Мүгәддәс Китабы өјрәнәнләрә руһән бөјүмәкдә көмәк едирик. ВЫЫЫ һиссә.
Аллаһын тәшкилаты илә таныш едирик
1. Һәр һәфтә өјрәнмә заманы Јеһованын тәшкилаты һаггында һансыса фикирләри бөлүшмәк нәјә ҝөрә фајдалыдыр?
1 Мүгәддәс Китаб өјрәнмәси кечирмәкдә мәгсәдимиз инсана јалныз Мүгәддәс Китаб тә’лимләрини чатдырмаг дејил, һәмчинин тәшкилатын бир һиссәси олмаға көмәк етмәкдир (Зәк. 8:23). Бунун үчүн «Јеһованын Шаһидләри. Онлар кимдирләр? Нәјә инанырлар?» брошүрасындан истифадә етмәк олар. Бу брошүраны Мүгәддәс Китабы өјрәнмәјә башлајанлара вер вә охумаға тәшвиг ет. Бундан әлавә һәр һәфтә өјрәнмә заманы Јеһованын тәшкилаты һаггында һансыса фикирләри бөлүшмәк үчүн бир нечә дәгигә вахт ајыр.
2. Мүгәддәс Китабы өјрәнәнләри ҝөрүшләрә ҝәлмәјә неҹә тәшвиг едә биләрсән?
2 Јығынҹаг ҝөрүшләри. Мүгәддәс Китабы өјрәнәнләр мәсиһчи ҝөрүшләринә ҝәлмәјин вә бизимлә үнсијјәтдә олмағын сајәсиндә, Аллаһын тәшкилатынын нә демәк олдуғуну даһа тез баша дүшәрләр (1 Кор. 14:24, 25). Буна ҝөрә дә һәр һәфтә кечирилән беш ҝөрүшүмүз һаггында данышмаг олар. Һәр дәфә онлардан бири һаггында даныш. Бу јахынларда сөјләниләҹәк мә’рузәнин адыны де. «Ҝөзәтчи Гүлләси» вә китабөјрәнмәдә мүзакирә олунаҹаг материалы ҝөстәр. Теократик Хидмәт Мәктәбинин вә хидмәти ҝөрүшүн неҹә кечирилдијини изаһ ет. Әҝәр Мәктәбдә чыхышын варса, ону өјрәнәнләрлә мәшг едә биләрсән. Ҝөрүшдә ешитдијин мараглы фикирләрлә бөлүш. Нәшрләримиздәки фотошәкилләрдән истифадә едәрәк, ҝөрүшләримизин неҹә кечдији һагда даныш. Илк дәрсдән е’тибарән өјрәнәнләри ҝөрүшләрә дә’вәт ет.
3. Тәшкилат һаггында һансы суаллары изаһ етмәк олар?
3 Хатирә Ҝеҹәси, конгресләр вә рајон нәзарәтчисинин зијарәт едәҹәји вахт јахынлашанда, бу тәдбирләр һаггында данышмаг үчүн бир нечә дәгигә вахт ајыр вә онлары бу ҝөрүшләрә ҝәлмәјә тәшвиг ет. Тәдриҹән нөвбәти суаллара ҹаваб вер: тәшкилатымыз нә үчүн Јеһованын Шаһидләри адланыр? Ҝөрүшләримизин кечирилдији јерләр нә үчүн Падшаһлыг Заллары адланыр? Ағсаггалларын вә хидмәти көмәкчиләрин вәзифәси нәдән ибарәтдир? Тәблиғ вә әразиләрин пајланмасы иши неҹә тәшкил олунуб? Әдәбијјатымыз неҹә чап олунур? Фәалијјәтимиз неҹә малијјәләшдирилир? Филиал вә Рәһбәрлик шурасы бу ишә неҹә нәзарәт едир?
4, 5. Видеофилмәлимиз тәшкилатла таныш олмагда вә она ҝөрә миннәтдарлыг инкишаф етдирмәкдә инсанлара неҹә көмәк едир?
4 Видеофилмләр. Јеһованын валеһедиҹи тәшкилаты илә таныш олмағын диҝәр үсулу исә видеофилмләрдир. Беш ил әрзиндә журналларымызы вә диҝәр нәшрләримизи алан бир гадын «Јеһованын Шаһидләри. Адына лајиг тәшкилат» адлы видеофилмә бахдыгдан (рус.) сонра мүтәәссир олмуш, ҝөзләри јашла долмушдур. Она баш чәкән Шаһидләрә артыг е’тибар едирди, лакин бу филмдән сонра тәшкилата да е’тибар едә биләҹәјини һисс етди. Онунла Мүгәддәс Китаб өјрәнмәси башланды вә нөвбәти һәфтәдән е’тибарән Падшаһлыг Залында кечирилән ҝөрүшләрә ҝәлмәјә башлады.
5 Тәгдим едилән вәсаитләрдән бә’зи фикирләрин мүзакирәсинә һәр һәфтә бир нечә дәгигә вахт ајырмагла, Мүгәддәс Китабы өјрәнәнләри тәдриҹән Јеһованын јер үзүндәки јеҝанә тәшкилаты илә таныш етмиш оларыг.