Тәблиғ хидмәтиндә журналлардан истифадә ет
1, 2. «Ҝөзәтчи Гүлләси» вә «Ојанын!» журналлары инсанларын һәјатларына неҹә тә’сир едир?
1 «Мараглы, актуал вә руһландырыҹыдыр». «Мәним охудуғум журналлардан ән тәравәтләндириҹисидир». Бу ҹүр рә’јләр бүтүн дүнјадакы охуҹуларын «Ҝөзәтчи Гүлләси» вә «Ојанын!» журналларына олан мүнасибәтләрини ҝөзәл тәсвир едир. Бәли, бизим журналларымыз ‘бүтүн инсанлара’ хош хәбәри чатдырмаг үчүн чох гијмәтли васитәдир (1 Тим. 2:4).
2 Бир ишҝүзар адам ону марагландыран суалын мүзакирә олундуғу «Ојанын!» журналыны ҝөтүрдү. Сонра о, бу журналла бирҝә верилән «Ҝөзәтчи Гүлләси»ни дә охуду. Журналдакы мәгаләләрдән бири ону өмрү боју инандығы Үч үгнум тә’лимини дәриндән арашдырмаға тәшвиг етди. Бу, онда мараг ојатды. О, алты ајдан сонра вәфтиз олунду. Башга бир нәфәр мүнтәзәм олараг журналлар алса да онлары һеч вахт охумурду. Онун арвады исә Шаһидләрдән гачынырды, амма һәјат јолдашына верилән журналлары охујурду. Мүгәддәс Китабын јер үзүндә Ҹәннәт олаҹағы вә орада салеһ инсанларын јашајаҹағы вә’ди она дәрин тә’сир бағышлады. Бир мүддәтдән сонра һәмин гадын, онун оғлу вә баҹысы Јеһоваја хидмәт етмәјә башладылар.
3. Журналларын икисини дә бир јердә тәклиф етмәк нәјә ҝөрә даһа јахшыдыр?
3 Икисини бир јердә тәклиф ет. Јухарыдакы нүмунәләр ҝөстәрир ки, биз журналларымызы кимин охујаҹағыны вә онларда нәјин мараг ојадаҹағыны әввәлҹәдән билмирик (Ваиз 11:6). Буна ҝөрә дә, әсасән јалныз бир журнала даир тәгдимә етмәјимизә бахмајараг, јахшы оларды ки, «Ҝөзәтчи Гүлләси» вә «Ојанын!» журналларыны бир јердә верәк. Бә’зи һалларда инсана бир нечә журнал тәклиф етмәк олар.
4. Журналларла хидмәти неҹә планлашдыра биләрик?
4 Һәфтәнин бир ҝүнүнү журналлары пајламаг үчүн ајырмаг пис олмазды. Јеһованын Шаһидләринин 2005-ҹи ил үчүн олан тәгвиминдә һәр шәнбә ҝүнләри журналларла хидмәт етмәк ҝүнләри кими гејд олунуб. Әлбәттә, јерли вә шәхси шәраитләр фәргләнир, буна ҝөрә дә журналлары пајламаг үчүн бә’зиләри һәфтәнин башга ҝүнүнү тә’јин едә биләрләр. Хидмәтин бу нөвү сәнин һәфтәлик графикинә дахилдирми?
5. Журналлары пајламаг үчүн һансы имканларымыз вар вә бу имканлардан истифадә етмәкдә бизә нә көмәк едә биләр?
5 Гаршына шәхси мәгсәдләр гој. Ајда нә гәдәр журнал пајлајаҹағымызы мүәјјән етмәјимиз, диггәтимизи журналлары пајламаға ҹәмләшдирмәјә көмәк едәҹәк. Сәнин журнал маршрутун вармы? Тәблиғдә раст ҝәлдијин инсанлара журналлар тәклиф едирсәнми? Журналлары күчәдә, ишҝүзар әразидә вә иҹтимаи јерләрдә тәклиф едә биләрсәнми? Нәглијјатла јол ҝедәндә, базарлыг едәндә вә ја иш далынҹа ҝедәндә өзүнлә журналлар ҝөтүрүрсәнми? Јаранан һәр фүрсәтдән истифадә ет ки, башгалары да «Ҝөзәтчи Гүлләси» вә «Ојанын!» журналларындан фајда әлдә етсинләр.
6. Журналларын көһнә сајларындан неҹә дүзҝүн истифадә едә биләрик?
6 Журналларын көһнә нәшрләрини пајламағы да гаршымыза мәгсәд гоја биләрик. Әҝәр журналлары бурахылыш тарихиндән сонра бир-ики ај әрзиндә пајлаја билмәмишиксә, орада олан мә’лумат өз дәјәрини итирмир. Онлары марагланан инсанлара тәклиф ет. Милјонларла инсанлар үчүн «Ҝөзәтчи Гүлләси» вә «Ојанын!» журналлары «јериндә дејилән сөзләр» кими олмушдур (Сүл. мәс. 25:11). Ҝәлин журналлардан истифадә едәрәк, милјонларла инсанлара Јеһованы танымагда вә Она хидмәт етмәкдә көмәк едәк.