Мүгәддәс Китабы өјрәнәнләрә руһән бөјүмәкдә көмәк едирик ЫХ һиссә.

Гејри-рәсми сурәтдә тәблиғ етмәјә һазырлајырыг.

¹ Андреј вә Филип Исанын вә’д едилмиш Мәсиһ олдуғуну дәрк едәндә, онларда бу һәјәҹанландырыҹы хәбәри башгаларына чатдырмаг арзусу јаранды (Јәһ. 1:40-45). Буна бәнзәр тәрздә бу ҝүн дә Мүгәддәс Китабы өјрәнән кәсләр өјрәндикләринә иман едир вә бу һагда башгаларына данышмаға тәшвиг олунурлар (2 Кор. 4:13). Бәс биз онлары гејри-рәсми сурәтдә тәблиғ етмәјә неҹә тәшвиг едә биләрик вә буну даһа еффектив сурәтдә етмәјин јолу һансыдыр?

² Садәҹә олараг, ондан Мүгәддәс Китабдан өјрәндикләрини башгаларына данышыб-данышмадығыны сорушмаг олар. О, достларындан вә ја аилә үзвләриндән кими исә өјрәнмәјә дә’вәт едә биләр. Онун әмәкдашларындан, синиф јолдашларындан вә ја танышларындан киминсә хош хәбәрә мараг ҝөстәриб-ҝөстәрмәдији һагда соруша биләрсән. Әҝәр беләләри варса, онда өјрәнәнин онларла Мүгәддәс Китаб һаггында данышмасы јахшы оларды. Ону баша сал ки, башгаларына Јеһова Аллаһ вә Онун нијјәтләри һаггында данышаркән, нәзакәтли вә меһрибан олмаг лазымдыр (Колос. 4:6; 2 Тим. 2:24, 25).

³ Өз е’тигадларыны бөлүшмәк. Өјрәнән адамын өз е’тигадларыны башгалары илә бөлүшмәси үчүн, она Аллаһын Кәламындан неҹә истифадә етмәји өјрәтмәк чох ваҹибдир. Өјрәнмә заманы мүәјјән фикирләри мүзакирә едәрәк ондан соруш: «Мүгәддәс Китабын көмәји илә сиз буну аилә үзвләринизә неҹә изаһ едәрдиниз?» вә ја «Буну достунуза изаһ етмәк үчүн һансы Мүгәддәс Китаб ајәләриндән истифадә едәрдиниз?» Онун ҹавабларына диггәтлә гулаг ас вә сонра Мүгәддәс Китабдан дәлил ҝәтир (2 Тим. 2:15). Беләликлә сән ону гоһумларына вә достларына тәблиғ етмәјә, мүәјјән тәҹрүбә әлдә етдикдән сонра исә, јығынҹагла бирҝә рәсми олараг тәблиғ ишиндә иштирак етмәјә һазырлајаҹагсан.

⁴ Мүгәддәс Китабы өјрәнәнләри ҝәләҹәкдә гаршылаша биләҹәкләри тә’гибләрә индидән һазырламаг мүдрикликдир (Мат. 10:36; Лука 8:13; 2 Тим. 3:12). Кимсә суал верәндә вә ја Јеһованын Шаһидләри һаггында мәнфи рә’ј сөјләјәндә, шаһидлик вермәк үчүн ҝөзәл имкан јараныр. «Јеһованын Шаһидләри. Онлар кимдирләр? Нәјә инанырлар?» (рус.) брошүрасы ‘ҹаваб вермәк үчүн һазыр олмагда’ онлара көмәк едә биләр (1 Пет. 3:15). Һәмин брошүрада Мүгәддәс Китаба әсасланан е’тигадларымыз вә фәалијјәтимиз һаггында дәгиг мә’лумат верилир. Мүгәддәс Китабы өјрәнән шәхс бүтүн бунлары достларына вә аилә үзвләринә изаһ едәркән истифадә едә биләр.