Башгаларына ‘үрәкдән итаәт етмәкдә’ көмәк ет
1. Јеһова Она ибадәт едәнләрдән нә тәләб едир?
1 Ибадәтимизин Јеһоваја мәгбул олмасы үчүн итаәткарлыг ҝөстәрмәлијик (Ганун. 12:28; 1 Пет. 1:14-16). ‘Аллаһы танымајан вә Мүждәјә итаәт етмәјәнләр’ тезликлә Аллаһын һөкмүнә уғрајаҹаглар (2 Салон. 1:8). Башгаларынын Аллаһын Кәламындакы тә’лимләрә ‘үрәкдән итаәт етмәләринә’ неҹә көмәк едә биләрик? (Ром. 6:17).
2. Башгаларынын мөһкәм иман инкишаф етдирмәләринә көмәк етмәк нәјә ҝөрә ваҹибдир?
2 Иман вә мәһәббәт инкишаф етдирмәкдә көмәк ет. Мүгәддәс Јазылар итаәткарлығын иманла сых бағлы олдуғуну ҝөстәрир. Һәвари Павел «әбәди Аллаһын әмринә ујғун олараг... бүтүн халгларын иман ҝәтириб итаәт етмәләри» барәдә јазмышдыр (Ром 14:24, 25). Павелин «Ибраниләрә» мәктубунун 11-ҹи фәслиндә Јеһованын ирадәсинә мүвафиг давранан вә мөһкәм имана малик олан бир чох хидмәтчиләринин ҝөзәл нүмунәләри садаланыр (Ибр. 11:7, 8, 17). Итаәтсизлик исә, иманын чатышмазлығындан ирәли ҝәлир (Јәһ. 3:36; Ибр. 3:18, 19). Биз Аллаһын Кәламындан мәһарәтлә истифадә етмәји баҹармалыјыг ки, башгаларынын итаәткарлыг ҝөстәрмәјә тәшвиг едән иман инкишаф етдирмәләринә көмәк едәк (2 Тим. 2:15; Јаг. 2:14, 17).
3. а) Итаәткарлыг мәһәббәтлә неҹә бағлыдыр? б) Мүгәддәс Китабы өјрәнәнләрә Јеһованы севмәкдә неҹә көмәк едә биләрик?
3 Итаәткарлыг, һәмчинин Аллаһа мәһәббәтлә бағлыдыр (Ганун. 5:10; 11:1, 22; 30:16). 1 Јәһја 5:3 ајәсиндә дејилир: «Аллаһы севмәк, Аллаһын әмрләринә риајәт етмәк демәкдир. Онун әмрләри исә ағыр дејилдир». Мүгәддәс Китабы өјрәнәнләрин Јеһоваја мәһәббәт инкишаф етдирмәләринә неҹә көмәк етмәк олар? Өјрәнмә заманы Јеһованын кејфијјәтләринә ҝөрә миннәтдарлыг һисси инкишаф етдирмәләри үчүн һәр бир фүрсәтдән истифадә ет. Ҝөстәр ки, сән дә Аллаһа дәрин миннәтдарлыг һисси бәсләјирсән. Өјрәнән адамы Јеһова илә шәхси мүнасибәт инкишаф етдирмәк барәдә дүшүнмәјә тәшвиг ет. Ахы Јеһоваја итаәт етмәк арзусу һәм биздә, һәм башга адамларда илк нөвбәдә мәһәббәтдән ирәли ҝәлир (Мат. 22:37).
4. а) Бизим шәхси нүмунәмиз нәјә ҝөрә ваҹибдир? б) «Итаәткар үрәк» инкишаф етдирмәк үчүн нә етмәлијик?
4 Өзүн нүмунә ол. Өз шәхси нүмунәмизлә башгаларыны хош хәбәрә итаәт етмәјә тәшвиг едә биләрик. Лакин «итаәткар үрәк» (ЈД) инкишаф етдирмәк үчүн ҝәрәк биз өзүмүз даим гүввә сәрф едәк (1 Пад. 3:9; Сүл. мәс. 4:23). Буну неҹә едә биләрик? Мүнтәзәм олараг Мүгәддәс Китабы өјрәнмәклә вә ҝөрүшләрә ҝәлмәклә үрәјимизи гидаландырмалыјыг (Мәз. 1:1, 2; Ибр. 10:24, 25). Һәмишә Јеһованы бүтүн үрәкдән севән вә Она итаәт едән инсанларла үнсијјәт ет (Сүл. мәс. 13:20). Инсанлара сәмими гәлбдән көмәк етмәк арзусу илә мүнтәзәм олараг хидмәтдә иштирак ет. Јеһовадан дуада јахшы үрәк инкишаф етдирмәк үчүн Өз рәһбәрлијини тәгдим етмәси барәдә хаһиш ет (Мәз. 86:11). Сәнин үрәјини поза биләҹәк һәр шејдән, мәсәлән, әхлагсызлыг вә зоракылыгла бағлы әјләнҹәләрдән гачын. Сәни Аллаһа јахынлашдыраҹаг вә Онунла олан мүнасибәтләрини мөһкәмләндирәҹәк ишләрлә мәшғул ол (Јаг. 4:7, 8).
5. Итаәткарлыг инсана неҹә хејир-дуа ҝәтирир?
5 Јеһова гәдим Исраил халгына демишдир ки, әҝәр Онун сөзүнә итаәт етсәләр, Онун хејир-дуалары онларын үзәринә ҝәләҹәк (Ганун. 28:1, 2). Бу ҝүн дә Јеһова «Она итаәт едәнләрә» бол хејир-дуалар верир (Һәв. иш. 5:32). Буна ҝөрә дә, ҝәлин башгаларыны өјрәдәрәк вә онлара нүмунә верәрәк үрәкдән итаәткар олмаларына көмәк едәк.