Сәнин көмәјинә еһтијаҹ вар
1 “Бизим һәр биримиз үчүн етдијиниз һәр шејә ҝөрә чох сағ олун. Сизин хидмәтиниз һәгигәтән дә чох дәјәрлидир”. Бу сөзләр мәсиһчи ағсаггаллара вә хидмәти көмәкчиләрә бәсләдијимиз миннәтдарлыг һиссини чох ҝөзәл ифадә едир. Аллаһын тәшкилаты инкишаф етмәјә давам едир вә һал-һазырда бүтүн дүнјада олан тәхминән 100 000-ә јахын јығынҹаға гајғы ҝөстәрмәк үчүн руһән јеткин гардашлара даим тәләбат вар. Әҝәр сән вәфтиз олунмуш гардашсанса, онда сәнин дә көмәјинә еһтијаҹ вар.
2 Сә’ј ҝөстәр. Әлавә теократик мәс’улијјәтләр алмаға наил олмаг үчүн сән неҹә сә’ј ҝөстәрә биләрсән? (1 Тим. 3:1). Әсас е’тибарилә һәјатынын бүтүн саһәләриндә јахшы нүмунә ҝөстәрмәклә (1 Тим. 4:12; Тит. 2:6-8; 1 Пет. 5:3). Тәблиғ хидмәтиндә фәал ол вә бу ишдә башгаларына да көмәк ет (2 Тим. 4:5). Баҹы-гардашларын рифаһына сәмими мараг ҝөстәр (Ром. 12:13). Мүгәддәс Китабы диггәтлә тәдгиг ет вә өјрәтмәк мәһарәтини инкишаф етдир (Тит. 1:9; 1 Тим. 4:13). Ағсаггалларын сәнә һәвалә етдикләри тапшырыглары чалышганлыгла јеринә јетир (1 Тим. 3:10). Әҝәр сән аилә башчысысанса, ‘өз аиләни јахшы идарә ет’ (1 Тим. 3:4, 5, 12).
3 Хидмәти көмәкчи вә ја ағсаггал кими хидмәт етмәк үчүн сә’јлә чалышмаг вә фәдакарлыг руһу ҝөстәрмәк ҝәрәкдир (1 Тим. 5:17). Буна ҝөрә әлавә мәс’улијјәтләрә сә’ј ҝөстәрәк, илк нөвбәдә тәвазөкарлыгла башгаларына хидмәт ет (Мат. 20:25-28; Јәһ. 13:3-5, 12-17). Тимотејин әкс етдирдији руһун үзәриндә дүшүн вә ону тәглид етмәјә чалыш (Филип. 2:20-22). Гој Тимотеј кими, сәнин барәндә дә јахшы әмәлләрин шаһидлик етсин (Һәв. иш. 16:1, 2). Әлавә мәс’улијјәтләрин өһдәсиндән ҝәлмәк үчүн руһани хүсусијјәтләр инкишаф етдирсән вә дүзәлишләр етмәли олдуғун саһәләрә даир верилән мәсләһәтләрә һај версән, ‘сәнин тәрәггин һамыја ашкар олаҹаг’ (1 Тим. 4:15).
4 Валидејнләр, ҹаванлары көмәк етмәјә өјрәдин. Ушаглар башгаларына көмәк етмәјә еркән јашларындан өјрәнә билирләр. Онлары тәблиғ етмәјә, јығынҹаг ҝөрүшләриндә диггәтли олмаға вә һәм Падшаһлыг Залында, һәм дә мәктәбдә өзләрини јахшы апармаға өјрәдин. Падшаһлыг Залынын јығышдырылмасына, ағсаггаллара көмәк етмәјә вә бу кими башга ишләрдә башгаларына хидмәт етмәјә онлары тәшвиг един. Гој онлар өзләри һисс етсинләр ки, “вермәк... даһа бөјүк бәхтијарлыг ҝәтирир” (Һәв. иш. 20:35). Бу ҹүр тә’лим онлара ҝәләҹәкдә пионер, хидмәти көмәкчи вә ағсаггал олмаға көмәк едәҹәк.