Һәлимләрә Аллаһын јолу илә ҝетмәји өјрәт
1. Шаҝирд һазырламаг нә демәкдир?
1 Мәсиһин биринҹи әсрдә јашајан давамчылары һаггында «Јола» аид олан инсанлар кими данышырдылар (Һәв. иш. 9:2). Һәгиги мәсиһчилик инсанын бүтүн һәјат јолуну әһатә едир (Сүл. мәс. 3:5, 6). Буна ҝөрә дә, Мүгәддәс Китаб өјрәнмәси апараркән, тә’лимләр һаггында садәҹә дәгиг билик вермәк кифајәт етмир. Биз, о ҹүмләдән, өјрәнәнләрә Јеһованын јолу илә ҝетмәјә көмәк етмәлијик (Мәз. 25:8, 9).
2. Мүгәддәс Китабы өјрәнәнләри Аллаһын әмрләринә риајәт етмәјә нә тәшвиг едә биләр?
2 Јеһоваја вә Исаја мәһәббәт. Гејри-камил инсана дүшүнҹәсини, мөвгејини, нитгини вә давранышыны Аллаһын ирадәсинә ујғунлашдырмаг неҹә дә чәтиндир! (Ром. 7:21-23; Ефес. 4:22-24). Лакин Аллаһа вә Онун Оғлуна олан мәһәббәт, һәлим инсанлары бу асан олмајан иши өһдәләринә ҝөтүрмәјә тәшвиг едир (Јәһ. 14:15; 1 Јәһ. 5:3). Бу мәһәббәти инкишаф етдирмәкдә Мүгәддәс Китабы өјрәтдијимиз кәсләрә неҹә көмәк ола биләрик?
3. Мүгәддәс Китабы өјрәнәнләрә Јеһова вә Исаны севмәји неҹә өјрәдә биләрик?
3 Өјрәнәнләрә Јеһованын неҹә шәхсијјәт олдуғуну билмәјә көмәк ет. Бир гардаш изаһ едир: «Инсанлар танымадыглары бир шәхси севә билмәзләр, буна ҝөрә дә өјрәнмәјә башлајан кими, мән онлара дәрһал Мүгәддәс Китабда Аллаһын адыны ҝөстәрирәм вә Јеһованын хүсусијјәтләрини гејд етмәк үчүн һәр фүрсәтдән истифадә едирәм». Јеһованын неҹә Аллаһ олдуғуну Исанын нүмунәсиндә ҝөстәрә биләрик (Јәһ. 1:14; 14:9). Бундан башга, «Билик» китабынын һәр фәслинин сонунда, тәкрар үчүн олан чәрчивәдән истифадә едәрәк, өјрәнән шәхсә Аллаһын вә Мәсиһин ҝөзәл хүсусијјәтләри үзәриндә дүшүнмәјә көмәк ет.
4. а) Бир чох өјрәнәнләрә тәблиғ етмәк нәјә ҝөрә чәтиндир? б) Өјрәнәнләрә мәсиһчи хидмәтиндә илк аддымларыны атмаға неҹә көмәк едә биләрик?
4 Нүмунә ҝөстәр. Һәм мүәллим, һәм дә бир нүмунә кими, биз һәрәкәтләримизлә Аллаһын јолу илә ҝетмәјин нә демәк олдуғуну башгаларына ҝөстәририк (1 Кор. 11:1). Мәсәлән, Мүгәддәс Китабы өјрәнәнләрин әксәријјәти өз е’тигадлары илә бөлүшмәк үчүн јад адамлара јанашмаға алышмајыблар. Тәблиғ вә шаҝирд һазырламаг ишиндә иштирак етмәк үчүн мәһәббәт, иман вә ҹәсарәт кими хүсусијјәтләрә саһиб олмаг ҝәрәкдир. Онларын бу хүсусијјәтләри инкишаф етдирмәсинә көмәк етмәк үчүн биздән сәбир вә баҹарыг тәләб олунур (2 Кор. 4:13; 1 Салон. 2:2). Әҝәр бу јолда онлара көмәк етмәк истәјириксә, мәсиһчи хидмәтиндә илк аддымларыны атанда онлары тәк бурахмајаҹағыг.
5. Јахшы нүмунә, Аллаһын әмрләринә әмәлдә риајәт етмәјин нә демәк олдуғуну баша дүшмәкдә шаҝирдләрә неҹә көмәк едир?
5 Сәнин нүмунән өјрәнәнләрә мәсиһчи һәјатынын диҝәр ваҹиб саһәләрини дә өјрәдә биләр. Хәстәләрә баш чәкәндә вә ја јығынҹаг ҝөрүшләринә ҝәләнләри сәмими саламлајанда, онлар мәһәббәтин әмәлдә неҹә тәзаһүр едилдијини ҝөрүрләр (Јәһ. 15:12). Падшаһлыг Залынын тәмизләнмәсиндә иштирак едәндә вә ја башгаларына көмәклик ҝөстәрәндә, хидмәт етмәјин нә демәк олдуғуну әмәлдә өјрәдирсән (Јәһ. 13:12-15). Онлар сәнин садә һәјат тәрзи сүрдүјүнү ҝөрәндә исә ‘әввәлҹә Аллаһын Падшаһлығыны ахтармағын’ нә демәк олдуғуну баша дүшүрләр (Мат. 6:33).
6. Башгаларынын Јеһоваја хидмәт етмәләринә ҝөстәрилән көмәк һансы севинҹи бәхш едир?
6 Инсанлара Аллаһын Кәламыны өјрәтмәк вә шаҝирдләр һазырламаг иши чох сә’ј тәләб едир. Лакин һәлимләрин «һәгигәтә ҝөрә һәрәкәт етдијини» ҝөрмәк неҹә дә севиндириҹидир! (3 Јәһ. 4).