләри практикада тәтбиг ет. Өјрәнән адама мүәјјән фикри вә ја ајәни анламагда көмәк етмәк үчүн бә’зән әјани мисал, јахшы изаһат, ја да бир нечә суал һазырламаг тәләб олунаҹаг (Неһ. 8:8). Ејни заманда чалыш ки, өјрәнилән дәрсә мөвзунун ачылмасында аз рол ојнајан мә’луматы әлавә етмәјәсән. Өјрәнмәнин сонунда едилән гыса тәкрар өјрәнән адама әсас фикирләри јадда сахламаға көмәк едәҹәк.
5 Јени шаҝирдләр Јеһованын иззәти үчүн салеһлик сәмәрәләри ҝәтирәндә неҹә дә севиндириҹидир! (Филип. 1:11). Онлара бу ишдә көмәк етмәк үчүн һәр Мүгәддәс Китаб өјрәнмәсинә јахшы һазырлаш.